”ەلەكتروندى تەمەكى“، ”ىتقىما ءتاتتى“ قاتارلىلارعا ۇقساتىلىپ جاسالعان جاڭا تيپتى ەسىرتكىلەردەن اباي بولىڭىز
2023.06.19 14:09 كەلۋ قاينارى : حالىق تورابى
حالىق تورابىنىڭ 6 - ايدىڭ 17 - كۇنى بەيجيڭنەن بەرگەن حابارى (گاۋ چيڭياڭ) ەسىرتكىگە تيىم سالۋ قىزمەتى مەملەكەتتىڭ حاۋىپسىزدىگىنە، ۇلتتىڭ كوركەيىپ - گۇلدەنۋىنە جانە حالىقتىڭ باقىتتى بولۋىنا ساياتىن ءىس. جۋىرداعى جىلداردان بەرى، ەلىمىزدىڭ ەسىرتكىنى جونگە سالۋ ونىمدىلىگى كورنەكتى بولدى، ەسىرتكى بۇيىمدارىنا ساياتىن زاڭعا قايشى قىلمىستىق ىستەردىڭ سانى ازايدى، ەسىرتكى تۇتىنۋشىلاردىڭ سانى ازايدى، ەسىرتكىنىڭ حاۋىپ - قاتەر دارەجەسى تومەندەدى، ەسىرتكىگە تيىم سالۋ كۇرەسىنىڭ جاعدايى ۇزدىكسىز جاقساردى، الايدا، ەلىمىزدىڭ ەسىرتكىگە تيىم سالۋ قىزمەتىنىڭ جاعدايى ءالى دە ءبىرشاما قاتاڭ ءارى كۇردەلى، جاڭا تيپتەگى ەسىرتكى ماسەلەسى تۋرالى الەۋمەتتىڭ نازار اۋدارۋى اسا قاجەت بولىپ وتىر.
كۇندەلىكتى بۇيىمدارعا، ۇساق - تۇيەك جەمەكتىكتەرگە ۇقساتىلىپ جاسالعان ەسىرتكىلەر سانى كوبەيۋدە
6 - ايدىڭ 16 - كۇنى، بەيجيڭ قالاسى باتىس قالا رايوندىق حالىق سوتى مەكەمەسى (تومەندە باتىس قالا سوت مەكەمەسى دەپ قىسقارتىلىپ الىنادى) ”جاڭا تيپتەگى ەسىرتكى بۇيىمدارىنا قاتىستى تيپتىك قىلمىستىق دەلولار“ اتتى اقپار جاريالاۋ ءماجىلىسىن اشتى، باتىس قالا رايوندىق سوت مەكەمەسىنىڭ پارتگرۋپپا مۇشەسى، ورىنباسار باستىعى ۋاڭ چيدىڭ تانىستىرۋىنشا، ءداستۇرلى ەسىرتكى بۇيىمدارىمەن سالىستىرعاندا، جاڭا تيپتەگى ەسىرتكى بۇيىمدارىنىڭ ءتۇرى كوپ، ولاردى جاساۋ ءبىرشاما وڭاي، باعاسى ءبىرشاما ارزان، ونىڭ قوعامعا جاسايتىن زالالىنان ايرىقشا ساق بولعان ءجون.
ۋاڭ چيدىڭ ايتۋىنشا، جۋىرداعى جىلداردان بەرى، جاڭا تيپتى ەسىرتكى بۇيىمدار تۇرمىستا ۇنەمى كەزدەسەتىن ۇساق - تۇيەك جەمەكتىك، سۋسىندىق قاتارلىلاردىڭ بەينەسىنە ۇقساتىلىپ جاسالاتىن بولدى، سىرتقى قورابى ادامدى وڭاي الجاستىرادى، مىسالى، ”باستى اينالدىراتىن تەمەكى“، ”ىتقىما ءتاتتى“ قاتارلىلار، تەمەكى، اراق، ءتاتتى، شاي قاتارلىلارعا ۇقساتىلىپ جاسالعان جاڭا تيپتەگى ەسىرتكىلەر بارعان سايىن كوبەيۋدە. بۇل تەكتەس ”الۋان ءتۇرلى“ زاتتارعا ۇقساتىلىپ جاسالعان ەسىرتكىلەر حالىق بۇقاراسىنىڭ ساقتىق تانىمىن تومەندەتەدى، قىلمىستىق ەلەمەنتتەر وسى ورايدان پايدالانىپ، سوققى بەرۋدەن جالتارۋ جانە باسقالاردى تۇتىنۋعا شىرعالاۋ قاتارلى زاڭسىز ماقساتتارىنا جەتەدى.
ەسىرتكى شەگۋشىلەردىڭ اراسىندا جاستاردىڭ، كامەلەتكە تولماعانداردىڭ سانى ارتۋدا
ۋاڭ چيدىڭ ايتۋىنشا، جۋىرداعى بەس جىلدان بەرى، باتىس قالا رايوندىق سوت مەكەمەسى تەرگەۋ جۇرگىزگەن ەسىرتكىگە قاتىستى قىلمىستىق دەلولاردىڭ ىشىندە، جاڭا تيپتەگى ەسىرتكىگە ساياتىن دەلولارداعى ادامداردىڭ جاس شاماسىن ءداستۇرلى ەسىرتكىگە قاتىستى دەلولارداعى ادامداردىڭ جاس شاماسىمەن سالىستىرعاندا، ورتا ەسەپپەن 13.5 جاس كىشى بولعان، ونىڭ ۇستىنە، جاڭا تيپتەگى ەسىرتكىگە قاتىستى قىلمىستىق دەلولارداعى ادامداردىڭ جاس شاماسى 2018 - جىلعى 34.8 جاستان 2022 - جىلعى 29.8 جاسقا تومەندەگەن.
بىر جاعىنان ايتقاندا، جاڭا تيپتەگى ەسىرتكىنى ءداستۇرلى ەسىرتكىمەن سالىستىرعاندا، ونىڭ باعاسى ارزان، الجاستىرۋ ەرەكشەلىگى اناعۇرلىم زور، جاستاردىڭ پارىقتاۋ قابىلەتى ءبىرشاما ءالسىز بولعاندىقتان، جاڭا تيپتەگى ەسىرتكىنىڭ شىرعاسىنا وڭاي تۇسەدى؛ ەندى ءبىر جاعىنان ايتقاندا، جاستاردىڭ ءبىر ءبولىمى شاراپحانا، كەشكى كلۋب قاتارلى كوڭىل اشۋ ورىندارىنا ۇنەمى بارادى، جاڭالىققا ىنتىعۋ، كوڭىل كوتەرمەك بولۋ جانە قىزىق كورۋ سەبەبىنەن دوستارىنىڭ ەلىكتىرۋىندە ”جاڭا نارسەنى تاتىپ كورۋدى“ قالايدى، ونىڭ ۇستىنە، جاستار ”ابىرويشىل“، ”نامىسشىل“ كەلەتىندىكتەن، جاڭا تيپتەگى ەسىرتكىگە وڭاي ”قۇمارتىپ قالامىن“ دەپ ويلامايدى، جاڭا تيپتەگى ەسىرتكىگە جۋىسقان سوڭ، ودان ىرگەنى اۋلاققا سالۋدىڭ قيىنعا تۇسەتىنىن بىلمەيدى، بۇل جاستاردىڭ دەنساۋلىعىنا وتە ناشار ىقپال جاسايدى.
قىزمەت بارىسىندا كۇشتى بىرىكتىرۋدى ارتتىرىپ، زات جولداۋ حاۋىپسىزدىگىن باقىلاۋ - باسقارۋدى كۇشەيتۋ كەرەك
ءداستۇرلى ەسىرتكىمەن سالىستىرعاندا، جاڭا تيپتەگى ەسىرتكى وڭاي الجاستىرادى، پارىقتاۋ قيىن. باتىس قالا رايوندىق سوت مەكەمەسى قىلمىستىق ىستەرگە قاتىستى تەرگەۋ جۇرگىزۋ سوتىنىڭ سۋدياسى جي مين مىناداي ۇسىنىس بەردى: اكىمشىلىك زاڭ اتقارۋ مەن قىلمىستىق ىستەر بويىنشا ءادىليالىق جاقتان تۇرگە ءبولىپ ءبىر جاقتى ەتۋ جانە تارتىپپەن ۇشتاستىرۋ قىزمەت مەحانيزمىن ۇزدىكسىز جاقسارتىپ، اكىمشىلىك جاقتان زاڭ اتقارۋ مەن قىلمىستىق ىستەر بويىنشا زاڭ اتقارۋدى ۇشتاستىرىپ، ءادىليا ورگاندارى مەن دەنساۋلىق ساقتاۋ - سالاماتتىق تاراۋلارى، ينتەرنەتتىك ينفورماتسيا تاراۋلارى، بازاردى باقىلاۋ - باسقارۋ تاراۋلارى قاتارلى تاراۋلاردىڭ كەڭەسۋ - سەلبەسۋ جانە ينفورماتسيادان بىرگە يگىلىكتەنۋ مەحانيزمىن كەمەلدەندىرىپ، كاسىپ سالاسىن باقىلاۋ - باسقارۋدى تىزە قوسا ىلگەرىلەتۋ كەرەك.
جي مين: ”سونىمەن بىرگە، زات اينالىمى جاعىنداعى زات جەتكىزۋ حاۋىپسىزدىگى ءتۇزىمىن تياناقتاندىرۋ كەرەك“ دەپ قارايدى، زات جەتكىزۋمەن شۇعىلداناتىن كاسىپورىنداردى جانە قىزمەتكەرلەردى ”شىن اتى بويىنشا قابىلداۋ - جولداۋ، قابىلداۋ - جولداۋدى باقىلاۋ، حاۋىپسىزدىگىن تەكسەرۋ ماشيناسىنان وتكىزۋ“ قاتارلى زات جەتكىزۋ حاۋىپسىزدىگى ءتۇزىمىن قاتاڭ اتقارۋعا قۋزاۋ، جەدەل جولدامانىڭ ەسىرتكىگە قاتىستى قىلمىستاردىڭ وتكەرمە بەكەتىنە اينالۋىنان ساقتانۋ كەرەك.
ۋاڭ چي مىنانى ءبىلدىردى: ”مۇلدە جول بەرمەۋ“ پوزيتسياسىن ساقتاپ، ”مۇلدە قاتەلىك جىبەرمەۋ“ ولشەمىندە تاباندى بولىپ، ”ارالىقسىز“ ارنالاردى ىركىلىسسىزدەندىرىپ، حالىق بۇقاراسىنىڭ ەسىرتكىنى، وتە - موتە، جاڭا تيپتەگى ەسىرتكىنى تانۋ، ودان ساقتانۋ، ودان باس تارتۋ تانىمىن جوعارىلاتىپ، بۇكىل قوعامدا ءتۇرلى ەسىرتكىلەرگە ىرىقتىلىقپەن تويتارىس بەرەتىن تاماشا اۋقىم قالىپتاستىرىپ، اناعۇرلىم جوعارى ورەدەگى تىنىش جۇڭگو، زاڭمەن باسقارىلاتىن جۇڭگو قۇرىلىسىنا پارمەندى ءادىليالىق كەپىلدىك ازىرلەۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
