جۋىردا ساياحاتتاۋشىلاردى تاسىمالدايتىن اۆتوبۋسىتاردىڭ اۋدارىلۋى شىرعالاڭى ءجيى تۋىلدى، قوعام حاۋىپسىزدىگى مينيسترلىگى ساپارلاۋ حاۋىپسىزدىگىنە كوڭىل ءبولۋدى ەسكەرتتى
2023.06.19 14:12 كەلۋ قاينارى : حالىق تورابى
حالىق تورابىنىڭ ءتىلشىسى حاۋ پيڭ، لياڭ چيۋپيڭ 6 - ايدىڭ 15 - كۇنى بەيجيڭنەن حابارلايدى. قوعام حاۋىپسىزدىگى مينيسترلىگى قاتىناستى باسقارۋ مەكەمەسىنىڭ حابارلاۋىنشا، جازدىق دەمالىس مەزگىلى تاياعان سايىن، ساياحاتتايتىنداردىڭ سانى ارتىپ، حاۋىپسىزدىك قىزمەتى كورنەكتىلەنە تۇسۋدە. جۋىردا قوعام حاۋىپسىزدىگى مينيسترلىگى قاتىناستى باسقارۋ مەكەمەسى 5 - ايداعى ساياحاتتاۋشىلاردى تاسىمالدايتىن اۆتوبۋستارعا ساياتىن 3 رەتكى دەلونى جاريالاپ، ساياحاتقا شىققاندا قاتىناس حاۋىپسىزدىگىنە كوڭىل ءبولۋدى، وتە - موتە، حاۋىپسىزدىك بەلبەۋىن تاعىپ، كۇتپەگەن جاعدايدىڭ تۋىلۋىنان ساقتانۋدى ەسكەرتتى.
5 - ايدىڭ 26 - كۇنى ساعات 9 دان 50 مينۋت وتكەندە، جياڭسۋ ولكەسى يۋانتۇڭ ساياحات جولاۋشى تاسىمال سەرىكتەستىگىنىڭ ساياحات اۆتوبۋسى (ولشەمدى ادام سانى 55 ادام، ءىس جۇزىندەگى ادام سانى 42 ادام) حۋبەي ولكەسى شياڭياڭ قالاسىنان شىننۇڭجيا كورىنىس رايونىنا كەتىپ بارا جاتقاندا، مەملەكەتتىك 209 - تاس جولدىڭ شيڭشان اۋدانىنداعى 2001 كيلومەترلىك بەلگىدەن 500 مەتر وتكەن ورىنداعى اينالمادا اۋدارىلىپ، 3 ادام جارالانعان. تەكسەرۋگە قاراعاندا، ءىس تۋىلعان كەزدە جاڭبىر جاۋىپ تۇرعان، شوفەر تايعاناق جولدا اۆتوبۋستى دۇرىس جۇرگىزبەگەندىكتەن، شىرعالاڭنىڭ تۋىلۋىنا تىكەلەي سەبەپشى بولعان. 42 جولاۋشىنىڭ بارلىعى حاۋىپسىزدىك بەلبەۋىن تاققاندىقتان، شىرعالاڭنان تۋىلاتىن زالالدى ءونىمدى تومەندەتكەن.
5 - ايدىڭ 10 - كۇنى ساعات 8 دەن 35 مينۋت وتكەندە، چيڭحاي ولكەسى حايدۇڭ قالاسى جينحۇڭ ساياحات تاسىمال شەكتى سەرىكتەستىگىنىڭ ساياحات اۆتوبۋسى (ولشەمدى ادام سانى 34 ادام، ءىس جۇزىندە وتىرعان ادام سانى 27 ادام) چاكا قالاشىعىنان چيڭحاي كولى كورىنىس رايونىنا قاراي جولعا شىعىپ، چيڭحاي كولى ساياحات ارناۋلى جەلىسىن بويلاپ، شياڭپيشان جول بولىگىنە بارعان كەزدە، جول تاعانىنان ءتۇسىپ اۋدارىلىپ، 3 ادام جارالانعان. تەكسەرۋگە قاراعاندا، ءىس تۋىلعان كەزدە قار جاۋىپ تۇرعان، شوفەر تايعاناق جولدا اۆتوموبيل قارقىنىن تومەندەتپەگەن، اۆتوموبيلدى ۇيلەسىمسىز جۇرگىزگەندىكتەن، شىرعالاڭنىڭ تۋىلۋىنا تىكەلەي سەبەپشى بولعان. 27 جولاۋشىنىڭ بارلىعى حاۋىپسىزدىك بەلبەۋىن تاققاندىقتان، شىرعالاڭنىڭ زالالىن ءونىمدى تومەندەتكەن.
5 - ايدىڭ 2 - كۇنى ساعات 16 دان 38 مينۋت وتكەندە، نيڭشيانىڭ جيڭيۋان اۋدانىنداعى حۇڭيۋان اۆتوموبيل تاسىمال شەكتى سەرىكتەستىگىنىڭ ساياحات اۆتوبۋسى (ولشەمدى ادام سانى 30 ادام، ءىس جۇزىندە 28 ادام وتىرعان) جيڭيۋان اۋدانى ليۋپانشان ورمان باقشاسىنىڭ ساياحات ارناۋلى جەلىسىن بويلاي ءجۇرىپ، كورىنىس رايونىنىڭ قاقپاسىنا 1.5 كيلومەتر قالعان جەردەن وڭعا بۇرىلىپ ەڭىسكە قاراي جۇرگەن كەزدە، سول جاقتاعى راچەتكاعا سوعىلعان، وسىدان سوڭ اۆتوبۋس مەڭگەرۋسىز كەتىپ اۋدارىلعان، اۆتوبۋستاعى 2 ادام جارالانعان. تەكسەرۋگە قاراعاندا، اۆتوبۋستىڭ تورموزى ولشەمگە تولماعان، شۇعىل بۇرىلمالى، ەڭىس جول بولىگىندە تورموزدان كىنارات بايقالعان، بۇل اۆتوموبيلدىڭ مەڭگەرۋسىز كەتىپ، شىرعالاڭعا ۇشىراۋىنىڭ تىكەلەي سەبەبى سانالادى. 28 جولاۋشىنىڭ بارلىعى حاۋىپسىزدىك بەلبەۋىن تاققاندىقتان، شىرعالاڭنىڭ زالالىن ءونىمدى تومەندەتكەن.
قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى مىنانى ەسكەرتەدى: جول مۇراتى — جەتۋ، حاۋىپسىزدىك بارىنەن ماڭىزدى. ساياحات جاعىندا جولاۋشى تاسىمالىمەن شۇعىلداناتىن كاسىپورىندار حاۋىپسىزدىككە ساياتىن نەگىزگى تۇلعالىق جاۋاپكەرشىلىكتى قاتاڭ ورىنداپ، ساياحاتشىلار مايعا العان اۆتوموبيلدەردىڭ جاعدايىنا ءسات سايىن قاتاڭ باقىلاۋ - باسقارۋ جۇرگىزۋى، اۆتوموبيلدى رەمونتتاۋدى، كۇتىمدەۋدى كۇشەيتۋى، اۆتوموبيل شوفەرلەرىنە حاۋىپسىزدىك جونىندە ءتالىم - تاربيەنى كۇشەيتۋى، جولاۋشى تاسىمالىنىڭ حاۋىپسىزدىگىنە كەپىلدىك ەتۋى كەرەك. جولاۋشى اۆتوموبيلدەرىنىڭ شوفەرلەرى تاس جولداعى قاتىناس حاۋىپسىزدىگىنە ساياتىن زاڭ - تۇزىمدەرگە قاتاڭ بويسۇنۋى، اۆتوموبيلدى زاڭ بويىنشا حاۋىپسىز، وركەنيەتتى جۇرگىزۋى، تاۋلى وڭىرلەردەگى، كورىنىس رايوندارىنداعى جولداردا، سونداي - اق، جاۋىن - شاشىن جاۋىپ، جول تايعاناق بولۋ سىندى جاعدايلارعا جولىققاندا، جول جاعدايىن باقىلاۋعا، اۆتوموبيل قارقىنىن باياۋلاتۋعا، اۆتوموبيلدى ابايلاپ جۇرگىزۋگە كوڭىل ءبولۋى كەرەك. ساياحات سەرىكتەستىكتەرى مايعا بەرۋگە تولىمدى ساياحات اۆتوموبيلدەرىن زاڭ - تۇزىمگە ساي مايعا بەرۋى، حاۋىپسىزدىك بەلبەۋىن تاعۋ توقتامىن اتقارۋدى قاتاڭداتۋى كەرەك. ساياحاتشىلارعا جول باستاۋشى قىزمەتكەرلەر حاۋىپسىزدىككە ساياتىن قىزمەتتىك جاۋاپكەرشىلىگىن زاڭ بويىنشا اتقارۋى، ساياحاتشىلارعا حاۋىپسىزدىك جونىندە جانە حاۋىپسىزدىك بەلبەۋىنەن پايدالانۋ جونىندە ەسكەرتۋ بەرۋدى كۇشەيتۋى كەرەك. ساياحاتشىلار اۆتوموبيلگە وتىرعان كەزدە، جول بويى بەلگىلەمەگە ساي حاۋىپسىزدىك بەلبەۋىن تاعۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
