شينجياڭ سيفرلى تەحنيكا ينجەنەرلەرىن جەتىلدىرۋ نىسانىن باستاپ اتقاردى، 2023 - جىلدان 2030 - جىلعا دەيىن ءار جىلى ەكى مىڭداي ادام تاربيەلەيدى
2023.06.19 14:36 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، شينجياڭنىڭ سيفرلى ەكونوميكاسى مەن تۇلعالىق شارۋاشىلىعىنىڭ ىشكەرىلەي توعىسۋىن جەبەپ، جوعارى ساپالى دامۋدىڭ جاڭا قوزعاۋشى قۋاتىن، جاڭا باسىمدىعىن ۇزدىكسىز قالىپتاستىرۋ ءۇشىن، تاياۋدا شينجياڭنىڭ سيفرلى تەحنيكا ينجەنەرلەرىن جەتىلدىرۋ نىسانى باستالدى.
بۇل نىسان جەتىلدىرۋ وبيەكتىسى ادام كۇشى بايلىعى جانە قوعامدىق قامتاماسىزداندىرۋ مينيسترلىگى جاريالاعان سيفرلى تەحنيكا سالاسىنداعى مەملەكەتتىڭ كاسىپتىك ولشەمىنە ۇيلەسەتىن سيفرلى تەحنيكاعا قاتىستى كاسىپتىك وقۋ تاۋىسقان وقۋشىلار، سيفرلى تەحنيكا سالاسىندا قىزمەت ىستەيتىن تەحنيكالىق شەبەرلىك دارىندىلارىنىڭ (جاڭا جۇمىستانۋ فورماتسياسىنداعى ەڭبەكشىلەردى، ەركىن كاسىپتەگىلەردى قامتيدى؛ زەينەتكە شىققاندار قامتىلمايدى) قاتىستى كاسىپتىك كۋرستارعا قاتىناسۋىنا ءارى قاتىستى كاسىپتەردىڭ كاسىپتىك تەحنيكالىق دارەجەسىن باعالاۋعا ءوتىنىش بەرۋىنە بولادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگى تىزىمدىگىنە ەنگىزىلگەن تاربيەلەۋ قۇرىلىمدارى سيفرلى تەحنيكا ينجەنەرلەرىن تاربيەلەۋ قىزمەتىنە جاۋاپتى بولىپ، ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ باقىلاۋىن قابىلداپ، سيفرلى تەحنيكا ينجەنەرلەرىن جەتىلدىرۋ ساپاسىن قامتاماسىزداندىرادى. تاربيەلەۋ قۇرىلىمدارى شينجياڭ كاسىپتىك - تەحنيكالىق قىزمەتكەرلەردى باسقارۋ تەكشەسىندە (www.xjzcsq.com) كاسىپتىك كۋرس وتكىزۋ حابارلاندىرۋىن جاريالاپ، قوعامداعى ادام ىستەتۋشى ورىندار مەن جوعارى مەكتەپتەردەن اشىق كۋرسانت قابىلدايدى. جەكەلەردىڭ نەمەسە ورىنداردىڭ تەكشەگە شىعىپ، ”سيفرلى تەحنيكا ينجەنەرلەرىن جەتىلدىرۋ“ بولەگىنە كىرىپ تىزىمگە الدىرۋىنا بولادى.
تاربيەلەۋ قۇرىلىمدارى مەملەكەتتىڭ كاسىپتىك ولشەمى مەن كۋرستان وتكىزۋ ايقىن تاربيەلەۋ ۋاقىتى، مازمۇنى جانە تالابى بويىنشا جەلىدە، جەلىدەن تىس تاربيەلەۋدى ارناعا تۇسىرەدى. بەلگىلەنگەن وقۋ ۋاقىتى مەن مازمۇنىن ورىنداعان كۋرسانتتارعا وقۋ تاۋىسۋ بويىنشا باعالاۋ جۇرگىزىپ، باۋلۋ تولىمدىلىق كۋالىگىن تاراتادى ءارى باۋلۋدى اياقتاتىپ 30 كۇن ىشىندە تاربيەلەنۋشىلەردىڭ ەسىمدىگى مەن باۋلۋ جاعدايىن شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنە جولدايدى.
مەملەكەتتىڭ كاسىپتىك ولشەمى بەلگىلەگەن مالىمدەۋ شارتىنا ۇيلەسەتىن تاربيەلەنۋشىلەر ءوتىنىش بەرۋ، باعالاۋ، دالەلدەۋ ىستەرى بويىنشا، ۋادە بەرۋ ءتۇزىمىنىڭ قاتىستى تالاپتارىنا ساي، باعالاۋ قۇرىلىمىنا قاتىستى كاسىپتىك تەحنيكالىق دارەجە باعالاۋىن ءوتىنىش ەتەدى. تاربيەلەۋ قۇرىلىمى باعالاۋ قۇرىلىمدارىمەن ۇشتاسۋعا جاۋاپتى بولىپ، تاربيەلەنۋشىلەردىڭ ءوتىنىش بەرۋىنە، باعالاۋىنا قاتىستى قىزمەت وتەۋدى قامتاماسىزداندىرۋ قىزمەتىن سايكەستى جاقسى ىستەيدى.
2023 ـ جىلدان 2030 ـ جىلعا دەيىن، شينجياڭ جاساندى زەردە، زات تورابى، ٴىرى دەرەك، بۇلتتىق ەسەپتەۋ، سيفرلاندىرىپ باسقارۋ، زەردەلى جاساۋ، ونەركاسىپ ينتەرنەتى، ۆيرتۋالدى شىندىق، بلوكچەين، ينتەگرالدى تىزبەك سياقتى سيفرلى تەحنيكالىق شەبەرلىك سالالارىندا باۋلۋ جانە كاسىپتىك تەحنيكالىق دارەجە بويىنشا تەكسەرۋ ـ باعالاۋ جۇرگىزەدى. ءار جىلى سيفرلى تەحنيكا شەبەرلەرىنەن ەكى مىڭداي ادامدى تاربيەلەپ، سيفرلى تەحنيكا ينجەنەرلەرى قوسىنىن ۇزدىكسىز ۇلعايتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
