شاڭحاي سەلبەستىك ۇيىمىنا مۇشە ەلدەر مەديالارىنىڭ ۋاكىلدەر ۇيىرمەسى شينجياڭعا كەلدى
”اشىق شينجياڭ ومىرشەڭدىك كۇشكە تولى ەكەن“
2023.06.08 17:00 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 6 - ايدىڭ 3 - كۇنى ۇرىمجىدەن حابارلايدى. 6 - ايدىڭ 2 - كۇنى شاڭحاي سەلبەستىك ۇيىمىنا مۇشە ەلدەر مەديالارىنىڭ ۋاكىلدەر ۇيىرمەسى ءۇرىمجى قالاسىنا كەلدى. ءۇندىستان، قىرعىزستان، پاكيستان، رەسەي، تاجىكستان سياقتى ەلدەردەن كەلگەن 19 ءتىلشى ءۇرىمجى حالىقارالىق قۇرلىقتىق پورت اۋماعى، شينجياڭ حالىقارالىق ۇلكەن بازارى سياقتى جەرلەردى ارالاپ، ءار ۇلت بۇقاراسىمەن ىشكەرىلەي اڭگىمەلەسىپ، جۇڭگونىڭ شينجياڭىنىڭ ەكونوميكاسىنىڭ، قوعامىنىڭ دامۋى، حالىقتىڭ تىنىش ءومىر، شات - شادىمان تىرشىلىك كەشىرۋى سياقتى ناقتى جاعدايلاردى شىنايى ۇعىستى. ۋاكىلدەر ۇيىرمەسىنىڭ مۇشەلەرى جاپپاي: بۇل جەر تىرشىلىك تىنىسىنا، ومىرشەڭدىك كۇشكە تولى قۇتتى مەكەن ەكەن، - دەدى تەبىرەنە.
شينجياڭ − جۇڭگونىڭ ازيا − ەۆروپانى تۇتاستىراتىن ماڭىزدى ارناسى جانە جىبەك جولى ەكونوميكالىق بەلدەۋىندەگى ماڭىزدى ءتۇيىن، دامۋ كومەسكى كۇشى زور. ۋاكىلدەر ۇيىرمەسى، ەڭ الدىمەن، جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ نىشاندىق ينجەنەرياسى ءۇرىمجى حالىقارالىق قۇرلىقتىق پورت اۋماعىنا كەلدى. ”بۇكىل مەملەكەتتىڭ جەر - جەرىنەن تاسىپ اكەلىنگەن تاۋارلار بۇل جەردە شوعىرلانادى، ونان ارى ’تاس جولدان اۋە جولعا اۋىستىرۋ‘، ’تاس جولدان تەمىر جولعا اۋىستىرۋ‘ قاتارلى كوپ ءتۇرلى فورمادا ۇتىلاپ تاسىمالداۋ تاسىلىمەن دۇنيە ءجۇزىنىڭ جەر - جەرىنە جەتكىزىلەدى“... ءتۇسىندىرۋشىنىڭ تانىستىرۋىمەن كوپشىلىك ”ءبىر بەلدەۋ، ءبىر جولدى“ بىرگە قۇرۋدىڭ ىشكەرىلەي ىلگەرىلەتىلۋىنە ساي، شينجياڭنىڭ ەندىگارى شەت - شالعاي ءوڭىر ەمەس، قايتا وزەكتى رايونعا، توراپتىق وڭىرگە اينالعاندىعىن ىشكەرىلەي ءتۇسىندى.
قىرعىزستان AKIpress اقپارات اگەنتتىگىنىڭ اتقارۋشى ديرەكتورى يماناليەۆ ازامات: ”قىرعىزستاننىڭ كوپتەگەن تاۋارلارى جۇڭگونىڭ شينجياڭىنان كەلگەن، اشىق شينجياڭ ومىرشەڭدىك كۇشكە تولى ەكەن“، ”ءبىر بەلدەۋ، ءبىر جولدى“ بىرگە قۇرۋ باستاماسى قىرعىزستانعا جاڭا دامۋ ورايىن ازىرلەدى. جۇڭگو − قىرعىزستان − وزبەكستان تەمىر جولىنىڭ جەدەل سالىنۋىنا ىلەسە، ەكى ەل حالقىنىڭ، ءسوز جوق، ءتىپتى جاقسى باقىتقا كەنەلەتىندىگىنە سەنەمىن، - دەدى اسەرلەنە.
گۋاڭجوۋ اۆتوكولىك توبى ءمىنىس اۆتوكولىك شەكتى سەرىكتەستىگى شينجياڭ بولىمشە سەرىكتەستىگىندە ۋاكىلدەر ۇيىرمەسىنىڭ مۇشەلەرى وسىزاماندانعان ءوندىرىس سەحىنا كىرىپ، اۆتوكولىك قۇراستىرۋ جۇمىس ءتارتىبىن، زەردەلى مەحانيكالىق بىلەكتىڭ جۇمىس ءتارتىبىن، سونداي - اق گۋاڭجوۋ اۆتوكولىك توبىنىڭ ەڭ جاڭا اۆتوكولىك تۇرپاتى سياقتىلاردى ەكسكۋرسيالادى. بۇل اۆتوكولىكتەر نەگىزىنەن قاي جەرلەرگە ساتىلادى؟ سەرىكتەستىكتىڭ ءۇندىستاندا زاۆود سالۋ جوسپارى بار ما؟... كوپشىلىك شينجياڭنىڭ جاساۋ كاسىبىنىڭ دامۋىنىڭ تەزدىگىنە سۇيىنۋمەن بىرگە، ءوز مەملەكەتىنە دە ساۋدا ورايىن بەلسەنە قاراستىردى.
شينجياڭ ۇيعۇر مۇقامى − ءان، ءبي، مۋزيكا ءبىر تۇلعالانعان كولەمدى جالپىلىق كوركەمونەر فورماسى، 2005 - جىلى بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى جاعىنان بەيزاتتىق مادەني مۇرا تىزىمدىگىنە ەنگىزىلگەن. شينجياڭ كوركەمونەر تەاترىندا ۋاكىلدەر ۇيىرمەسىنىڭ مۇشەلەرى جاقىن ارالىقتان «جۋلا» سياقتى مۇقام كوركەمونەر ويىندارىن تاماشالادى. تامىلجىعان مۋزيكا، شاتتىققا تولى ءبي، كوپشىلىك ونىڭ وزگەشە كوركەمونەرلىك باۋرامدىلىعىنان اسەرلەندى ءارى جۇڭگو ۇكىمەتىنىڭ شينجياڭنىڭ بەيزاتتىق مادەنيەت مۇرالارىن قورعاۋعا باسا ءمان بەرگەندىگىن سەزىندى.
”شينجياڭنىڭ كوپ ۇلتتى مادەنيەتى تەرەڭ اسەر قالدىردى“. رەسەي اقپارات اگەنتتىگى «بۇگىنگى رەسەي» مەديا توبىنىڭ رەداكتورى، اۋدارماشى ولۋفەرمي ەلەنا بىلاي دەدى: رەسەي مەن جۇڭگونىڭ اناعۇرلىم كوپ مادەنيەت - كوركەمونەر اۋىس - كۇيىس قيمىلىن وتكىزىپ، وركەنيەتتەردىڭ اۋىس - كۇيىسىن، ءوزارا ۇلگى الۋىن ىلگەرىلەتۋىن ءۇمىت ەتەمىن.
شينجياڭ حالىقارالىق ۇلكەن بازارىندا ۋاكىلدەر ۇيىرمەسىنىڭ مۇشەلەرى ارالاي ءجۇرىپ، قول تەلەفوندارىمەن سۋرەتكە ءتۇسىردى، ءتۇرلى كەپتىرىلگەن جەمىس، جەمىس - جيدەك، ۇلتتىق ەرەكشەلىككە يە قولونەر بۇيىمدارى، دارا قۇرىلىستار، سونداي - اق ناق مايدانداعى بۇقارانىڭ ىقىلاستى كۇلكىسى، تۇگەلدەي كوپشىلىك سۋرەتكە تۇسىرگەن نەگىزگى كورىنىستەر بولدى.
ەگيپەت ورتا شىعىس اگەنتتىگىنىڭ باسقارۋشى باس رەداكتورى ءالىف سوحرات ۇيىندەگىلەرگە الا كەتۋگە ءبىر كوك ءتۇستى دوپپا جانە ءدامدى پراندىك ساتىپ الدى. ”شينجياڭعا تۇڭعىش رەت كەلۋىم، مەن بۇل جەردى قاتتى ۇناتتىم“. ول: مەن شينجياڭ حالقىنىڭ تۇرمىسىنىڭ جاراسىمدى، باقىتتى، مادەنيەتى الۋان ءتۇرلى، ەكونوميكاسىنىڭ بولاشاعى نۇرلى ەكەندىگىن كوردىم، كەيبىر باتىس مەديالارىنىڭ شينجياڭعا قاتىستى جالعان ينفورماتسيالارى اۋىزعا الۋعا تاتىمايدى، - دەدى.
«كاتار تالقى مىنبەرى» گازەتىنىڭ ءتىلشىسى سيديق مۇحامەت اشراف تا وسىنداي اسەر الدى. ول بىلاي دەدى: ءۇرىمجى وسىزاماندانعان، قاتىناسى قولايلى، كوشەلەرى تازا، تۇنگى كورىنىسى وتە كوركەم قالا ەكەن، بۇل ارادا تۇرمىس كەشىرىپ جاتقان ادامداردىڭ، ءسوز جوق، باقىتتى ەكەندىگىنە سەنەمىن.
ءبىر كۇندىك ۋاقىت قىسقا بولعانىمەن، قالدىرعان اسەرى تەرەڭ بولدى. ۋاكىلدەر ۇيىرمەسىنىڭ مۇشەلەرىنىڭ باسىم كوبىنىڭ شينجياڭعا تۇڭعىش رەت كەلۋى، ولار جول بويى كورىپ، دەن قويا سەزىنىپ، اپپارات كوزى جانە قالامدارى ارقىلى وبيەكتيۆ، شىنايى شينجياڭدى ەستەلىككە الدى. ۋاكىلدەر ۇيىرمەسىنىڭ مۇشەلەرى قايتىپ بارعاننان كەيىن حابارلاۋدى كۇشەيتىپ، كورىكتى شينجياڭدى بۇكىل دۇنيە جۇزىنە تانىستىراتىندىقتارىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
