بەيجيڭ 2 – شەتەل ءتىلى شۋەيۋانى پارتكومىنىڭ بۇرىنعى شۋجيى گۋ شياۋيۋان پارتيادان شىعارىلدى، ۇكىمەت قىزمەتىنەن ايدالدى
2023.06.09 14:02 كەلۋ قاينارى : حالىق تورابى
بەيجيڭ قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ حابارىنا قاراعاندا، بەيجيڭ قالالىق پارتكومنىڭ بەكىتۋىمەن بەيجيڭ قالالىق ءتارتىپ تەكسەرۋ كوميتەتى، باقىلاۋ –تەكسەرۋ كوميتەتى بەيجيڭ 2 – شەتەل ءتىلى شۋەيۋانى پارتكومىنىڭ بۇرىنعى شۋجيى گۋ شياۋيۋانعا (مەكەمە دارەجەلى) پارتيادان شىعارۋ، قىزمەتتەن ايداۋ جازاسىن بەرۋدى ۇيعارعان.
تەكسەرۋ ارقىلى مىنالار انىقتالدى: گۋ شياۋيۋان پارتياعا ادال بولماي، شىنايى بولماي، ۇيىمنىڭ تەكسەرۋىنە قارسىلىق كورسەتكەن، ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ ۇكىمەت قىزمەتىن ءادىل اتقارۋعا ىقپال جەتكىزەتىن تارتۋ – تارالعىنى العان؛ بەلگىلەمەگە قايشىلىق جاساپ، جۇمىسشى - قىزمەتكەرلەردى قابىلداۋ سياقتى قىزمەتتەردە باسقالارعا پايدا جەتكىزگەن؛ قىزمەت ۇقىعىنان پايدالانىپ تۋىس - تۋعان، دوس - جاراندارىنا پايدا جەتكىزگەن؛ قىزمەت قولايلىلىعىنان پايدالانىپ، باسقالارمەن بىرلەسىپ مەملەكەت مەنشىگىندەگى قىرۋار مال - مۇلىكتى الداپ الىپ، باسقالاردىڭ قوماقتى مال - مۇلكىن زاڭسىز قابىلداعان.
گۋ شياۋيۋان پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە اۋىر قايشىلىق جاساپ، قىزمەت مىندەتى جاعىندا زاڭعا اۋىر قايشىلىق جاساعان ءارى قيانات جاساۋ، پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، پارتيا 19 ـ قۇرىلتايىنان كەيىن دە يمەنۋدى، تيىلۋدى بىلمەگەن، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك ءىس جونىنەن شارا كورۋ زاڭى» قاتارلى قاتىستى بەلگىلەمەلەرگە ساي، قالالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسىپ ءارى قالالىق پارتكومنىڭ بەكىتۋى ارقىلى گۋ شياۋيۋانعا پارتيادان شىعارۋ، ۇكىمەت قىزمەتىنەن ايداۋ جازاسىن بەرۋدى ۇيعاردى؛ تارتىپكە، زاڭعا قايشى تابىسىن تاركىلەيدى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال - مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
