شاندۇڭ ولكەلىك ساياسي كەڭەستىڭ بۇرىنعى تۇراقتى مۇشەسى، ۇسىنىس جوبا كوميتەتىنىڭ بۇرىنعى ورىنباسار مەڭگەرۋشىسى سۇن لياڭنىڭ پارا الۋ دەلوسى جونىندە ءبىرىنشى سوت اشىلدى
2023.06.08 15:44 كەلۋ قاينارى : حالىق تورابى
6 - ايدىڭ 7 – كۇنى، زاۋجۋاڭ قالالىق ورتا دارەجەلى حالىق سوتى مەكەمەسى شاندۇڭ ولكەلىك ساياسي كەڭەستىڭ بۇرىنعى تۇراقتى مۇشەسى، ۇسىنىس جوبا كوميتەتىنىڭ بۇرىنعى ورىنباسار مەڭگەرۋشىسى سۇن لياڭنىڭ پارا الۋ، قيانات جاساۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ دەلوسىن ءبىرىنشى سوتتا اشىق سوت اشتى.
زاۋجۋاڭ قالالىق حالىق پروكۋراتۋراسى بىلاي دەپ ايىپتايدى: 2003 - جىلى 3 - ايدان 2018 - جىلى 6 - ايعا دەيىن، ايىپكەر سۇن لياڭ شاندۇڭ ولكەسى جوعارى قارقىندى تاس جول شەكتى جاۋاپكەرشىلىك سەرىكتەستىگى پارتكومىنىڭ مۇشەسى، ورىنباسار باس مەڭگەرۋشىسى، باس مەڭگەرۋشىسى، شاندۇڭ ولكەسى جوعارى قارقىندى تاس جول توبى شەكتى سەرىكتەستىگى پارتكومىنىڭ ورىنباسار شۋجيى، باس مەڭگەرۋشىسى، شاندۇڭ جوعارى قارقىندى تاس جول توبى شەكتى سەرىكتەستىگى پارتكومىنىڭ ورىنباسار شۋجيى، باس مەڭگەرۋشىسى، پارتكوم شۋجيى، باس جوراسى سياقتى قىزمەتتەردى وتەگەن كەزىندە، قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ نىسان سەلبەستىگى، كاسىپتى كوتەرمەگە الۋ، سەرىكتەستىككە قارجى قۇراۋ سياقتى جاقتاردا كومەك كورسەتىپ، باسقالاردىڭ بەرگەن مال ـ مۇلكىن زاڭسىز قابىلداعان، جالپى سوماسى 38 ميلليون 100 مىڭ يۋاننان اسقان. 2011 - جىلى 6 - ايدان 2018 - جىلى 1 - ايعا دەيىن، ايىپكەر سۇن لياڭ شاندۇڭ جوعارى قارقىندى تاس جول توبى شەكتى سەرىكتەستىگى پارتكومىنىڭ شۋجيى، باس جوراسى مىنەتىن وتەگەن كەزىندە قىزمەت قولايلىلىعىنان پايدالانىپ، جالعان شىعىس جاساۋ سياقتى تاسىلدەرمەن زاڭسىز يەمدەنىپ العان الەۋمەتتىك مال - مۇلىكتىڭ قۇنى 5 ميلليون 640 مىڭ يۋاننان اسقان. 2016 ـ جىلدىڭ باسىنان 2018 ـ جىلى 2 ـ ايعا دەيىن، ايىپكەر سۇن لياڭ شاندۇڭ جوعارى قارقىندى تاس جول توبى شەكتى سەرىكتەستىگى پارتكومىنىڭ شۋجيى، باس جوراسى مىندەتىن وتەگەن كەزدە، قىزمەت ۇقىعىنان بەتالدى پايدالانىپ، قول استىنداعى سەرىكتەستىكتەردىڭ قاتىستى ساۋداسىن بەلگىلەمەگە قايشى ورنالاستىرىپ، مەملەكەت مەنشىگىندەگى مال ـ مۇلىككە 31 ميلليون 540 مىڭ يۋاننان استام زيان سالعان، پارا الۋ قىلمىسى، قياناتشىلدىق قىلمىسى، مەملەكەت مەنشىگىندەگى سەرىكتەسىك قىزمەتكەرىنىڭ ۇقىعىنان الباتى پايدالانۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.
سوتتا سۇن لياڭ ەڭ سوڭعى ءسوزىن سويلەدى ءارى سوت ۇستىندە قىلمىسىن تانىپ، رايىنان قايتاتىندىعىن ءبىلدىردى، سوت دەلوعا كەيىن ۇكىم شىعاراتىن بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
