40 سەلتسي گرادۋستان اسادى! شينجياڭنىڭ جوعارى تەمپەراتۋرالى سارى ءتۇستى ساقتىق سەگنالى قىزعىلت سارى تۇسكە كوتەرىلدى، ىستىقتان ساقتانۋعا، تەمپەراتۋرانى تومەندەتۋگە كوڭىل ءبولۋ كەرەك
2023.06.08 15:40 كەلۋ قاينارى : حالىق تورابى
بۇل جولعى جوعارى تەمپەراتۋرالى اۋا رايى ۇزدىكسىز كۇشەيىپ، شينجياڭنىڭ جوعارى تەمپەرتۋرالى اۋا رايىنان ساقتانۋ ساقتىق سەگنالىنىڭ دارەجەسى جوعارىلادى.
6 – ايدىڭ 7 – كۇنى ساعات 12 دەن 8 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ سارى ءتۇستى ساقتىق سەگنالىن قىزعىلت سارى تۇسكە كوتەردى: مەجەمەن بۇگىن كۇندىزدەن باستاپ، 6 – ايدىڭ 11 – كۇنى كۇندىزگە دەيىن (وڭتۇستىك شينجياڭ مەن شىعىس شينجياڭدا 6 – ايدىڭ 15 – كۇنىنە دەيىن) تيانشاننىڭ سولتۇستىك بەتكەيى، وڭتۇستىك شينجياڭنىڭ كوپ بولىگى، شىعىس شينجياڭ مەن ىلە وبلىسىنىڭ باتىس بولىگى، بۇراتالا وبلىسىنىڭ شىعىس بولىگى، تارباعاتاي ايماعىنىڭ سولتۇستىك بولىگى، التاي ايماعى قاتارلى جەرلەردىڭ ءىشىنارا وڭىرلەرىنىڭ ەڭ جوعارى تەمپەراتۋراسى ىلگەرىندى – كەيىندى 37 سەلتسي گرادۋستان اسادى، مۇنىڭ ىشىندە تيانشاننىڭ سولتۇستىك بەتكەيى، اقسۋ ايماعىنىڭ باتىس بولەگى، بايىنعولين وبلىسىنىڭ وڭتۇستىك بولەگى، تۇرپان قالاسى، قۇمىل قالاسى سياقتى جەرلەردىڭ ءىشىنارا وڭىرلەرىندە 40 سەلتسي گرادۋستان اسادى، تۇرپان قالاسىنىڭ ءىشىنارا جەرلەرىندە 45 سەلتسي گرادۋسقا جەتەدى.
قازىر بايىنعولين وبلىستىق، تارباعاتاي ايماقتىق، قۇمىل قالالىق، قارامايلى قالالىق، التاي ايماقتىق، سانجى وبلىستىق، ءۇرىمجى قالالىق اۋا رايى ستانسيالارى جانە وعان قاراستى كوپتەگەن اۋدان، قالالارداعى اۋا رايى ستانسيالارى جوعارى تەمپەراتۋرادان ساقتانۋدىڭ ساقتىق سەگنالىن جاريالادى. ساعات 12دەن 30 مينۋت وتكەنگە دەيىن، شينجياڭدا ءالى دە كۇشكە يە جوعارى تەمپەراتۋرالى اۋا رايىنان ساقتانۋدىڭ ساقتىق سەگىنالى 33 كە جەتتى، مۇنىڭ ىشىندە 22 قىزعىلت سارى ءتۇستى ساقتىق سەگنالى بار.
ءۇرىمجى قالالىق اۋا رايى ستانسياسى جاريالاعان جوعارى تەمپەراتۋرادان ساقتانۋدىڭ سارى ءتۇستى ساقتىق سەگنالىنا نەگىزدەلگەندە، مەجەن 6 – ايدىڭ 7 – كۇنىنەن 9 – كۇنىنە دەيىن دەيىن ءۇرىمجى قالا رايونىندا ەڭ جوعارى تەمپەراتۋرا 35 سەلتسي گرادۋستان اسادى. توۋتۇنحى رايوندىق اۋا رايى ستانسياسى جاريالاعان جوعارى تەمپەراتۋرادان ساقتانۋدىڭ قىزعىلت سارى ءتۇستى ساقتىق سەگنالىنا قاراعاندا، مەجەمەن 6 – ايدىڭ 7 – كۇنىنەن 11 – كۇنىنە دەيىن ەكونوميكالىق اشۋ رايونىندا (تۋتۇنحى رايونىندا) ەڭ جوعارى تەمپەراتۋرا 37 سەلتسي گرادۋستان اسادى.
ءۇرىمجى قالالىق اۋا رايى ستانسياسىنىڭ باس مالىمەتشىسى ۋاڭ جيان بىلاي دەپ تانىستىردى: وسى اپتادا ءۇرىمجى جىلى اۋا تۇيدەگىنىڭ مەڭگەرۋىندە بولىپ، اۋا تەمپەراتۋراسى بىرتىندەپ جوعارىلايدى. مەجەمەن نەگىزگى قالا رايونىندا 6 – ايدىڭ 7 - كۇنىنەن باستاپ ەڭ جوعارى تەمپەراتۋرا 35 سەلتسي گرادۋسقا جەتەدى، اپتا سوڭىندا 37 سەلتسي گرادۋسقا جەتەدى. وسى رەتكى جوعارى تەمپەراتۋرا جوعارى مەكتەپ ەمتيحانىنا تۋرا كەلگەندىكتەن، ەمتيحان بەرۋشىلەر مەن اتا - انالارعا ىستىقتان ساقتانۋ، تەمپەراتۋرانى تومەندەتۋ دايىندىعىن الدىن الا ويداعىداي ىستەۋدى ەسكەرتتى.
شىلدەنىڭ شىلىڭگىرىنە جەتپەي تەمپەرتۋرا جالعاستى جوعارىلادى، بيىل كۇن جىلداعىدان ەرتە ىسي ما ؟ ۋاڭ جيان بىلاي دەپ تانىستىردى: ادەتتە 7 ـ اي ءبىر جىلدىڭ ىشىندەگى ەڭ ىستىق اي سانالادى، ءبىراق ءار جىلعى اتموسفەرا اينالما اعىسى تۇگەلدەي رەتتەلۋ ۇستىندە بولاتىندىقتان، بۇرىنعى جىلدارى 6 – ايدا 35 سەلتسي گرادۋستان اساتىن جوعارى تەمپەراتۋرا جارىققا شىققان كەزدەرى بولعان، كەيبىر جىلدارى 6 ـ ايداعى اۋا تەمپەراتۋراسى 7 ـ ايداعىدان ءبىرشاما جوعارى بولادى. بيىل 6 - ايداعى اۋا رايىنىڭ بەتالىسىنان قاراعاندا، تۇتاس 6 - ايداعى ورتاشا اۋا تەمپەراتۋراسى بۇرىنعى جىلدارداعى ۇقساس مەزگىلدەگىدەن ءسال جوعارى بولادى، جاۋىن – شاشىن مولشەرى از بولادى.
شينجياڭ اۋا رايى تاراۋلارى مىنانى ەسكەرتتى: مەجەمەن الداعى 24 ساعاتتا سولتۇستىك شينجياڭنىڭ باسىم كوپ بولەگىندە، اقسۋ ايماعىنىڭ شىعىس بولەگىندە، بايىنعولين وبلىسىندا، تۇرپان قالاسىندا ءورت اپاتى تۋلاتىن اۋا رايى دارەجەسى جوعارى، 4 – دارەجەگە جەتەدى. جەر - جەر ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل ءبولۋى ءارى تاۋلى وڭىرلەردىڭ ءىشىنارا جەرلەرىندە قار ەرۋدەن بولاتىن تاسقىن جانە ودان تۋىندايتىن اپاتتاردان ساقتانۋدى كۇشەيتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
