جۇڭگو حالىق بانكەسى پارتكومىنىڭ بۇرىنعى مۇشەسى، ورىنباسار بانكە باستىعى فان يفي تارتىپكە، زاڭعا اۋىر قايشىلىق جاساعاندىقتان، پارتيادان شىعارىلدى جانە ۇكىمەت قىزمەتىنەن ايدالدى
2023.06.12 15:56 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جۇڭگو حالىق بانكەسى پارتكومىنىڭ بۇرىنعى مۇشەسى، بۇرىنعى ورىنباسار بانكە باستىعى فان يفيدىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: فان يفي مۇرات - سەنىمنەن ايرىلىپ، اۋەلگى ماقسات پەن بورىشتان بەزىپ، ساياسي تانىمى سولعىنداپ، ۇيىمنىڭ تەكسەرۋىنە قارسى شىعىپ، سوقىر سەنىم قيمىلىمەن شۇعىلدانعان؛ ورتالىقتىڭ سەگىز تارماقتى بەلگىلەمەسىنىڭ رۋحىن ەلەپ - ەسكەرمەي، ۇزاق ۋاقىت بەلگىلەمەگە قايشى ورنالاستىرىلعان قوناعاسى، ساياحات، گولف دوپ ويناۋ سياقتى قيمىلدارعا قاتىناسقان، بەلگىلەمەگە قايشىلىق جاساپ ۇكىمەت اقشاسىمەن بەرىلگەن قوناعاسىعا قاتىناسقان، تارتۋ – تارالعى الىپ، جەكەلىك كوڭىل اشۋ ورىندارىنا بارعان؛ قىزمەت ورنالاستىرۋ، قىزمەت ورنىن تەڭشەۋ قاتارلى جاقتارىندا باسقالارعا پايدا جەتكىزگەن؛ ءمانساپتى بولا تۇرا پاك بولماي، تۋىس – تۋعانداردىڭ ءىس جۇزىندىك قىزمەت ىستەمەي ەڭبەكاقى الۋىنا جول بەرگەن، ۇقىق - ءناپسى ايىرباسىن جاساعان؛ زاڭ اتقارۋ قيمىلدارىنا بەلگىلەمەگە قايشى كيلىككەن، قول سۇققان؛ ءمورالدىق جاقتان ازعىنداعان، وتباسى ستيلى دۇرىس بولماعان؛ ءتارتىپ پەن زاڭنىڭ سوڭعى شەگىنەن جۇرداي بولعان، ويىنا كەلگەنىن ىستەگەن؛ ”فينانسقا سۇيەنۋ. فينانستان جەۋ“، ”اقشامەن اقشا تابۋ“، ۇزاق ۋاقىت ”قارجى قوسۋدى“ جەلەۋ ەتىپ، ۇقىق - اقشا ساۋداسىن بارىنشا جۇرگىزىپ، قىزمەت قولايلىلىعىنان پايدالانىپ باسقالاردىڭ قارىز اقشا الىپ قارجى قۇراۋ، كاسىپورىن تيجاراتى سياقتى جاقتاردان پايدا تابۋىنا كومەكتەسكەن، سونداي – اق قىرۋار زاڭسىز مال – مۇلىك العان.
فان يفي پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتى بويىنشا زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن باسقارۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى فان يفيعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان قىزمەتتەن ايداۋ جازاسىن بەردى؛ تارتىپكە، زاڭعا قايشى تابىسىن تاركىلەيدى؛ قىلمىس كۇمانى تاعىلعان ماسەلەسىن پروكۋراتۋرا ورگانىنىڭ زاڭ بويىنشا تەكسەرىپ ايىپتاۋىنا وتكىزىپ بەرەدى، وعان ساياتىن مال – مۇلىكتى بىرگە وتكىزىپ بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
