سولتۇستىك شينجياڭنىڭ ءىشىنارا وڭىرلەرىندە جاڭبىر جاۋادى
وڭتۇستىك شينجياڭدا، شىعىس شينجياڭدا جوعارى تەمپەراتۋرالى اۋا رايى بولادى
2023.06.13 14:56 كەلۋ قاينارى : حالىق تورابى
انار بۇلت – شينجياڭ گازەتىنىڭ حابارى. قاربىز جەيتىن مەزگىل تاعى دا كەلدى، ءتاتتى قاربىز جازعى ىستىقتى قايتاراتىن قاسيەتتى تاعام سانالادى. ەل اراسىندا ”ىستىقتا جەسەڭ قاربىزدى، قاجەتى جوق ءدارىنىڭ“ دەگەن ءتامسىل بار. قاربىزدىڭ ىستىقتى قايتارىپ، نەسەپتى ايداۋ رولى بار، ءبىراق سۋىق قاربىزدى جەمەۋ كەرەك، سۋىق قاربىز كوكباۋىر - اسقازاندى وڭاي زاقىمدايدى، كوكباۋىر – اسقازانى ءالسىز جاستار مەن قارتتاردىڭ بارلىعىنىڭ كوپ جەۋىنە بولمايدى.
6 - ايدىڭ 13 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، بۇگىن ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، تيانشان تاۋلى ءوڭىرى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى، اقسۋ ايماعىنىڭ باتىس بولەگى مەن سولتۇستىك بولىگى، بايىنعولين موڭعۇل اۆتونوميالى وبلىسىنىڭ سولتۇستىك بولەگى سياقتى جەرلەردىڭ ءىشىنارا وڭىرلەرىندە ازدان سەبەزگىگە دەيىن جاڭبىر جاۋادى، جوعارىدا ايتىلعان ءىشىنارا وڭىرلەردە ورتاشا جانە قالىڭ جاڭبىر جاۋادى؛ ءارى جوعارىدا ايتىلعان ءىشىنارا وڭىرلەر مەن شىعىس شينجياڭدا 4 ~ 5 بال باتىس سولتۇستىك جەلى سوعادى، جەل وتتەرىندە 8 ~ 9 بال بوران سوعادى، وڭتۇستىك شينجياڭ ويپاتىندا 5 بال شاماسىندا قيىس شىعىس جەلى سوعادى ءارى قۇمدى بوران سوعادى. وڭتۇستىك شينجياڭنىڭ باسىم كوپ وڭىرلەرىندە، شىعىس شينجياڭ سياقتى جەرلەردىڭ ءىشىنارا وڭىرلەرىندە 35 تە 37 سەلتسي گرادۋستىق جوعارى تەمپەراتۋرالى اۋا رايى بولادى، تۇرپان قالاسىنىڭ، قۇمىل قالاسىنىڭ ءىشىنارا جەرلەرىندە 40 سەلتسي گرادۋستان اسادى.
ءۇرىمجى قالاسىندا كۇن بۇلتتى، ارا – تۇرا اشىق بولادى، ەڭ جوعارى اۋا تەمپەراتۋرا 29 سەلتسي گرادۋس، ەڭ تومەن اۋا تەمپەراتۋرا 19 سەلتسي گرادۋس، جەل كۇشى 3 بال شاماسىندا بولادى. اۋا رايى جايلى بولادى، ساپارعا شىققاندا ەڭ جاڭا اۋا رايى بولجامىنا نازار اۋدارۋ كەرەك.
الداعى 3 كۇندە سولتۇستىك شينجياڭنىڭ باتىس بولىگى، سولتۇستىك بولىگى، تيانشان تاۋلى ءوڭىرى جانە ەكى جاعىنداعى ءىشىنارا جەرلەردە قىسقا ۋاقىتتىق كۇشتى جاۋىن ـ شاشىن، بۇرشاق، ناجاعايلى بوران سياقتى كۇشتى كونۆەكسيالىق اۋا رايىنىڭ مۇمكىندىگى ءبىرشاما زور بولادى، ءىشىنارا جەرلەردە سەل جانە جەر كوشكىنى، لاي تاسقىنى سياقتى گەولوگيالىق اپاتتاردان ساقتانۋدى كۇشەيتۋ كەرەك. وڭتۇستىك شينجياڭنىڭ باسىم كوپ ساندى رايوندارىندا، شىعىس شينجياڭدا جوعارى تەمپەراتۋرالى اۋا رايى جالعاسۋدا، ءورت قاتەرى جوعارى، ىستىقتان ساقتانۋ، تەمپەراتۋرانى تومەندەتۋ جانە وتتان حاۋىپسىز پايدالانۋعا كوڭىل ءبولۋ ءارى تاۋلى وڭىرلەردىڭ ءىشىنارا جەرلەرىندە قار ەرۋدەن تۋىلاتىن ارالاس تاسقىن جۇرۋدەن ساقتانۋدى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
