2022 - جىلعى شينجياڭنىڭ ەكولوگيالىق ورتا مازمۇنداماسى جاريالاندى
بۇكىل رايوننىڭ ەكولوگيالىق ورتا ساپاسى ورنىقتىلىقتى ساقتادى
2023.06.08 16:58 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي شيڭ 6 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان لاستانۋدان ساقتانۋ جانە ونى وڭاۋدان قامال الۋ شايقاسىن ىشكەرىلەي ويداعىداي جۇرگىزۋ جونىندەگى اقپار جاريالاۋ ماجىلىسىنەن ۇعىسۋىمىزشا، 2022 - جىلعى شينجياڭنىڭ ەكولوگيالىق ورتا مازمۇنداماسى 6 - ايدىڭ 6 - كۇنى جاريالانعان. مازمۇندامادا شينجياڭنىڭ اتموسفەرانىڭ لاستانۋىن وڭاۋدى، سۋ بايلىعىن، توپىراقتى قورعاۋدى كۇشەيتۋ سياقتى قوعامنىڭ نازار اۋدارۋ دەڭگەيى جوعارى، بۇقارانىڭ تۇرمىسىمەن تىعىز قاتىستى ەكولوگيالىق ورتانى قورعاۋ جاعىندا ىستەگەن قىزمەتتەرى مەن قول جەتكىزگەن ناتيجەلەرى تانىستىرىلعان.
مازمۇندامادا مىنالار اتاپ كورسەتىلدى: اۆتونوميالى رايون ”ءۇرىمجى − سانجى − شىحىزى“، ”كۇيتۇن − مايتاۋ − شيحۋ“ قاتارلى ءتۇيىندى وڭىرلەردى نەگىزگى شايقاس مايدانى ەتىپ، بيڭتۋان مەن جەرگىلىكتى ورىننىڭ بىرلەسىپ ساقتانۋ، بىرلەسىپ تىزگىندەۋ مەن اۋىر لاستانعان اۋا رايىنا توتەپ بەرۋدى كۇشەيتىپ، كوكتەمدە شاڭ - توزاڭدى تىزگىندەۋ، جازدا لاستاۋدى توسۋ، كۇزدە جاراقسىز زاتتاردى جونگە سالۋ، قىستا تۇمشانى جونگە سالۋ سىندى ”ءتورت ماۋسىمدىق قامال الۋ“ ارەكەتىن اتقارىپ، كومىر جاعۋدان بولاتىن لاستانۋدى تىزگىندەۋدى، ونەركاسىپ لاستانۋىن جونگە سالۋدى، كومىر جاعىلاتىن پار قازانىن جانە ونەركاسىپتىك پەشتى جالپىلىق رەتتەۋ - وڭاۋدى، بۋلانعىش ورگانيكالىق زاتتاردى اداقتاپ تەكسەرۋدى، جونگە سالۋدى ىلگەرىلەتىپ، بۇكىل رايوننىڭ اۋا ساپاسى ورنىقتىلىقتى ساقتادى؛ اۋىز سۋ كوزدەرىن جۇيەلىلەندىرۋ قۇرىلىسىن ۇزدىكسىز ىلگەرىلەتىپ، بۇكىل رايوننىڭ اۋدان دارەجەلى جانە اۋدان دارەجەلىدەن جوعارى قالالارىنىڭ اۋىز سۋ كوزدەرىن جۇيەلىلەندىرۋ سالىستىرماسىن بىلتىرعىدان 05. 2 پايىز جوعارىلاتتى؛ وڭىرلەردىڭ قايتا تۋىندايتىن سۋدان اينالمالى پايدالانۋ سىناق ءتۇيىنىن ىلگەرىلەتىپ، ءۇرىمجى قالاسىن، قارامايلى قالاسىن تيپتىك وڭىرلەردىڭ قايتا تۋىندايتىن سۋدان پايدالانۋ، ونى ورنالاستىرۋ سىناق ءتۇيىنى قالاسى ەتىپ بەلگىلەپ، بۇكىل رايوننىڭ سۋ ورتاسى ساپاسىنىڭ ورنىقتىلىعىن ساقتادى؛ كادمي سياقتى اۋىر مەتالدارعا ساياتىن ءتۇيىندى سالالارداعى 131 كاسىپورىندى ءبىر - بىرلەي تەكسەرۋ قىزمەتىن ۇيىمداستىرىپ تامامدادى؛ بۇكىل رايوننىڭ جەر استى سۋلارىنىڭ نەگىزدىك ورتا جاعدايىن تەكسەرۋ، باعالاۋ قىزمەتىن اياقتاتىپ، ءتۇيىندى حيميا - ونەركاسىپ باقشا رايوندارى جەر استى سۋلارىنىڭ ورتا جاعدايىن تەكسەرۋدى ورىستەتتى؛ بۇكىل رايوننىڭ توپىراق ورتا ساپاسى جالپى جاقتان تاماشا بولىپ، ورنىقتىلىقتى ساقتادى.
كليمات وزگەرىسىنە بەلسەنە توتەپ بەرۋ ءۇشىن، شينجياڭ بۇكىل ەلدىڭ كومىر قىشقىل گازىن شىعارۋ ۇقىعى ساۋدا بازارى قۇرىلىسىنا بەلسەنە ات سالىسىپ، بۇكىل رايوننىڭ 8 ءىرى ءتۇيىندى كاسىپ سالاسىنداعى كومىر قىشقىل گازىن شىعاراتىن ءتۇيىندى ورىنداردىڭ 2021 - جىلعى پارنيكتىك گازداردى شىعارۋ مالىمەتىن تەكسەرۋ قىزمەتىن ورىندادى؛ ارناۋلى زەرتتەۋدى ورىستەتىپ، ايماقتاردىڭ (وبلىس، قالا) ”14 - بەسجىلدىقتاعى“ كومىر قىشقىل گازىن شىعارۋ كۇشەمەلىلىگىن باسەڭدەتۋ نىسانا - مىندەتتەرىن ءبولۋ جوباسىن عىلمي، ۇيلەسىمدى جاسادى.
”اۆتونوميالى رايون ەكولوگيالىق ورتا بويىنشا تۋ باستان ساقتانۋ - تىزگىندەۋ رولىن ساۋلەلەندىرىپ، ەكولوگيالىق ورتانى جوعارى ساپالى قورعاۋ ارقىلى ەكونوميكانىڭ، قوعامنىڭ جوعارى ساپالى دامۋىن ىلگەرىلەتتى“. اۆتونوميالى رايوندىق ەكولوگيالىق ورتا مەڭگەرمەسىنىڭ ورىنباسار باستىعى تيان فىڭنىڭ تانىستىرۋىنشا، اۆتونوميالى رايون تۇراقتى لاستاۋ قاينارىن ”ءبىر كۋالىك ۇلگىسىندە“ باقىلاۋ - باسقارۋ جۇيەسىن اقاۋسىزداندىرىپ، لاس زاتتاردى شىعارۋعا رۇقسات ەتۋ كۋالىگىنە قاتىستى 1944 ساپا تەكسەرۋىن ورىنداپ، ”ەكى جوعارى“ نىسانداردىڭ ەكولوگيالىق ورتاعا كىرۋىنە رۇقسات ەتۋ وتكەلىن قاتايتىپ، ”ەكى جوعارى“ نىسانداردىڭ كورسوقىرلىقپەن دامۋىن باتىل تەجەگەن. سونىمەن بىرگە كەلەلى نىسانداردىڭ ”ءۇش اشىق ەسەپتى“ سۇيەنىش ەتىپ، جاسىل وتكەل اشىپ، نىسانداردى تەكسەرىپ بەكىتۋدى زاڭ بويىنشا، ەرەجە بويىنشا جەدەلدەتىپ، نىسانداردىڭ تياناقتانىپ قۇرىلىس جۇرگىزۋىن جەبەپ، اۆتونوميالى رايوننىڭ ەكونوميكاسىنىڭ جاسىل، جوعارى ساپالى دامۋىنا دەم بەرگەن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
