”جاڭا ءداۋىر، جاڭا جورىق − اسەمونەر تۋىندىلارى كورمەسى“ شينجياڭ اسەمونەر سارايىندا اشىلدى
2023.06.08 16:57 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي لي 6 - ايدىڭ 6 - كۇنى ۇرىمجىدەن حابارلايدى. داۋىرگە ساي قالاممەن سالىپ سۋرەت، ايگىلەندى ادال جۇرەك، اق نيەت. 6 - ايدىڭ 6 - كۇنى تۇستەن بۇرىن 2023 - جىلعى جۇڭگو ادەبيەت - كوركەمونەرشىلەر بىرلەستىگىنىڭ شينجياڭدى مادەنيەتپەن نارلەندىرۋ نەگىزگى تاقىرىپتىق كورمە قيمىلى ”جاڭا ءداۋىر، جاڭا جورىق − اسەمونەر تۋىندىلارى كورمەسى“ شينجياڭ اسەمونەر سارايىندا اشىلدى. جۇڭگو ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى لي ي اشىلۋ سالتىنا قاتىناستى.
بۇل رەتكى كورمەنى جۇڭگو ادەبيەت - كوركەمونەرشىلەر بىرلەستىگىنىڭ، اۆتونوميالى رايوندىق پارتكوم ۇگىت ءبولىمىنىڭ جەتەكشىلىك ەتۋىمەن، جۇڭگو اسەمونەرشىلەر قوعامى، اۆتونوميالى رايوندىق مادەنيەت جانە ساياحات مەڭگەرمەسى، اۆتونوميالى رايوندىق ادەبيەت - كوركەمونەرشىلەر بىرلەستىگى، جىجياڭ ولكەلىك ادەبيەت - كوركەمونەرشىلەر بىرلەستىگى، جياشيڭ قالالىق پارتكوم، قالالىق ۇكىمەت بىرلەسىپ وتكىزگەن، كورمە 7 - ايدىڭ 6 - كۇنىنە دەيىن جالعاسادى. وسىمەن ءبىر ۋاقىتتا اسەمونەرشىلەردىڭ ”ومىرگە ىشكەرىلەي ارالاسۋ، حالىققا تامىر تارتۋ“ شىعارماشىلىق، جاسامپازدىق باۋلۋ قيمىلى ورىستەتىلەدى.
«سۋباشى بايىرعى قالاسى»، «تاس ۇڭگىر ىرعاعى»، «تاڭ ساۋلەسىنە شومىلعان مەكەن»، «الەم كەمەسى بولمەسىنەن شىعۋ»، «تاماشا تۇرمىس»، «جاڭا جاستار»... وسى رەتكى كورمەدە كورسەتىلگەن 120 تۋىندى جۇڭگوشا سۋرەت، ماي بوياۋلى سۋرەت، ويما سۋرەت، سۋ بوياۋلى سۋرەت سياقتىلاردى قامتيدى، تاقىرىبى الۋان ءتۇرلى بولىپ، تاريحقا قايىرىلا قاراپ وي جۇگىرتكەن، قازىرگى ساتكە ءساپ سالىپ سۋرەتتەگەن، ونان دا ماڭىزدىسى، بولاشاققا بويلاپ قيالدى شارىقتاتقان، جاڭا داۋىردە تاماشا تۇرمىستان ورتاق يگىلىكتەنۋدى، كورىكتى مەكەندى بىرگە قۇرۋدى شوعىرلى ايگىلەگەن اسەمونەر سارا تۋىندىلارى.
شينجياڭدى ارالاپ اسەمونەر تۋىندىلارى كورمەسىن وتكىزۋ − جۇڭگو ادەبيەت - كوركەمونەرشىلەر بىرلەستىگىنىڭ شينجياڭدى مادەنيەتپەن نارلەندىرۋ بويىنشا ىستەستىك مەحانيزمىنىڭ ماڭىزدى قيمىلدارىنىڭ ءبىرى. كورمەگە قويىلعان تۋىندىلاردا جاڭا ءداۋىر، جاڭا جورىق، جاڭا تابىستاردى قىزۋ جىرلاپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋ، جالىندى رەال ءومىردى بەينەلەۋ، جاڭا ءداۋىر رۋحىن ايگىلەۋ؛ سونىمەن بىرگە قالىڭ ادەبيەت - كوركەمونەر قىزمەتكەرلەرىن ومىرگە ىشكەرىلەي ارالاسىپ، حالىققا تەرەڭ تامىر تارتىپ، جاڭا ءداۋىردى جىرلاۋعا، جاڭا تاريحي داستانداردى جازۋعا ىنتىماقتاستىرۋ، جەتەكتەۋ ماقسات ەتىلدى. وسى رەت كورمەگە قويىلعان تۋىندىلاردا جىجياڭ مەن شينجياڭ ەكى جەر حالقى اراسىنداعى ءمولدىر تۇنىق سۇيىسپەنشىلىك جانە تاماشا تۇرمىسقا دەگەن ورتاق ارمان ايگىلەنىپ، ەكى جەر مادەنيەتىنىڭ ءوزارا اۋىس - كۇيىس جاساۋىن، ءوزارا ۇلگى الۋىن ىلگەرىلەتتى.
جۇڭگو ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ءتوراعا جۋ دي، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى ۋاڭ جيانشين اشىلۋ سالتىنا قاتىناستى. اۆتونوميالى رايوننىڭ جانە بيڭتۋاننىڭ باسشىلارىنان مۇقيات جارمۇقامەت، سۇن حۇڭمەي، شۇي شيان ي، لي جىنگو قيمىلعا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
