الدىڭعى 5 ايدا شينجياڭ 72 ميلليون 704 مىڭ 600 ساياحاتشى (رەت) قابىلدادى
سايكەس مەزگىلدەگىدەن ％91. 34 ارتتى
2023.06.07 16:20 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياۋ گاڭ 6 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، الدىڭعى 5 ايدا رايونىمىز 72 ميلليون 704 مىڭ 600 ساياحاتشى (رەت) قابىلداپ، بۇل سايكەس مەزگىلدەگىدەن ％91. 34 ارتقان؛ ساياحات كىرىسى 62 ميلليارد 479 ميلليون يۋانعا جەتىپ، سايكەس مەزگىلدەگىدەن ％86. 74 ارتقان.
دەمالىستىڭ ساياحاتتى جەتەكتەۋ رولى كورنەكتى بولدى. ”1 - مامىر“ كەزىندە بۇكىل شينجياڭ بويىنشا ساياحاتشى قابىلداۋ مولشەرى 8 ميلليون 52 مىڭ ادامعا (رەت)، ساياحات كىرىسى 6 ميلليارد 34 ميلليون يۋانعا جەتىپ، جەكە - جەكە سايكەس مەزگىلدەگىدەن ％81. 140، ％18. 192 ارتىپ، تاريحتاعى جاڭا رەكورد جاراتىلعان.
جەر - جەر شينجياڭدى ساياحات ارقىلى گۇلدەندىرۋ ستراتەگياسىن زور كۇشپەن اتقارىپ، قار - مۇز ساياحاتى، تومەن كەڭىستىك ساياحاتى، قۇمدى ءشول ساياحاتى سياقتىلاردى ىلگەرىلەتىپ، ”شينجياڭ جاقسى جەر“ ماركاسىنىڭ ساپاسىن ۇزدىكسىز ارتتىردى. قار - مۇز ساياحاتى جاعىندا جىبەك جولى، جياڭجۇنشان، كوكتوعاي سياقتى كوپتەگەن شاڭعى الاڭى بۇكىل مەملەكەتتىك 10 ۇلكەن شاڭعى الاڭى قاتارىنا ەنگىزىلدى. بيىلعى قار - مۇز ساياحاتى كەزىندە S دارەجەلى قار شاڭعى الاڭدارى جالپى 2 ميلليون 72 مىڭ 600 ساياحاتشى (رەت) قابىلداپ، ساياحات كىرىسى 229 ميلليون يۋانعا جەتىپ، بيىلعى ساياحات كىرىسىنىڭ جاڭا ارتۋ تۇيىنىنە اينالدى. تومەن كەڭىستىك ساياحاتى جاعىندا، قازىر بۇكىل رايوندا 20 تومەن كەڭىستىك ساياحات كورىنىس ءوڭىرى، 2 لاگەر بار، 15 كاسىپورىن كەڭىستىك ساياحاتى نىسانىن ورىستەتە الادى (14 ءتۇرلى ۇقساماعان تۇردەگى تومەن كەڭىستىك ساياحاتى ۇشۋ اسپابى)، 30 اۋدان، قالا 16 تومەن كەڭىستىك ساياحاتى لەنياسىن اشىپ، ساياحاتشىلار قىزۋ قارسى الاتىن ساياحات قيمىلىنا اينالدى.
جۇڭگو جاھانگەزدىك قوعامى شينجياڭنىڭ 6 كورىنىس ءوڭىرىن بۇكىل مەملەكەتتىك جاھانگەزدىك ساياحات تاڭداۋلى نىسانالى جەرى، بۇكىل مەملەكەتتىك قۇمدى ءشول ساياحات تاڭداۋلى نىسانالى جەرى ەتىپ كورسەتىپ، 10 لەنيانى بۇكىل مەملەكەتتىك قۇمدى ءشول ساياحات تاڭداۋلى لەنياسى ەتىپ كورسەتىپ، قۇمدى ءشول جاھانگەزدىك ساياحات كاسىپ سالاسى بىرتىندەپ شينجياڭ ساياحاتىنىڭ دامۋىنداعى ”تىڭ ورىسكە“ اينالدى.
بۇكىل رايوندا A دارەجەلى كورىنىس ءوڭىرى 596عا كوبەيىپ، 5 مەملەكەت دارەجەلى تۇتاس وڭىرلىك ساياحاتتان ۇلگى كورسەتۋ رايونىن، ءبىر مەملەكەت دارەجەلى ساياحات دەمالىس رايونىن، 4 مەملەكەت دارەجەلى ساياحات سەيىل - سەرۋەن كوشە رايونىن، 2 مەملەكەت دارەجەلى ەكولوگيالىق ساياحاتتان ۇلگى كورسەتۋ رايونىن، 3 مەملەكەت دارەجەلى قاردا سىرعاناۋ ساياحات دەمالىس ورنىن قۇرىپ، ساياحات كاسىبىنىڭ كۇيى ۇزدىكسىز بايىپ، ەرەكشە ساياحات ماركاسى ۇزدىكسىز جاراتىلدى.
بۇدان تىس، بۇكىل شينجياڭنىڭ ساياحات نەگىزدىك قۇرىلعى قۇرىلىسى ۇزدىكسىز كەمەلدەنىپ، ساياحات بازارى ورتاسى ۇزدىكسىز ساپالىلانىپ، ساياحاتقا قىزمەت وتەۋ ساپاسى ۇزدىكسىز جوعارىلاپ، ساياحات كاسىبى بۇقارالانعان، كاسىپ سالالانعان، ساپالىلانعان دامۋدىڭ جاڭا ساتىسىنا قادام تاستادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
