تىزبەكتى ۇزارتىپ، تىزبەكتى تولىقتاپ، تىزبەكتى كۇشەيتىپ، ”8 ءىرى كاسىپ سالاسى شوعىرىن“ جوعارى ساپالى قۇردى
□ انار بۇلت \ شينجياڭ گازەتىنىڭ ءتىلشىسى ما ينيڭ
2023.06.08 16:56 كەلۋ قاينارى : شينجياڭ گازەتى
قۇلشىنا ەڭبەك ەتىپ، قايراتتانا العا ىلگەرىلەپ، تىنباي ىزدەنگەندە عانا، كەمەلدىلىككە جەتۋگە بولادى.
اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ماجىلىسىندە بىلاي دەپ باسا دارىپتەلدى: باسىمدىققا يە ەنەرگيا بايلىعىنىڭ كومەسكى كۇشىن كۇش سالا ىسكە قوسىپ، ”8 ءىرى كاسىپ سالاسى شوعىرىن“ جوعارى ساپادا قۇرىپ، ءتۇيىندى كاسىپ سالالارىن ارقاۋ ەتە وتىرىپ تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ىشكەرىلەي ىلگەرىلەتىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل تۇلعالاۋ كەرەك.
جالپى ءماجىلىس جوبانى كەسكىندەدى. جىبەك جولى ەكونوميكالىق بەلدەۋىنىڭ وزەكتى رايونى رەتىندە، شينجياڭ دامۋ ورنىن كوزدەپ، جاۋاپكەرشىلىك ارقالاۋىن ايگىلەپ، وسىزاماندانعان كاسىپ سالاسى جۇيەسىن قۇرۋعا قايتكەندە اناعۇرلىم كوپ ساپالى ارتۋ مولشەرىن ۇستەي الادى؟ جالپى ءماجىلىس رۋحىن قالاي ءتۇسىنۋ، جالپى ءماجىلىستىڭ ورنالاستىرۋىن ونان ارى ويداعىداي دايەكتىلەندىرۋ، تياناقتاندىرۋ جونىندە ءتىلشى قاتىستى تاراۋلارعا، ورىندارعا تىلشىلىك جاسادى.
باسىمدىقتى تەرەڭ اشىپ، ەنەرگيا بايلىعىنىڭ كومەسكى كۇشىن تولىق كادەگە جاراتتى
قازىر قۇمىلدىڭ كومىردى، ەلەكتردى سىرتقا جەتكىزۋ بازاسىنداعى نەگىزگى كومىر كەندەرىنىڭ ءبىرى − مەملەكەتتىك ەنەرگيا توبى دانانحۋ 2 - كەنى زەردەلىلەندىرۋ قۇرىلىسىن جەدەلدەتۋدە؛ الدىڭعى 4 ايدا قۇمىل قالاسىنىڭ كومىر ءونىم مولشەرى سايكەس مەزگىلدەگىدەن ％6. 41 ارتتى؛ 2023 - جىلدىڭ سوڭىندا قۇمىل قالاسى كومىر ءوندىرىس قۋاتىن 150 ميلليون توننادان اسىرۋعا قۇلشىنادى... كومىردىڭ بىرەگەي ءوندىرىس قۋاتىنىڭ ۇزدىكسىز ىسكە قوسىلۋىنا ىلەسە، قۇمىل قالاسى 100 ميلليون توننا دارەجەلى كومىر ءوندىرىس بازاسىنا اينالدى.
”قۇمىل قالاسى جالپى ءماجىلىستىڭ ورنالاستىرۋىنا ساي، 6 ءىرى كاسىپ سالاسىن جەتەكشى ەتكەن قۇمىل ەرەكشەلىگىنە يە وسىزاماندانعان كاسىپ سالاسى جۇيەسىن جەدەل جەتىلدىردى، قۇردى“. جاقىندا قۇمىل قالالىق پارتكومنىڭ شۋجيى سۇن تاۋ مەديالاردىڭ تىلشىلىگىن قابىلداعاندا بىلاي دەدى: قۇمىل قالاسى مەملەكەت بويىنشا جاڭا ەنەرگيا گەنەراتور اگراگاتتارى سيىمدىلىعى ەڭ ۇلكەن ايماق دارەجەلى قالانى، بۇكىل شينجياڭنىڭ ماڭىزدى جاڭا ماتەريالدار كاسىپ سالاسى بازاسىن، بۇكىل شينجياڭداعى، اۋەلى، ەلىمىزدىڭ باتىس بولىگىندەگى ەنەرگيا جابدىعىن زەرتتەۋ - اشۋ ورتالىعىن، جاساۋ ورتالىعىن جانە جيناۋ - جونەلتۋ ورتالىعىن قۇرادى.
مول ەنەرگيا، كەن بايلىعى − شينجياڭنىڭ وسىزاماندانعان كاسىپ سالاسى جۇيەسىن قۇرۋىنداعى، تەبىندەي باسىپ وزۋدى جۇزەگە اسىرۋىنداعى وراسان زور باسىمدىعى.
جالپى ءماجىلىس بىلاي دەپ باسا دارىپتەدى: ەنەرگيا بايلىعىنىڭ كومەسكى كۇشىن تولىق اشىپ، مۇناي - تابيعي گاز قورىن مولايتىپ، ءوندىرىسىن ارتتىرۋدى ىلگەرىلەتىپ، كومىردىڭ وزىق ءوندىرىس قۋاتىن ىسكە قوسىپ، كومىردەن مۇناي - گاز ايىرۋدى، ماي قۇرامى مول تومەن دارەجەلى كومىردى ساپاسىنا، دارەجەسىنە قاراي ءبولۋدى جانە تازا، جوعارى ءونىمدى پايدالانۋدى كۇشەيتۋ كەرەك. جاسىل كەن كاسىبىن بەلسەنە دامىتىپ، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالالارىن زور كۇشپەن دامىتۋ كەرەك.
بيىل جىل باسىنان بەرى رايونىمىز جوعارى دەڭگەيدە جوبالاۋدى كۇشەيتىپ، ءتۇيىندى كاسىپ سالالارىنىڭ ۇزدىكسىز زورايۋىن، باسىمدىققا يە كاسىپ سالالارىنىڭ كولەمىن ۇلعايتۋدى ىلگەرىلەتتى.
”جالپى ءماجىلىس كاسىپ سالاسىنىڭ دامۋىن ىلگەرىلەتۋدىڭ جاڭا وي جەلىسىن، جاڭا بەتالىسىن العا قويىپ، بۇدان بىلايعى ونەركاسىپ جانە ينفورماتسيالاندىرۋ قىزمەتىنە بويسۇنۋ ولشەمىن ازىرلەدى.“ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى ابليكىم ازەز بىلاي دەدى: بيىل جىل باسىنان بەرى شينجياڭ ”ءىش پەن سىرتقا بىردەي ءمان بەرىپ“، كاسىپ سالاسىن دەن قويا يگەرىپ، جاڭا داۋىردەگى مەملەكەتتىڭ ”ءۇش بازا، ءبىر ارنا“ قۇرىلىسىن جاپپاي ىلگەرىلەتىپ، مەملەكەتتىڭ ەنەرگيا حاۋىپسىزدىگىن بار كۇشپەن قامتاماسىز ەتتى.
5 - ايدىڭ 30 - كۇنى ەلىمىزدىڭ تۇڭعىش 10 مىڭ مەترلىك عىلمي بارلاۋ تەرەڭ ۇڭعىماسىن بۇرعىلاۋ تارىم ويپاتىندا باستالدى؛
5 - ايدىڭ 31 - كۇنى جۇڭگو كومىر توبى قۇمىل 1 - ارناسى 800 مىڭ كيلوۆاتتىق جەل ەلەكتر 200000+ كيلوۆاتتىق فوتوۆولت كوپ ەنەرگيا ءوزارا تولىقتاۋ نىسانىنىڭ قۇرىلىسى باستالدى ...
ءتۇيىن مەن كولەم قاتار ىلگەرىلەپ، كاسىپ سالاسىن كۇشەيتۋگە كۇش سالدى. الدىڭعى 4 ايدا شينجياڭنىڭ كولەمنەن جوعارى ونەركاسىبىنىڭ ۇستەمە قۇنى سايكەس مەزگىلدەگىدەن ％8. 8 ارتىپ، بۇكىل ەلدىڭ دەڭگەيىنەن 2. 5 پايىز جوعارى بولىپ، ونەركاسىپ ەكونوميكاسى ورنىقتىلىق بارىسىندا جاقسارعان اينالىم كۇيىن جارىققا شىعاردى.
قازىر رايونىمىز مۇناي - تابيعي گاز بايلىعىن بارلاۋدى، اشۋدى جانە قوردى مولايتىپ، ءوندىرىستى ارتتىرۋدى جەدەلدەتىپ، وزىق پولي ولەفيندەر، قۋاتى جوعارى تالشىق سياقتى نازىك حيميا ونەركاسىبىن زور كۇشپەن دامىتۋدا؛ كومىردەن تازا، جوعارى ءونىمدى پايدالانۋدى جەدەلدەتىپ، كومىردەن مۇناي الۋ، كومىردەن تابيعي گاز الۋ، كومىردەن ولەفين الۋ، كومىردەن ەتيلەن گليكول الۋ سياقتى تومەنگى بۋىنداعى كاسىپ سالاسىنىڭ جاڭالىق اشا دامۋىن ىلگەرىلەتۋدە؛ جاسىل كەن اشۋدى، پايدالانۋدى جەدەلدەتىپ، اسىرەسە، وڭتۇستىك شينجياڭ ءوڭىرىنىڭ قورعاسىن، مىرىش كەنى، ليتي كەنى، مىس كەنى سياقتى ءتۇستى مەتال كەنىن اشۋدى جانە جىنتىكتەي وڭدەۋ كاسىپ سالاسىنىڭ دامۋىن ىلگەرىلەتۋدە.
جالپى تىزبەك بويىنشا كۇش سالىپ، ەرەكشە باسىمدىققا يە كاسىپ سالاسىنىڭ باسەكەلىك قۋاتىن كۇشەيتتى
5 - ايدىڭ 24 - كۇنى شانشي اۆتوكولىك توبى شينجياڭ اۆتوكولىك شەكتى سەرىكتەستىگىنىڭ 10 جاڭا ەنەرگيالى اۋىر جۇك اۆتوكولىگى تارتىپپەن ءوندىرىس جەلىسىنەن شىقتى ءارى وتكىزىپ بەرىلدى، بۇل شينجياڭنىڭ وڭىرلىك جاڭا ەنەرگيالى ساۋدالىق اۆتوكولىك تۇرپاتىنداعى اۆتوكولىكتەردى وندىرۋدەگى اقتاڭداعىن تولتىردى.
باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى شانشي اۆتوكولىك توبى شينجياڭ سەرىكتەستىگىمەن سەلبەستىك ورناتتى، باگاڭ مەتال ونىمدەرى سەرىكتەستىگى اۋىر جۇك اۆتوكولىگىنىڭ بولات سەرىپپەسىن ازىرلەپ، باگاڭنىڭ بولات - تەمىر قورىتۋى مەن شانشي اۆتوكولىك توبىنىڭ اۋىر جۇك اۆتوكولىگىن تولىق وندىرۋىنە سۇيەنىپ، ەكى جاق رايونىمىزدىڭ بولات - تەمىر جاساۋ كاسىبى مەن اۆتوكولىك جاساۋ كاسىبىنىڭ توعىسپالى دامۋىن ونان ارى ىلگەرىلەتتى.
بۇرشىكتەگەن مايسادان كوكتەمنىڭ كەلگەنىن بىلەسىڭ، باستاماشى كاسىپورىندار كاسىپ سالالارىن ”تۇتاستىرىپ“، دامۋدىڭ قوزعالىس ەنەرگياسىن ”توپتادى“. ۇرىمجىدە قازىر اۆتوكولىك وندىرەتىن 5 كاسىپورىن بار، اۆتوكولىكتى تولىق وندىرەتىن وسى كاسىپورىندار تىزبەكتى كۇشەيتۋدى، تىزبەكتى تولىقتاۋدى مىقتى يگەرۋ ارقىلى ءۇرىمجىنىڭ، اۋەلى، شينجياڭنىڭ بالون، سەرىپپە تاقتا، جىبىتكىش ماي، ليتي باتارەيا سياقتى اۆتوكولىك سايكەستى كاسىپ سالاسىنىڭ سايكەسە دامۋىنا قوزعاۋشىلىق ەتتى.
جالپى ءماجىلىس مىنانى باسا دارىپتەدى: ”8 ءىرى كاسىپ سالاسى شوعىرىن“ جوعارى ساپامەن قۇرىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ىلگەرىلەتىپ، ەرەكشە باسىمدىققا يە كاسىپ سالاسى دامۋىنىڭ ۇلاسپالىلىعىن جانە باسەكەلىك قۋاتىن كۇشەيتۋ كەرەك.
ابليكىم ازەزدىڭ قاراۋىنشا، كاسىپ سالاسى تىزبەگىنىڭ، قامداۋ تىزبەگىنىڭ بەكەمدىگىن جانە حاۋىپسىزدىك دەڭگەيىن كۇش سالا جوعارىلاتقاندا عانا، جاساۋ كاسىبىنىڭ جوعارى دەڭگەيدەگى، زەردەلى، جاسىل دامۋىن ىلگەرىلەتۋگە بولادى. قازىر رايونىمىز حيميالىق تالشىق، گۇل باسۋ - بوياۋ، كيىم - كەشەك، ءۇي توقىما بۇيىمدارى، ءبىز توقىمالارى جانە جوبالاۋ سياقتى كاسىپ سالاسى تىزبەگىندەگى، قامداۋ تىزبەگىندەگى ولقىلىقتاردى كۇش سالا تولىقتاپ، ماقتا جانە توقىماشىلىق، كيىم - كەشەك كاسىپ سالاسى شوعىرىن جەدەل قۇرۋدا؛ استىق، ماي كاسىپ سالاسى شوعىرىن، جاسىل ورگانيكالى جەمىس، كوكونىس كاسىپ سالاسى شوعىرىن، ساپالى مال شارۋاشىلىق ونىمدەرى كاسىپ سالاسى شوعىرىن تۇلعالاۋعا قولداۋ كورسەتۋدە؛ سويىس قوي، سويىس سيىر، ءسۇت كاسىبى سياقتى باسىمدىققا، ەرەكشەلىككە يە كاسىپ سالاسىنىڭ تىزبەگىن ۇزارتۋدى، كۇشەيتۋدى جەدەل ىلگەرىلەتۋدە.
شينجياڭ جۇڭتاي حىڭحۇي ەمدەۋگە پايدالانىلاتىن تازالىق جابدىقتارى شەكتى جارنا سەرىكتەستىگىنىڭ 12 ءوندىرىس جەلىسى تۇگەل ىسكە قوسىلعاننان كەيىن، تالشىق شيكىزاتىنان ءونىمنىڭ سوڭعى بازارىنا دەيىنگى تۇتاس كاسىپ سالا تىزبەگىن ۇزارتۋ ىسكە استى.
جىڭۋي شينجياڭ جاڭا ماتەريالدار كاسىپ سالاسى باقشاسى جىلىنا 250 مىڭ توننا تومەن وتتەكتى جىلتىر مىس تاياقشانى ۇزدىكسىز قۇيۋ، ءوندىرۋ جەلىسىن ىسكە قوسىپ، شينجياڭنىڭ مىس نەگىزىندەگى جاڭا ماتەريالدار اقتاڭداعىن تولتىرىپ، تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ ارقىلى بۇكىل كاسىپ سالاسى تىزبەگىن كەمەلدەندىردى؛
سانجى حۇيزۋ اۆتونوميالى وبلىسى ”تىزبەكتى“ دانەكەر ەتىپ، كاسىپ سالاسى تىزبەگىنىڭ جوعارعى بۋىنى مەن تومەنگى بۋىنىنداعى 19 ساپالى كاسىپورىندى ۇسىنىس ەتىپ، 16 نىسان توقتامىنا قول قويدى، ولار كرەمني نەگىزدى، اليۋمين نەگىزدى جاڭا ماتەريالدار، ەلەكتر ماشينالارى جانە جاڭا ەنەرگيا سايكەستى جابدىقتارىن جاساۋ سياقتى كاسىپ سالالارىنا سايادى...
قازىر باستاماشى كاسىپورىندار جەتەكشىلىك ەتۋ، عىلىم - تەحنيكادا جاڭالىق اشۋ، ءىرى، ورتا، شاعىن كاسىپورىندار سايكەستى دامۋ ارقىلى جۇدىرىقتاي جۇمىلىپ، جاڭا كاسىپ سالاسىنىڭ باسەكەلىك باسىمدىعىن قۇلشىنا سومداۋدا. اۆتونوميالى رايوندىق دامۋ جانە رەفورما كوميتەتى دامۋ ستراتەگياسى جانە جوباسى باسقارماسىنىڭ باستىعى جۋ شۋۋي بىلاي دەپ قارادى: شينجياڭنىڭ ”8 ءىرى كاسىپ سالاسى شوعىرىن“ جەدەل قۇرۋى كاسىپ سالاسىنىڭ تىزبەكتەنىپ ۇزارۋىن، عىلىم - تەحنيكادا سايكەسە جاڭالىق اشۋدى، ماڭىزدى فاكتورلاردى بازارلاندىرىپ ورنالاستىرۋدى، كاسىپورىنداردى باقشا رايونىنا توپتاۋدى، شوعىرلاندىرۋدا سيفرلاندىرىپ قۋات ۇستەۋدى ونان ارى ىلگەرىلەتىپ، عىلىم - تەحنيكادا جاڭالىق اشۋدىڭ شوعىرلانۋ دارەجەسىن، كاسىپ سالاسى دامۋىنىڭ جاندانۋ مولشەرىن، ىشكى - سىرتقى سەلبەستىكتىڭ اشىق ۇستالۋ دارەجەسىن، سونداي - اق مەملەكەتكە قىزمەت وتەۋدەگى ۇلەس قوسۋ دارەجەسىن جوعارىلاتادى.
ۇزدىكسىز ناقتى شارا قولدانىپ، كاسىپ سالاسى دامۋىنىڭ جالپى جاعدايىن كوزدە ۇستادى
”’8ءىرى كاسىپ سالاسى شوعىرىندا‘ وراسان زور دامۋ كومەسكى كۇشى بار، جالپى ءماجىلىس كاسىپورىندارعا تاعى دا قاينارلىق قوزعاۋشى كۇش بەردى“. كاسىپ سالاسىنىڭ دامۋى ءسوز بولعاندا، حىشىڭ كرەمني كاسىبى شەكتى جارنا سەرىكتەستىگىنىڭ القا باستىعى لو ليگونىڭ سەنىمى زور. ول بىلاي دەدى: قازىر كاسىپورىن دۇنيە جۇزىندەگى تۇڭعىش 7000 مۋلىق كوپ كريستالدى كرەمنيلى فوتوۆولتتىق ءبىر تۇلعالاندىرىلعان كاسىپ سالاسى باقشاسىن جەدەل قۇرۋدا، سونىمەن بىرگە شينجياڭعا قارجى قوسۋ سەرپىنىن ارتتىرىپ، كاسىپ سالاسىنىڭ ەكولوگيالىق تىزبەگىن تەرەڭدەتىپ، كرەمني نەگىزدى جاڭا ماتەريالدىڭ جاڭا بيىگىن تۇلعالاۋدا.
”8 ءىرى كاسىپ سالاسى شوعىرىن“ جوعارى ساپامەن قۇرۋ كارتيناسىندا شينجياڭ قايتكەندە وسى ”كورنەۋ قولمەن“ ناقتى ءىس ىستەي الادى؟
”5 + 2“ ءتۇيىندى دارىندىلار جوسپارىن ىسكە قوسىپ، ”8 ءىرى كاسىپ سالاسى شوعىرى“ دارىندىلار تىزبەگىن قالىپتاستىردى، بۇعان قازىر 5600دەن استام ادام تاڭدالدى؛
«شينجياڭنىڭ ”8 ءىرى كاسىپ سالاسى شوعىرىنىڭ“ دامۋىنا فينانستىق قولداۋ كورسەتۋ شارالارىنىڭ» اتقارىلۋى الداعى 3 جىلدا اۆتونوميالى رايوننىڭ ”8 ءىرى كاسىپ سالاسى شوعىرىنا“ بەرەتىن قارىز اقشاسىنىڭ ارتۋ قارقىنى بۇكىل رايونداعى بەرىلەتىن ءتۇرلى قارىز اقشانىڭ ورتاشا ارتۋ قارقىنىنان تومەن بولماۋىنا شىنايى كەپىلدىك ەتەدى؛
العاشقى توپتاعى 14 كاسىپ سالاسىندا جاڭالىق اشۋدى زەرتتەۋ ورنىنا ماڭدايشالىق بەرىلدى، باستاماشى كاسىپورىندار تۇگەلدەي ”8 ءىرى كاسىپ سالاسى شوعىرى“ كاسىپ سالاسى تىزبەگىنىڭ يەسى نەمەسە كاسىپ سالاسىنىڭ باستاماشى كاسىپورنى بولىپ، رايونىمىزدىڭ كاسىپ سالاسىن جاڭالىق اشا دامىتۋىنىڭ شەشۋشى سالاسىنداعى ”كىلتەڭ“ قيىن ماسەلەلەردى تۇبىرىنەن شەشتى ...
5 - ايدىڭ 23 - كۇنى اۆتونوميالى رايوندىق دامۋ جانە رەفورما كوميتەتى اۆتونوميالى رايوندىق پارتكومعا مالىمدەپ، «اۆتونوميالى رايوننىڭ ەرەكشە، باسىمدىققا يە كاسىپ سالاسى شوعىرىن جەتىلدىرۋ، دامىتۋ جونىندەگى جەتەكشى پىكىردى» باسىپ تاراتتى، اتقاردى. جۋ شۋۋي مىنالاردى ءبىلدىردى: دامۋ جانە رەفورما كوميتەتى قاتىستى تاراۋلارمەن بىرگە «جەتەكشى پىكىرگە» ساي، 8 ارەكەت جوسپارىن جانە سايكەستى ءتۇيىندى كاسىپ سالاسى تىزبەگىن اتقارۋ جوباسىن شىعارۋدى ىلگەرىلەتىپ، باسىمدىققا يە ەنەرگيا بايلىعىنىڭ كومەسكى كۇشىن كۇش سالا جارىققا شىعارىپ، ”8 ءىرى كاسىپ سالاسى شوعىرىن“ جوعارى ساپامەن قۇرادى.
”8 ءىرى كاسىپ سالاسى شوعىرىن“ ارقاۋ ەتىپ، ونەركاسىپ جانە ينفورماتسيالاندىرۋ مەڭگەرمەسى ونەركاسىپ سالاسىنداعى ءتۇيىندى نىسان قۇرىلىستارىن ۇزدىكسىز ويداعىداي يگەرىپ، مۇناي، مۇناي حيميا، وسى زامانعى كومىر حيميا ونەركاسىبى سياقتى كەلەلى نىسانداردى مەملەكەتتىڭ جوباسىنا ەنگىزۋگە كۇش سالدى. 2023 - جىلى اۆتونوميالى رايون ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىنداردان 200ىن، مەملەكەت دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ”شاعىن قۋاتتى“ كاسىپورىنداردان 20سىن تىڭنان ارتتىرۋعا كۇش سالادى. اۆتونوميالى رايوننىڭ تۇڭعىش كەزەكتى ونەركاسىپ كاسىپورىندارى زەرتتەۋ - اشۋ ۇسىنىلىمى جاعىنداعى 50 مىقتىنى باعالاۋ قيمىلىن ۇيىمداستىرىپ اتقارىپ، ونەركاسىپ سالاسىنداعى 2 - توپتاعى كاسىپ سالاسىندا جاڭالىق اشۋدى زەرتتەۋ ورنىن تۇراقتاندىرۋ قىزمەتى سياقتىلاردى باستايدى.
سونىمەن بىرگە ونەركاسىپ جانە ينفورماتسيالاندىرۋ مەڭگەرمەسى جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالاسى، جاسىل كەن كاسىبى، ماقتا جانە توقىماشىلىق، كيىم - كەشەك كاسىپ سالاسى شوعىرى قۇرىلىسىن باستاماشىلدىقپەن ويداعىداي يگەرىپ، 17 كاسىپ سالاسى تىزبەگىنىڭ جوعارى ساپالى دامۋىن ءتۇيىندى تۇردە ىلگەرىلەتىپ، باسىمدىققا يە ەنەرگيا بايلىعىنىڭ كومەسكى كۇشىن اشىپ، شينجياڭ ەرەكشەلىگىنە يە وسىزاماندانعان كاسىپ سالاسى جۇيەسىن جەدەل تۇلعالاۋ ءۇشىن اقىل - پاراسات جانە كۇش - قۋات قوسادى.
شەبەر شاحماتشى اۋقىمدى مەڭگەرە بىلەدى، شينجياڭنىڭ ”8 ءىرى كاسىپ سالاسى شوعىرى“ اناعۇرلىم كەڭ - بايتاق وڭىردە جوعارى ساپالى دامۋدىڭ جاڭا ساپارىن باستايدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
