6 ـ ايدىڭ 16 ـ كۇنىنەن باستاپ، گۋاڭجوۋدان التايعا توتە ۇشاتىن كەزەكشى ۇشاق قالپىنا كەلەدى
2023.06.07 14:03 كەلۋ قاينارى : حالىق تورابى
انار بۇلت \ شينجياڭ گازەتىنىڭ حابارى. 6 ـ ايدىڭ 6 ـ كۇنى ءتىلشىنىڭ جۇڭگو وڭتۇستىك اۆياتسياسى شينجياڭ بولىمشە سەرىكتەستىگىنىڭ (تومەندە قىسقاشا وڭتۇستىك اۆياتسيا سەرىكتەستىگى دەلىنەدى) التاي تيجارات ورنىنان ۇعىسۋىنا قاراعاندا، 6 ـ ايدىڭ 16 ـ كۇنى گۋاڭجوۋ مەن التايدىڭ اراسىنا قاتىنايتىن اۋە جولى رەسمي اشىلادى، ءار جۇما كۇنى ءبىر رەت بارىپ – كەلەدى. اۋە جولىنىڭ قالپىنا كەلۋى التايدىڭ ءبىرىنشى قاتارداعى قالالارعا توتە ۇشاتىن اۆياتسيا تاسىمال تورابىن كەڭەيتىپ، ەكى جەرگە بارىپ ـ كەلەتىن جولاۋشىلاردىڭ ءجۇرىس - تۇرىس قاجەتىن قاناعاتتاندىرادى.
ۇعىسۋعا قاراعاندا، بۇل اۋە جولىن وڭتۇستىك اۆياتسياسى ىسكە قوسقان، بوين 738 نەمەسە بوين 737 ۇشاعى ۇشۋ مىندەتىن اتقارادى. CZ3949 كەزەكشى ۇشاعى بەيجيڭ ۋاقىتى 06:50 دە گۋاڭجوۋدىڭ باييۇن حالىقارالىق اۋەجايىنان ۇشىپ، جەرگىلىكتى ۋاقىت ساعات 13:00 دە التاي شۋەدۋ اۋەجايىنا جەتەدى؛ CZ3950 كەزەكشى ۇشاعى بەيجيڭ ۋاقىتى ساعات 13:50 دە التاي شۋەدۋ اۋەجايىنان ۇشىپ، جەرگىلىكتى ۋاقىت بويىنشا 19:20 دا گۋاڭجوۋ باييۇن حالىقارالىق اۋەجايىنا جەتەدى، جالپى بارىستا تىكەلەي ۇشادى، ۇشۋ ۋاقىتى 5 ساعات 30 مينۋت.
التاي — سولتۇستىك شينجياڭداعى ماڭىزدى قالا رەتىندە، رەسەي، قازاقستان، موڭعۇليا 3 ەلمەن شەكارالاسادى، جىبەك جولى ەكونوميكالىق بەلدەۋىنىڭ سولتۇستىك ارناسى جانە شينجياڭنىڭ جۇڭگو ـ موڭعۇليا ـ رەسەي ەكونوميكالىق ءدالىزى قۇرىلىسىنا ات سالىسۋىنداعى ماڭىزدى ءتۇيىندى قالا.
سوڭعى جىلدارى، گۋاڭدۇڭ ولكەسى شينجياڭنىڭ ساياحات نىساندارىنىڭ ماڭىزدى جولاۋشى قاينارىنا اينالدى، گۋاڭدۇڭدىق ساياحاتشىلاردىڭ سانى جىل سايىن ارتتى، وسى رەت گۋاڭجوۋدان التايعا توتە ۇشاتىن كەزەكشى ۇشاق 6 - ايدىڭ ورتا شەنىندە قايتا ۇشۋدى تاڭدادى، اۆياتسيا سەرىكتەستىگى جازعى ساياحاتتىڭ قاۋىرت مەزگىلىن كوزدەدى، ۇشاق قايتا قاتىناعاننان كەيىن التاي ايماعىنىڭ جازعى ساياحات كاسىبىنىڭ دامۋىن ۇزدىكسىز ىلگەرىلەتىپ، جولاۋشىلاردىڭ ءجۇرىس ـ تۇرىس قاجەتىن ونان ارى قاناعاتتاندىرىپ، گۋاڭجوۋدان التايعا دەيىنگى تەز، قولايلى اۋە كوپىرىن سالادى. وسىدان كەيىن التاي تاعى بەيجيڭ سياقتى جەرلەرگە توتە ۇشاتىن اۋە جەلىسىن اشادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
