2023 – جىلعى (جۇڭگو) ازيا ـ ەۆروپا تاۋار ساۋدا كورمەسى 8 ـ ايدىڭ 17 ـ كۇنىنەن 21 ـ كۇنىنە دەيىن اشىلدى
2023.06.13 15:01 كەلۋ قاينارى : حالىق تورابى
ءتىلشىنىڭ جۇڭگو — ازيا - ەۆروپا كورمەسىنىڭ حاتشىلار باسقارماسىنان ۇعىسۋىنشا، 2023 ـ جىلعى (جۇڭگو) ازيا ـ ەۆروپا تاۋار ساۋدا كورمەسى (تومەندە قىسقارتىلىپ”ساۋدا كورمەسى“ دەلىنەدى) 8 – ايدىڭ 17 – كۇنىنەن 21 – كۇنىنە دەيىن ءۇرىمجى قالاسىنداعى شينجياڭ حالىقارالىق ءماجىلىس ـ كورمە ورتالىعىندا اشىلادى. بۇل ءتوراعا شي جينپيڭنىڭ 7 ـ كەزەكتى جۇڭگو — ازيا - ەۆروپا كورمەسىنە جولداعان قۇتتىقتاۋ حاتىنىڭ رۋحىن تياناقتاندىرىپ، جۇڭگو — ازيا ـ ەۆروپا كورمەسىنىڭ ءتۇرلى جەتىستىكتەرىن ىشكەرىلەي تياناقتاندىرىپ، جۇڭگو — ازيا ـ ەۆروپا كورمەسىنىڭ تۇعىرلىق رولىن تەرەڭدەتۋ جونىندە ىزدەنىس جاساۋداعى ماڭىزدى شارا.
2023 ـ ساۋدا كورمەسىن جۇڭگو — ازيا ـ ەۆروپا كورمەسىنىڭ حاتشىلار باسقارماسى، ساۋدا مينيسترلىگىنىڭ سىرتقى ساۋدانى دامىتۋ ىستەرى مەكەمەسى ۇيىمداستىرعان، جالپى جوسپارداعى كورمە اۋماعى شامامەن 70 مىڭ شارشى مەتر، جالپى 3 ۇلكەن كورمە رايونى قۇرىلعان. مۇنىڭ ىشىندە تاۋار ساۋدا كورمە رايونى ەنەرگيا، زەردەلى تۇرمىس، مادەنيەت - ساياحات كاسىبى، سيفرلاندىرۋ، سونداي ـ اق جوعارى، جاڭا تەحنيكا، اۋىل شارۋاشىلىق ونىمدەرى، ازىق ـ تۇلىك، توقىما بۇيىمدارى، كيىم ـ كەشەك سياقتى 6 كورمە تاقىرىبىن قامتيدى. قارجى قوسۋ، سەلبەستىك كورمە رايونى ءارقايسى ولكە، اۆتونوميالى رايون، توتە قاراستى قالالاردىڭ باسىمدىققا يە كاسىپ سالالارى، قارجى قوسۋ سەلبەستىگى جانە كاسىپ سالاسىن كوشىرۋ نىساندارى، شينجياڭ ءوندىرىس ـ قۇرىلىس بيڭتۋانى جانە شينجياڭداعى ءارقايسى ايماق، وبلىس، قالالاردىڭ دامۋ جەتىستىكتەرى، قارجى قوسۋ ورتاسى، سونداي ـ اق ەل ىشىندەگى ءارقايسى ولكە، اۆتونوميالى رايون، قالالارمەن سەلبەستىك نىسانى سياقتىلاردى ءتۇيىندى تۇردە ايگىلەيدى. يمپورت تاۋارلارى كورمە رايونىندا ورتا ازيا ەلدەرى، RCEP مۇشە ەلدەر جانە باسقا ”ءبىر بەلدەۋ، ءبىر جول“ ەلدەرى مەن وڭىرلىك قارجى قوسۋ سەلبەستىك رايونى جانە تاۋار ساۋدا رايونى قۇرىلادى.
جۇڭگو — ازيا ـ ەۆروپا كورمەسىنىڭ ماڭىزدى مازمۇنى جانە قۇرامداس بولىگى رەتىندە، ساۋدا كورمەسى جۇڭگو — ازيا ـ ەۆروپا كورمەسىمەن تامىرلاس، ءوزارا ۇندەسەتىن، ءوزارا توعىسقان، ۇشتاسقان ساۋدا سەلبەستىك تۇعىرىن قالىپتاستىردى، 2015 ـ جىلدان قازىرگە دەيىن 3 كەزەك ءساتتى وتكىزىلدى. جۇڭگونىڭ توڭىرەكتەگى ەلدەرمەن سەلبەستىگىنىڭ ماڭىزدى ارناسى جانە جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ماڭىزدى دانەكەرى.
”قازىر 2023 ساۋدا كورمەسىنىڭ ءتۇرلى قىزمەتتەرى تارتىپپەن ورىستەتىلۋدە.“ ساۋدا جارمەڭكەسى ساۋداگەر شاقىرۋ، كورمەگە شاقىرۋ تاراۋىنىڭ قىزمەتكەرى ۋاڭ يۇي مىنانى ءبىلدىردى: ەلەكتروندىق بەلەت ”شينجياڭ ٴماجىلىس ـ كورمە جالپىلىق قىزمەت وتەۋ تەكشەسىندە“ رەسمي جەلىگە شىعارىلدى، ءتۇرلى يگىلىك قيمىلدارى دا ىركەس ـ تىركەس وتكىزىلەدى. سونىمەن بىرگە، كورەرمەندەردىڭ وسى شاعىن باعدارلاما ارقىلى كورمەنىڭ ەڭ جاڭا اۋقىمىن دەر كەزىندە ۇعىسۋىنا بولادى.
(جۇڭگو) ازيا - ەۆروپا تاۋار ساۋدا كورمەسى — شينجياڭ ۇيعۇر اۆتونوميالى رايوندىق حالىق ۇكىمەتىنىڭ جانە ساۋدا مينيسترلىگىنىڭ بەكىتۋىمەن تاق جىلدا وتكىزىلەتىن حالىقارالانعان، ارنايىلانعان، بازارلانعان، ماركالانعان كورمە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
