شينجياڭ وڭتۇستىك شينجياڭدى دامىتۋ ارناۋلى قارجىسىن ورنالاستىردى
2023.06.07 14:01 كەلۋ قاينارى : حالىق تورابى
انار بۇلت \ شينجياڭ گازەتىنىڭ حابارى. شينجياڭ ۇيعۇر اۆتونوميالى رايوندىق پارتكوم 10 - كەزەكتى كوميتەتىنىڭ سەگىزىنشى جالپى ءماجىلىسى «ج ك پ شينجياڭ ۇيعۇر اۆتونوميالى رايوندىق كوميتەتى شينجياڭ ۇيعۇر اۆتونوميالى رايوندىق حالىق ۇكىمەتىنىڭ وڭتۇستىك شينجياڭنىڭ جوعارى ساپالى دامۋىن جەبەۋ جونىندەگى ءبىرقانشا ساياساتتىق شارالارىن» قاراپ ماقۇلدادى. شينجياڭ ۇيعۇر اۆتونوميالى رايوندىق حالىق ۇكىمەتى زەرتتەۋ كەڭسەسىندەگى قاتىستى جاۋاپتى جولداس بىلاي دەپ تانىستىردى: «ءبىرقانشا ساياساتتىق شارالار» وڭتۇستىك شينجياڭنىڭ باسىمدىققا يە ەرەكشە كاسىپ سالاسىن دامىتۋىنى قولداۋدى ەڭ ماڭىزدى ورىنعا قويادى. 37 تارماقتى ساياسات - شارانىڭ ىشىندە 10 تارماق وڭتۇستىك شينجياڭنىڭ كاسىپ سالاسىنىڭ دامۋىن قولدايدى، وڭتۇستىك شينجياڭنىڭ بولاشاقتاعى دامۋ ءتۇيىنىن ايقىنداۋمەن بىرگە، ستراتەگيالىق جوبا جانە جوعارى ساياساتتىق قولداۋ كورسەتەدى. مىسالى، وڭتۇستىك شينجياڭدى دامىتۋ ارناۋلى قارجىسىن ورنالاستىرىپ، قازىنالىق قارجىنىڭ قوزعاۋشىلىق رولىن ساۋلەلەندىرىپ، قوعامدىق كاپيتال، حالىقتىق كاپيتال، فينانس كاپيتالى سياقتىلاردى وڭتۇستىك شينجياڭعا ءونىمدى شوعىرلانۋعا جەتەكتەپ، ءبىر توپ باستاماشى كاسىپورىندار مەن تىزبەكتەگى نەگىزگى كاسىپورىنداردى جەتىلدىرىپ، ەنگىزىپ، كاسىپ سالاسىن شوعىرلاندىرۋ قۇرىلىسىن ىلگەرىلەتەدى. كاسىپ سالاسىن دامىتۋ فاكتورلارىن قامتاماسىز ەتۋدى كۇشەيتۋ جاعىندا، وڭتۇستىك شينجياڭنىڭ سۋدان پايدالانۋ، جەردەن پايدالانۋ، ەنەرگيادان پايدالانۋ سياقتى كاسىپ سالالارىنىڭ دامۋ قاجەتى سياقتىلاردى الدىمەن قامتاماسىز ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
