كۋرس اقشاسىن قايتارۋ دەيتىن الدامشىلىقتان قىراعى بولايىق!
2023.06.08 15:56 كەلۋ قاينارى : حالىق تورابى
جۇڭگو تۇتىنۋشىلار قوعامى كۋرس اقشاسىن قايتارۋ دەيتىن الدامشىلىقتان قىراعى بولۋدى ەسكەرتتى
تاياۋدا زاڭسىز ەلەمەنتتەردىڭ تاربيەلەۋ كۋرسىنان شەگىنىپ شىعۋ دەگەن اتپەن الدامشىلىق ىستەۋىنە قاراتا، جۇڭگو تۇتىنۋشىلار قوعامى تۇتىنۋشىلارعا كۋرس اقشاسىن قايتارۋ الدامشىلىعىنان قىراعى بولۋدى ەسكەرتتى، سونىمەن بىرگە تاربيەلەۋ قۇرىلىمدارى تيجاراتشىلاردى تۇتىنۋشىلاردىڭ جەكە ينفورماتسيا حاۋىپسىزدىگىنە ءمان بەرۋگە، جايلىپ كەتۋدەن ساقتانۋعا قۋزادى.
جۇڭگو تۇتىنۋشىلار قوعامىنىڭ قاتىستى جاۋاپتىسى تانىستىرىپ بىلاي دەدى: زاڭسىز ەلەمەنتتەر الدىمەن تاربيەلەۋ قۇرىلىمدارىنىڭ كاسىپتىك قىزمەتى تارايعان، قارجى تىزبەگى ءۇزىلىپ قالعان ورايىنان پايدالانىپ، تۇتىنۋشىلارعا ”اقىنى قايتارۋدان الاڭدايتىن“ مازاسىزدىق پسيحيكا قالىپتاستىرىپ، ونان سوڭ ۇكىمەت تاراۋلارىنىڭ، تۇتىنۋشىلار قوعامى ۇيىمدارىنىڭ، تاربيەلەۋ قۇرىلىمدارىنىڭ، ايگىلى كاسىپورىنداردىڭ، ءۇشىنشى جاق سەلبەسۋشى ورىن قاتارلىلاردىڭ اتىن جامىلىپ، ۇكىمەت تاراۋلارىنىڭ نەمەسە كاسىپورىنداردىڭ قۇجاتىن جالعاننان جاساپ، تەلەفون سوعۋ نەمەسە قىسقا حات جولداۋ ارقىلى تۇتىنۋشىلاردىڭ ناقتى ماتەريالدارىن ايتىپ، باستاپقى سەنىمگە يە بولىپ، اقشا قايتارۋدى سىلتاۋراتىپ، تۇتىنۋشىلاردى ”اقشانى قايتارۋ توبىنا“ كىرگىزىپ، تۇتىنۋشىلارعا باسقالاردىڭ ”اقشاسىن ءساتتى قايتارىپ العان“ سياقتى جاعدايىن جالعاننان كورسەتىپ، تۇتىنۋشىلاردى الدىمەن ارتىق قاراجاتتى تولەپ، ونان سوڭ اقشانى قايتارۋعا شىرعالايدى.
جۇڭگو تۇتىنۋشىلار قوعامى تۇتىنۋشىلارعا مىنانى ەسكەرتتى: اقشانى قايتارۋ ينفورماتسياسى بەدەلدى ارنانى ولشەم ەتۋى كەرەك، اقشانى قايتارعان كەزدە الدىن الا اقشا تولەۋدى تالاپ ەتكەندەردىڭ ءبارى الدامشىلىق. جەكە ادامنىڭ ينفورماتسيا حاۋىپسىزدىگىن قورعاۋعا كوڭىل ءبولۋ كەرەك، مىسالى، توپقا كىرۋ، App ءتۇسىرىپ تىركەلۋ، جالعانىمدى باسىپ كىرۋ، قولفونمەن تەكسەرۋ ٴنومىرى كەلتە حاتىن جولداۋ قاتارلى تالاپتارعا جەڭىل - جەلپى سەنە سالماۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
