قوعام حاۋىپسىزدىگى مينيسترلىگى قاتارلى تاراۋلار جاڭا كەزەكتى قارۋ - جاراققا قاتىستى زاڭعا قايشى قىلمىستىق ارەكەتتەرگە سوققى بەرۋ جانە ونى جونگە سالۋ ارناۋلى قيمىلىن ورىستەتۋدى ورنالاستىردى
2023.06.09 14:01 كەلۋ قاينارى : حالىق تورابى
شينحۋا اگەنتتىگىنىڭ 6 – ايدىڭ 8 – كۇنى بەيجيڭنەن بەرگەن حابارى. مەملەكەتتىك مىلتىق، جارىلعىش زات قاتارلى زاڭعا قايشى قىلمىستىق ارەكەتتەرگە سوققى بەرۋ، جونگە سالۋ ارناۋلى ارەكەتىن ورنالاستىرۋ ءماجىلىسى 6 ـ ايدىڭ 8 ـ كۇنى اشىلدى، بيىلدان باستاپ 2025 ـ جىلدىڭ سوڭىنا دەيىن بۇكىل ەل كولەمىندە جاڭا كەزەكتى 3 جىلدىق مىلتىق، جارىلعىش زات قاتارلى زاڭعا قايشى قىلمىستىق ارەكەتتەرگە سوققى بەرۋ، جونگە سالۋ ارناۋلى قيمىلىن ورىستەتۋ جونىندە ورنالاستىرۋ جاسادى. مىلتىق، جارىلعىش زات قاتارلى زاڭعا قايشى قىلمىستاردى، سونداي - اق ونىڭ ءوسىپ - ونەتىن توپىراعىن باتىل الاستاپ، الەۋمەتتىك حاۋىپسىزدىك پەن قوعام ورنىقتىلىعىنا ىقپال جاسايتىن اۋىر كومەسكى قاتەرلەردى باتىل الاستايدى.
قوعام حاۋىپسىزدىگى مينيسترلىگى قاتارلى تاراۋلاردىڭ ورنالاستىرۋى مىنالاردى تالاپ ەتتى: مىلتىق، جارىلعىش زاتتارعا ساياتىن زاڭعا قايشى قىلمىستىق ارەكەتتەرگە باستان ـ اياق ”استە كەشىرىم ەتپەۋ“ پوزيتسياسىن ساقتاپ، قاتاڭ سوققى بەرۋدىڭ تەگەۋرىندى كۇيىنەن جازباي، دەلو اشۋدا قامال الۋدى كۇشەيتىپ، دالمە - ءدال سوققى بەرۋدى كورنەكتىلەندىرىپ، ساپا مەن ونىمدىلىككە باسا ءمان بەرىپ، قىلمىستىلاردىڭ اپتىعىن باتىل باسىپ، مىلتىققا، جارىلعىش زاتتارعا ساياتىن كومەسكى قاتەرلەردى باتىل الاستاۋ كەرەك. قاتاڭ باسقارۋ ـ تىزگىندەۋدى، جونگە سالۋدى اناعۇرلىم ماڭىزدى ورىنعا قويىپ يگەرىپ، تۋ باستان باسقارۋ ـ تىزگىندەۋ شارالارىن قاتايتىپ، زاڭعا قايشى قىلمىستىق ارەكەتتەردى جانە ءتۇرلى ءوندىرىس حاۋىپسىزدىگى شىرعالاڭدارىنىڭ كومەسكى قاتەرىن دەر كەزىندە بايقاپ، ءبىر جاقتى ەتىپ، مىلتىق، جارىلعىش زات، قاتەرلى بۇيىمداردى باسقارۋ ـ مەڭگەرۋ تورىن شىن مانىندە بەكەمدەۋ كەرەك. تۇرلەر بويىنشا جونگە سالۋ، باياندى جونگە سالۋ، قوعامدىق بىرلەسىپ ارەكەتتەنۋ مەحانيزمىن اقاۋسىزداندىرىپ، مىلتىق، جارىلعىش زاتتارعا ساياتىن حاۋىپسىزدىكتى باقىلاۋ ـ باسقارۋ ونىمدىلىگىن جوعارىلاتىپ، سوققى بەرۋ، جونگە سالۋ قىزمەتىنىڭ جۇيەلىلەنۋ دەڭگەيىن ۇزدىكسىز جوعارىلاتۋ كەرەك.
ۇعىسۋعا قاراعاندا، 2020 ـ جىلدان بەرى، جەر ـ جەر، قاتىستى تاراۋلار مىلتىق، جارىلعىش زاتتارعا ساياتىن زاڭعا قايشى قىلمىستىق ارەكەتتەرگە سوققى بەرۋ، جونگە سالۋ ارناۋلى ارەكەتىن ىشكەرىلەي ورىستەتىپ، مىلتىق، جارىلعىش زاتتارعا ساياتىن ٴىرى دەلونى كورنەكتى تەجەپ، مىلتىق، جارىلعىش زاتتاردىڭ ساقتالۋ مولشەرىن كورنەكتى ازايتىپ، مىلتىق پەن جارىلعىش زاتتاردى جونگە سالۋ قابىلەتىن كورنەكتى جوعارىلاتىپ، بۇقارانىڭ حاۋىپسىزدىك سەزىمى مەن رازىلىق دارەجەسى كورنەكتى جوعارىلاتۋ قىزمەت نىساناسىن ىسكە اسىرعان. 2022 – جىلى ەلىمىزدىڭ مىلتىق ۇستاۋ، قوپارىلىس جاساۋ قىلمىستىق دەلوسىنىڭ سانى تاريحتاعى ەڭ تومەنگى شەككە تۇسكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
