شينجياڭداعى ءار ۇلت حالقى باقىتتى، الاڭسىز تۇرمىس كەشىرىپ جاتىر ەكەن، دامۋ تابىستارى ادامدى سۇيىندىرەدى
− اراب ەلدەرى وداعى ۋاكىلدەر ۇيىرمەسىنىڭ شينجياڭدا ەكسكۋرسيادا، ساپاردا بولۋىنان ەستەلىك
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
2023.06.07 16:21 كەلۋ قاينارى : شينجياڭ گازەتى
5 - ايدىڭ 30 - كۇنىنەن 6 - ايدىڭ 2 - كۇنىنە دەيىن اراب ەلدەرى وداعىنىڭ ۋاكىلدەر ۇيىرمەسى شينجياڭدا ەكسكۋرسيادا، ساپاردا بولدى. 4 كۇن ۋاقىت ىشىندە ۋاكىلدەر ۇيىرمەسىندەگىلەر قاشقار ايماعى مەن ءۇرىمجى قالاسىندا ساپاردا بولىپ، شينجياڭداعى ءار ۇلت بۇقاراسىمەن بەتپە - بەت اڭگىمەلەسىپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋداعى تابىستارىن سەزىندى. ۋاكىلدەر ۇيىرمەسىنىڭ مۇشەلەرى مىنالاردى ءبىلدىردى: شينجياڭداعى ءار ۇلت حالقى باقىتتى، الاڭسىز تۇرمىس كەشىرىپ جاتىر ەكەن، دامۋ تابىستارى ادامدى سۇيىندىرەدى، ناعىز شينجياڭدى دۇنيە جۇزىنە تانىستىرامىز.
بارعان جەرلەرىنىڭ بارىندە ەرەكشەلىككە يە قۇرىلىستار، سالت - سانا، جەرگىلىكتى وزگەشە ءدامدى تاعامدار، ۇلتتىق ءان - بيلەر ۋاكىلدەر ۇيىرمەسىنىڭ مۇشەلەرىنە تەرەڭ اسەر قالدىردى. قاشقار بايىرعى قالاسىندا جانە كونە ءشار اۋدانىنىڭ ۇلتتىق مۋزيكا اسپاپتارى قىستاعىندا ىستىق ىقىلاستى جەرگىلىكتى بۇقارا جانە بۇكىل ەلدىڭ جەر - جەرىنەن كەلگەن ساياحاتشىلار ءالسىن - ءالسىن ۋاكىلدەر ۇيىرمەسىندەگىلەرگە قول بۇلعاپ امانداستى نەمەسە ولارمەن بىرگە سۋرەتكە ءتۇستى.
يراق سىرتقى ىستەر مينيسترلىگى ازيا − اۆستراليا مەكەمەسىنىڭ باستىعى راحمان روھان مۇحسين تۇڭعىش رەت شينجياڭعا ساپارلاي كەلىپتى، بۇل جەردىڭ جەرگىلىكتى سالت - ساناسى مەن كوپ نەگىزدى مادەنيەتى وعان تەرەڭ اسەر قالدىردى. ”ءار ۇلت حالقىنىڭ بىرگە شاتتانا بيگە باسقانىن كورگەندە، مەن دە ەرىكسىز قوسىلا كەتتىم“. ول بىلاي دەدى: شينجياڭنىڭ تاريحي جانە مادەنيەت مايەگى قالىڭ، ءار ۇلتتىڭ مادەنيەتى توعىسا دامىپ، ادامدار مادەنيەتتىڭ گۇلدەنىپ - كوركەيگەن جەمىسىنەن بىرگە يگىلىكتەنىپتى، شينجياڭدا تۇرمىس كەشىرۋ وتە باقىتتى ەكەن.
قاشقار قالاسى ايتكار مەشىتىندە، شينجياڭ ءىسلام ءدىنى شۋەيۋانىنىڭ جاڭا مەكتەپ اۋماعىندا ۋاكىلدەر ۇيىرمەسىندەگىلەر ءدىني قىزمەتكەرلەرمەن اڭگىمەلەسىپ، ءدىني قىزمەتكەرلەردى باۋلۋ، ءدىني قيمىلداردى ورىستەتۋ سياقتى ماسەلەلەر جونىندە ىشكەرىلەي پىكىر اۋىستىردى. ۋاكىلدەر ۇيىرمەسىنىڭ مۇشەلەرى جۇڭگو شينجياڭىنىڭ ءدىني قىزمەتكەرلەردى باۋلۋداعى، ءدىني قيمىل ورىندارىنىڭ ورتاسىن جاقسارتۋداعى، دىنگە سەنەتىن بۇقارانىڭ كۇندەلىكتى قاجەتىن قامتاماسىز ەتۋدەگى ءتۇرلى شارالارىن القادى.
”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالاعاننان كەيىن، ليۆيا ۇلتتىق بىرلىك ۇكىمەتى سىرتقى ىستەر مينيسترلىگى ازيا − اۆستراليا مەكەمەسىنىڭ باستىعى ءالحاسان راپيح بىلاي دەدى: جۇڭگو شينجياڭىنىڭ لاڭكەستىككە قارسى تۇرۋ جانە ۇشقارىلىقتى الاستاۋ قىزمەتىنىڭ ءونىمى كورنەكتى ەكەن، ءار ۇلت حالقىنىڭ نەگىزگى ۇقىعى تولىق قامتاماسىز ەتىلگەن جانە وعان قۇرمەت ەتىلگەن، جەرگىلىكتى ورىننىڭ قوعامى ورنىقتى، ەكونوميكاسى شالقىعان، حالقى باقىتتى، الاڭسىز تۇرمىس كەشىرىپ جاتىر ەكەن، بۇنىڭ بارلىعى باتىستاعى ءىشىنارا مەديالاردىڭ ايتقانىمەن مۇلدە ۇقسامايدى ەكەن، شىنايى، كورىكتى شينجياڭدى اناعۇرلىم كوپ ەلگە تانىستىرامىز.
قاشقاردان ۇرىمجىگە دەيىن ۇشاقتار زەڭگىر كوكتە سامعاپ، اۆتوكولىكتەر ءزاۋلىم كوپىردە زۋلاپ ءوتىپ جاتقانىن كورگەن ۋاكىلدەر ۇيىرمەسىندەگىلەر شينجياڭنىڭ دامۋىنداعى وراسان زور وزگەرىستەردى القادى، اسىرەسە، نەگىزدىك قۇرىلعى قۇرىلىسى جاعىنداعى جەتىستىكتەرگە تاڭداي قاقتى.
”شينجياڭنىڭ قاتىناسى شار تاراپقا ۇلاسىپ، بارلىق جەردە ءزاۋلىم عيماراتتار بوي كوتەرىپ، اۆتوكولىكتەر قايشالىسىپ، كۇن سايىن گۇلدەنىپ - كوركەيگەن كورىنىستەر مەن مۇندالايدى“. سيريا سىرتقى ىستەر مينيسترلىگى ازيا − افريكا مەكەمەسىنىڭ باستىعى مۇحامەد حاجي يبراحيم اسەرلەنىپ بىلاي دەدى: جۇڭگو ۇكىمەتىنىڭ شينجياڭدى كۇش سالا دامىتۋ بەكىمى وتە كۇشتى ەكەن، وراسان زور قۇلشىنىستار جاساپ، كورنەكتى تابىسقا قول جەتكىزىپتى، بۇل جولعى ەكسكۋرسيا - ساپاردا مەن وسى شىندىقتى تەرەڭ سەزىندىم.
ناندا جاڭا اۋىل شارۋاشىلىعى جارنا شەكتى سەرىكتەستىگىندە، جۇڭگو تەمىر جول قۇرىلىسى اۋىر ونەركاسىبى شينجياڭ شەكتى سەرىكتەستىگىندە، ءۇرىمجى حالىقارالىق قۇرلىقتىق پورت اۋماعىندا ۋاكىلدەر ۇيىرمەسىنىڭ مۇشەلەرى شينجياڭنىڭ ەرەكشە كاسىپ سالاسى، اۋىل شارۋاشىلىعى ماشينالارى سياقتىلارعا ەرەكشە قىزىعۋشىلىق تانىتىپ، شينجياڭنىڭ ”ءبىر بەلدەۋ، ءبىر جول“ قۇرىلىسىنا بەلسەنە ات سالىسىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىشكەرىلەي ىلگەرىلەتۋ جاعدايىن تاپتەشتەي ۇعىستى.
”شينجياڭ جالىندى ومىرشەڭدىككە، ورايعا تولى ىرىستى ولكە، مەن بۇل جەردىڭ شارۋاشىلىق - ساۋدا ورتاسىنىڭ ەرەكشە جاقسى ەكەندىگىن بايقادىم“. ەگيپەتتىڭ اراب ەلدەرى وداعىنداعى تۇراقتى ۋاكىلى مۇحامەد مۇستافا ارافي بىلاي دەدى: شينجياڭ − جۇڭگونىڭ باتىسقا ەسىك اشۋداعى قاقپاسى، جىبەك جولى ەكونوميكالىق بەلدەۋىنىڭ وزەكتى رايونى، ”ءبىر بەلدەۋ، ءبىر جولدى“ بىرگە قۇرۋ باستاماسىن دانەكەر ەتىپ، جۇڭگومەن، وتە - موتە، شينجياڭنىڭ ءار سالاسىمەن اۋىس - كۇيىستى، سەلبەستىكتى كۇشەيتۋدى ءۇمىت ەتەمىن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
