بايلانىس ارقىلى وقۋعا ءتۇسۋ سانىن الىپ بەرۋ؟ اتا – انانىڭ 255 مىڭ يۋانىن الداپ العان
2023.06.20 15:27 كەلۋ قاينارى : حالىق تورابى
ءار جىلى 6 – اي جوعارىلاپ وقۋ ماۋسىمى بولىپ، كوپتەگەن اتا - انالار بالالارىنىڭ جاقسى مەكتەپتەن وقۋىن ءۇمىت ەتەدى، بۇل دا جوعارىلاپ وقۋ الدامشىلىق دەلوسى كوپ تۋىلاتىن مەزگىل. تاياۋدا چۇڭچيڭ قالاسى جياڭبەي رايوندىق قوعام حاۋىپسىزدىگى بولىمشە مەكەمەسىنىڭ سۇيتان ساقشى بولىمشەسى باستاۋىشتان ورتالاۋعا ورلەپ وقۋعا قاتىستى الدامشىلىق دەلوسىن ءساتتى اشكەرەلەدى. قالا تۇرعىنى گۋ حانىم سۇيتان ساقشى بولىمشەسىنە بارىپ، ءوزىنىڭ لي x اتتى ەر ادامنىڭ ”بايلانىسپەن وقۋعا ءتۇسۋ سانىن ساتامىن“ دەگەن سوزىنە بولا 255 مىڭ يۋان الدانىپ قالعاندىعىن ايتادى.
دەلو مالىمدەۋىن تاپسىرىپ العاننان كەيىن، حالىق ساقشىلارى دەلو جاعدايىنا تالداۋ جاساپ، مۇنىڭ الدىن الا جوسپارلانعان الدامشىلىق دەلوسى ەكەنىن بايقاپ، دەرەۋ تەكسەرۋ جۇرگىزەدى. كوپ كۇن تەكسەرىپ دالەل الۋ ارقىلى حالىق ساقشىسى ەڭ سوڭىندا قىلمىس كۇماندىسى لي x تى تۇراقتاندىرادى ءارى ونى قولعا الادى.
تەرگەۋ ارقىلى لي x الدامشىلىق ىستەۋ بارىسىن تاپسىرادى. لي x كوپتەگەن ۋيچات توپتارىندا حابار جاريالاپ، ءوزىنىڭ ”بايلانىسى بار“ ەكەندىگىن، امالىن تاۋىپ بالانى ويداعىداي مەكتەپتەن وقىتا الاتىندىعىن ايتادى. گۋ حانىم حاباردى كورگەننەن كەيىن، لي x پەن حابارلاسادى. لي x تولىق سەنىممەن گۋ حانىمنىڭ بالاسىنىڭ ايگىلى مەكتەپتە وقۋىنا كەپىلدىك ەتۋگە بولاتىنىن، ءبىراق گۋ حانىمنىڭ ”جۇمىس ءبىتىرۋ قاراجاتى“، ”كومەككە اتاۋ قاراجاتى“، ”رەسميەت اقىسى“ قاتارلى قاراجاتتاردى تولەۋى كەرەكتىگىن ايتادى. گۋ حانىم ”اسىققاندا اقىلىنان جاڭىلىپ“ بۇعان راس ەكەن دەپ سەنە سالادى، سونىمەن ىلگەرىندى – كەيىندى قول تەلەفون بانكەسى ارقىلى لي x كە 255 مىڭ يۋان جوتكەيدى. لي x اقشانى تاپسىرىپ العاننان كەيىن ءوزىنىڭ جەكە قارىزىن قايتاۋعا جۇمسايدى. 6 – ايدىڭ 14 – كۇنى، لي x الدامشىلىق قىلمىسىن وتكىزدى دەگەن كۇمانمەن قولعا الىنادى، دەلو ىشكەرىلەي تەكسەرىلۋ ۇستىندە.
ساقشى جاق مىنانى ەسكەرتەدى: اتا - انالار كوڭىل كۇيىن دۇرىستاپ بالالاردى قاتىستى ساياسات استىندا ءادىل باسەكە ارقىلى كوڭىلدەگىدەي ۇيرەنۋ ورتاسىنا يە بولۋعا جەتەلەۋى كەرەك، ”ەرەكشە جولدار“، ”بايلانىس ءجۇرۋ“ دەگەن سياقتى سوزدەرگە سەنىپ، وتىرىككە الدانىپ، وراسان زور ەكونوميكالىق زيان تۋدىرىپ، بالانىڭ وقۋعا ءتۇسۋ ورايىن وتكىزىپ الۋدان ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
