شينجياڭ اۋرۋدان ساقتانۋ جانە تىزگىندەۋ ورتالىعى:
جاڭا تيپتى ايدارشا ۆيرۋسپەن جۇعىمدالۋ تومەن دەڭگەيدە تارالۋ، باسەڭ تولقۋ كۇيىندە تۇرعانىمەن، الايدا ساقتانۋ شارالارى اسا قاجەتتى
□ انار بۇلت \ شينجياڭ گازەتىنىڭ ءتىلشىسى سۋ لۋپيڭ
2023.06.05 17:04 كەلۋ قاينارى : شينجياڭ گازەتى
جاقىندا تارالمالى تۇماۋ اۋرۋ بەلگىسى بارلاردىڭ قاتارى كوبەيىپ كەلەدى، مۇنىڭ ىشىندە ءبىر ءبولىم ادامدار جاڭا تيپتى ايدارشا ۆيرۋسپەن ”1 - رەت“، ”2 - رەت“ جۇعىمدالعاندار. قازىر جاڭا تيپتى ايدارشا ۆيرۋسپەن جۇعىمدالۋ رايونىمىزدا قانداي تارالۋ دەڭگەيىندە تۇر؟ ”B تۇردەگى B باسقارۋ“ جاعدايىندا قالاي ساقتانساق بولادى؟ قازىرگى كەزدە تاعى قانداي جۇقپالى اۋرۋلاردىڭ الدىن الۋ قاجەت؟ 6 - ايدىڭ 2 - كۇنى ءتىلشى وسى جونىندە اۆتونوميالى رايوندىق اۋرۋدان ساقتانۋ جانە تىزگىندەۋ ورتالىعىنىڭ اعا شيپاگەرى ماحمۇتپەن سۇحباتتاستى.
”قىزۋى ورلەۋ، تاماعى اۋىرۋ، مۇرنىنان سۋ اعۋ سياقتى اۋرۋ بەلگىلەرى جاڭا تيپتى ايدارشا ۆيرۋسپەن جۇعىمدالۋدان بولماعان، بالكىم، تارالمالى تۇماۋ نەمەسە ادەتتەگى تۇماۋ بولۋى مۇمكىن“. ماحمۇت بىلاي دەدى: وسىنداي اۋرۋ بەلگىلەرى بايقالعان ادامداردىڭ وزدەرى جاڭا تيپتى ايدارشا ۆيرۋس انتيگەن سىناعىن جاساپ تۇجىرىم شىعارۋىنا نەمەسە شيپاحاناعا بارىپ كورىنۋىنە بولادى.
ەسكەرە كەتەتىن جايت، اۆتونوميالى رايوننىڭ سايكەستى باقىلاۋ - ولشەۋ ساندى مالىمەتىندە كورسەتىلۋىنشە، جاڭا تيپتى ايدارشا ۆيرۋسپەن جۇعىمدالۋ ىندەتى بۇكىل ەلدەگى باسقا ولكەلەرمەن ۇقساس تومەن دەڭگەيدە تارالۋ، باسەڭ تولقۋ كۇيىندە تۇر.
بيىل شينجياڭنىڭ كليماتى نەداۋىر قۇبىلمالى، جاز كەلىسىمەن اۋا تەمپەراتۋراسى بىردە جوعارى، بىردە تومەن بولۋدا. جاڭا تيپتى ايدارشا ۆيرۋسپەن جۇعىمدالۋ تومەن دەڭگەيدە بولعانىمەن، الايدا ونىڭ جۇعۋ دارەجەسى كۇشتى. جەكەلىك ساقتىقتى جاقسى ىستەۋ − جاڭا تيپتى ايدارشا ۆيرۋس، تارالمالى تۇماۋ سياقتى تىنىس جولى جۇقپالى اۋرۋلارىنان ساقتانۋدىڭ ەڭ ءونىمدى ءتاسىلى.
كوپشىلىكتىڭ مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ىندەتتىڭ الدىن الۋ - تىزگىندەۋ گرۋپپاسى جاريالاعان «جاڭا تيپتى ايدارشا ۆيرۋسپەن جۇعىمدالۋدان ساقتانۋ - تىزگىندەۋدە الەۋمەتتىك ماسكى تاعۋ نۇسقاماسىنا (2023 - جىلى 4 - ايداعى نۇسقاسى)» نەگىزدەلىپ، الدىن الۋدى، ساقتانۋدى جاقسى ىستەۋى كەرەك. مىسالى، كوپشىلىك جاڭا تيپتى ايدارشا ۆيرۋسپەن جۇعىمدالۋ كەزەڭىندە نەمەسە جاڭا تيپتى ايدارشا ۆيرۋسپەن جۇعىمدالۋ اۋرۋ بەلگىلەرى بايقالسا، ماسكى تاعۋى ءتيىس؛ ەرەن بازار، كينوحانا، تەاترحانا، جولاۋشىلار تاسىمال بەكەتى سياقتى ادامدار ءبىرشاما كوپ نەمەسە جابىق ورىنداردا، ادام شوعىرلى وڭىرلەردە نەمەسە ورىنداردا قارتتار، سوزىلمالى نەگىزدىك اۋرۋى بار ناۋقاستار، جۇكتى ايەلدەر سياقتى ەرەكشە قاۋىم جابىق الەۋمەتتىك ورىندارعا بارعاندا ماسكى تاعۋىن ۇسىنىس ەتەمىز؛ اشىق الاڭ، باقشا سياقتى سىرت ورىنداردا نەمەسە سالىستىرمالى تۇراقتى جابىق ورىنداردا جانە ءماجىلىسحانادا ماسكى تاقپاسا دا بولادى.
ۇنەمى قول جۋۋ، ۇنەمى اۋا الماستىرۋ، جوتەلگەندە، تۇشكىرگەندە قاجەتتى بۇركەۋ شارالارىن قولدانۋ ءتيىس، ورتاق ساقپى ءتۇزىمى سياقتى تازالىق ادەتى مەن تۇرمىس تاسىلىنە ءالى دە تاباندى بولۋ كەرەك؛ مەيلى قاي ۋاقىتتا، قاي ورىندا بولسىن، كوپشىلىك قىراعىلىقتى ساقتاپ، اۋاسى الماسپايتىن جابىق كوڭىل اشۋ ورىندارى مەن الەۋمەتتىك ورىندارعا مۇمكىندىكتىڭ بارىنشا بارماۋى نەمەسە از بارۋى، بارعاندا، ءسوزسىز، ماسكى تاعۋى ءتيىس. سونىمەن بىرگە جاڭا تيپتى ايدارشا ۆيرۋس ۆاكسيناسىنىڭ كۇشەيتپەلى يممۋنيتەت ۆاكسيناسىن قويدىرىپ، ءوز باسىنىڭ سالاماتتىق باقىلاۋ - ولشەۋىن جاقسى ىستەپ جانە جاقسى باسقارىپ، اس - سۋ قورەكتىگىنىڭ تەپە - تەڭدىگىنە ءمان بەرىپ، ۇيلەسىمدى دەنە شىنىقتىرىپ، يممۋنيتەت قۋاتىن جوعارىلاتۋ كەرەك.
ماحمۇت مىنالاردى ەسكەرتتى: قازىر جاز كەلگەنىمەن، الايدا جەر - جەردىڭ اۋا رايىنىڭ تولقۋى ءبىرشاما ۇلكەن، تىنىس جولى جۇقپالى اۋرۋلارىنان ساقتانۋ جانە تىزگىندەۋ ءالى دە ماڭىزدى. جاڭا تيپتى ايدارشا ۆيرۋسپەن جۇعىمدالۋدىڭ الدىن الۋ جانە ساقتانۋمەن بىرگە، A تيپتى جۇقپالى تۇماۋ، شىقشىت بەزىنىڭ قابىنۋى، سۋ شەشەك سياقتىلاردىڭ الدىن الۋ قاجەت. اۋا تەمپەراتۋراسىنىڭ بىرتىندەپ ورلەۋىنە ىلەسە، قول - اياق جانە اۋىز قۋىسى اۋرۋلارى، سۋ شەشەك، تارالمالى قاناعىش قىزبا، برۋتسەللەز، ازىق - تۇلىك قاينارى اۋرۋى سياقتى اۋرۋلاردان دا ساقتانۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
