كوپ جەردەگى ساقشى جاق شۇعىل ۇقتىرۋ جاريالادى: قولفونىڭىزداعى مىناداي يقۋاتتى قولدانبايتىن بولساڭىز، جاۋىپ تاستاعانىڭىز ءجون
2023.06.08 15:27 كەلۋ قاينارى : حالىق تورابى
جۋىردا جياڭسۋ، حىبەي، شاندۇڭ قاتارلى كوپ جەردەگى ساقشى جاق شۇعىل ەسكەرتۋ جاريالادى، ەگەر شەتەلدەگىلەرمەن حابارلاساتىن قاجەتىڭىز بولماسا، قولفونداعى شەتەلدەن كەلگەن تەلەفوندى قابىلداۋ يقۋاتىن جاۋىپ تاستاعانىڭىز ءجون. ”توسقان ادامىڭىزدان تەلەفون كەلگەننىڭ ورنىنا، الدامكوستەرگە وراي جاراتىپ بەرۋىڭىز مۇمكىن“.
جۋىرداعى جىلداردان بەرى، شەكارا سىرتىندا تەلەكوم الدامكوستىگىمەن شۇعىلدانۋ دەلوسى ءجيى تۋىلدى، مۇندا، شەكارا سىرتىنداعى تەلەفوننان پايدالانۋ ارقىلى تەلەكوم الدامكوستىگىمەن شۇعىلدانۋ جاعدايى ءبىرشاما كورنەكتى بولۋدا. ەگەر شەكارا سىرتىنان كەلگەن تەلەفوندى قابىلداۋ قاجەتىڭىز بولماسا، بۇل يقۋاتتى ءوزىڭىز جاۋىپ تاستاپ، الدامكوستىك حاۋپىنەن ساقتانىپ، مال – مۇلكىڭىزدىڭ حاۋىپسىزدىگىن قورعاعانىڭىز ءجون.
الدامكوستىك ءتاسىلى
الدامكوستەر زاڭسىز جولدار ارقىلى جەكەلەردىڭ ينفورماتسياسىن كوپ مولشەردە ساتىپ الىپ، شەكارا سىرتىندا ينتەرنەتتىك جالعان نومىرلەردى قولدانۋ، جالعان نومىرلەردى جاساۋ ارقىلى ەل ىشندەگى تۇتىنۋشىلارعا تەلەفون سوعىپ، الدامكوستىك ىستەپ، قىزمەت وتەۋشى، قوعام حاۋىپسىزدىگى، پرۋكۋراتۋرا، سوت قىزمەتكەرى، ۋاكىلدىك قارىز ءبىتىرۋشى قاتارلىلاردىڭ اتىن جامىلىپ الدامكوستىك ىستەيدى.
مۇنداي تەلەفون نومىرلەردىڭ ەرەكشەلىگى كورنەكتى، بارلىعى ”00“ دەگەن سانمەن باستالىپ، حالىقارالىق تەلەفوننىڭ اتىن جامىلادى (ءىشىنارا تەلەفونداردا ”00“ دەگەن ءنومىر ”+“ بولىپ كورىنەدى).
قازىر حابارلاسۋ قىزمەتىن وتەيتىن ءۇش ءىرى سەرىكتەستىك شەتەلدەن كەلگەن تەلەفونداردى توسقاۋىلدايتىن قىزمەت ءتۇرىن ىسكە قوستى، تەك بىرنەشە مينۋت جۇمساپ، تەلەفونىڭىزداعى وسىنداي يقۋاتتى جاۋىپ تاستاساڭىز، شەتەلدەن كەلگەن تەلەفونداردىڭ جولىن توسۋىڭىزعا بولادى، تەلەكوم الدامكوستىگىنەن قاينارىنان بااستاپ ساقتانىپ، جانىڭىزداعى ادامداردىڭ الدانىپ قالۋىنان ساق بولىڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
