اۋرۋدان ساقتانۋ – تىزگىندەۋ قۇرىلىمدارى ادامدا بولاتىن مەتاپنيۋمو ۆيرۋسىنان ساقتانۋ جونىندە ەسكەرتۋ جاريالادى
2023.06.14 15:03 كەلۋ قاينارى : حالىق تورابى
6 – ايدا بۇكىل ەلىمىزدىڭ كوپ جەرىندە اۋا تەمپەراتۋراسى جوعارىلاپ، جاز مەزگىلىندەگى جۇقپالى اۋرۋلار ءجيى تۋىلاتىن مەزگىلگە قادام تاستادى. جۇڭگو اۋرۋدان ساقتانۋ – تىزگىندەۋ ورتالىعى 6 – ايدىڭ 13 – كۇنى ادامدا بولاتىن مەتاپنيۋمو ۆيرۋسىنان ساقتانۋ جونىندەگى ەسكەرتۋدى جاريالاپ، قاتىستى بىلىمدەر مەن ساقتانۋ شارالارىن تانىستىردى.
ادامدا بولاتىن مەتاپنيۋمو ۆيرۋسى وكپە اۋرۋىنا شالدىقتىراتىن ۆيرۋس قاتارىنا جاتادى، دۇنيە ءجۇزىنىڭ بارلىق جەرىنە تارالعان، ول ۇنەمى كەزدەسەتىن تىنىس جولى اۋرۋلارىن قوزدىرعىش سانالادى. اۋرۋدان ساقتانۋ - تىزگىندەۋ قۇرىلىمدارىنىڭ باقىلاۋىنا قاراعاندا، ادامدا بولاتىن مەتاپنيۋمو ۆيرۋسى جىلدىڭ قاي مەزگىلىندە بولسا دا بايقالادى، الايدا، قىس پەن كوكتەم مەزگىلىندە بايقالۋ مولشەرى ءبىرشاما جوعارى بولادى.
ادامدا بولاتىن مەتاپنيۋمو ۆيرۋسىنىڭ قانداي كلينيكالىق بەلگىلەرى بولادى؟ جۇڭگو اۋرۋدان ساقتانۋ - تىزگىندەۋ ورتالىعىنىڭ ۆيرۋستان تۋىندايتىن اۋرۋلار بولىمشەسىنىڭ قاتىستى ماماندارىنىڭ تانىستىرۋىنشا، بالالار، يممۋنيتەت قۋاتى ءالسىز ادامدار مەن قارتتار مەتاپنيۋمو ۆيرۋسىمەن وڭاي جۇعىمدالاتىن ادامدار توبى سانالادى، باسقا تىنىس جولى ۆيرۋستارىمەن ارالاسىپ جۇعىمدالۋ ىقتيمالدىعى بار. ادامدا بولاتىن مەتاپنيۋمو ۆيرۋسىمەن جۇعىمدالعان كەزدە كوبىنەسە جوتەلۋ، قىزۋى ورلەۋ، مۇرنى ءبىتۋ جانە دەمىگۋ قاتارلى جاي تۇماۋدىڭ اۋرۋ بەلگىلەرى بايقالادى، ادەتتە اۋرۋ بەلگىسىنە قاراي ەمدەۋ شاراسى قولدانىلادى.
تارالۋ جانە جۇعۋ ەرەكشەلىگى جاعىندا، ادامدا بولاتىن مەتاپنيۋمو ۆيرۋسى، باستىسى جوتەلۋ نەمەسە تۇشكىرۋ بارىسىندا تۋىلعان شاشىراندى نەمەسە اەروزول ارقىلى تارالادى، جۇعىمدالۋشىلارمەن تىعىز جاناسۋ ارقىلى نەمەسە ۆيرۋسپەن لاستانعان ورتامەن جاناسۋ بارىسىندا دا تارالادى. ادەتتە جۇعىمدالعاننان كەيىنگى جاسىرىن مەزگىلى شامامەن 3 تە 5 كۇن بولادى.
مامانداردىڭ ايتۋىنشا، ادامدا بولاتىن مەتاپنيۋمو ۆيرۋسىنان ساقتانۋ قىزمەتى باسقا ۇنەمى كەزدەسەتىن تىنىس جولى ۆيرۋسىنان ساقتانۋمەن ۇقساس، قالىپتى تۇرمىس ريتمىن ساقتاۋ جانە تاماشا كوڭىل - كۇيدى ساقتاۋ، ادامدار شوعىرلانعان ورىندارعا بارعاندا، ەڭ جاقسىسى ماسكى تاعۋ، سونىمەن بىرگە، قولدى ۇنەمى جۋۋ، اۋانى ءجيى الماستىرۋ، عىلىمي تۇردە ديزەنفەكسيالاۋ قاتارلى ساقتانۋ شارالارىن ويداعىداي ىستەۋ قاجەت. (ءتىلشى: گۋ تيانچىڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
