شينجياڭنىڭ 2023 - جىلعى ادەتتەگى جوعارى مەكتەپ ەمتيحان ناتيجەسى 6 - ايدىڭ 24 - كۇنى ساعات 18دە جاريالانادى
2023.06.20 15:22 كەلۋ قاينارى : حالىق تورابى
شينجياڭ ۇيعۇر اۆتونوميالى رايونىنىڭ 2023 - جىلعى ادەتتەگى جوعارى مەكتەپ ەمتيحانىنىڭ ناتيجەسى 6 - ايدىڭ 24 - كۇنى ساعات 18دە جاريالانادى. سول كەزدە ەمتيحان تاپسىرعان وقۋشىلار شينجياڭ وقۋشى قابىلداۋ تورابىنا (www.xjzk.gov.cn) شىعىپ، ەمتيحان تاپسىرعان وقۋشىلاردىڭ ەمتيحان رۇقسات كۋالىك ءنومىرى مەن قۇپيا نومىرىنە نەگىزدەلىپ، ءوزىنىڭ جوعارى مەكتەپ ەمتيحان ناتيجەسى مەن قاتارىن كورە الادى.
جوعارى مەكتەپ ەمتيحان ناتيجەسى جاريالانعاننان كەيىن، ەمتيحان تاپسىرعان وقۋشىلار ەگەر ءوز ناتيجەسىنە ٴشۇبالانسا، 6 - ايدىڭ 25 - كۇنىنەن 6 - ايدىڭ 30 - كۇنىنە دەيىن، تىزىمدەلگەن ورتا مەكتەپتەن نەمەسە تىزىمدەلگەن جەردەگى وقۋ - اعارتۋ ەمتيحان قۇرىلىمىنان «2023 – جىلعى شينجياڭ ۇيعۇر اۆتونوميالى رايونىنىڭ ادەتتەگى جوعارى مەكتەپ ەمتيحان ناتيجەسىن قايتا تەكسەرۋ ءوتىنىش كەستەسىن» الۋدى ءوتىنىش ەتىپ، ءتارتىپ بويىنشا قايتا تەكسەرۋدى ءوتىنىش ەتۋىنە بولادى. قايتا تەكسەرۋ ناتيجەسىن تىزىمدەلگەن ورتا مەكتەپ نەمەسە تىزىمدەلگەن جەردەگى وقۋ - اعارتۋ ەمتيحان قۇرىلىمى ەمتيحان بەرۋشىلەرگە اڭىس ەتەدى.
شينجياڭ ۇيعۇر اۆتونوميالى رايوندىق وقۋ - اعارتۋ ەمتيحان مەكەمەسىنىڭ ەسكەرتپەسى: ەمتيحان بەرگەن قالىڭ وقۋشىلار مەن اتا - انالاردىڭ ەمتيحان بەرۋشىلەردىڭ ينفورماتسياسىن جاقسى ساقتاۋىن ٴۇمىت ەتەمىز، ەگەر قۇپيا ءنومىرىن ۇمىتىپ قالسا نەمەسە قۇپيا ءنومىرىن باسقالار وزگەرتسە، وندا تىزىمدەلگەن ورتا مەكتەپپەن نەمەسە تىزىمدەلگەن جەردەگى وقۋ - اعارتۋ ەمتيحان قۇرىلىمدارىمەن بايلانىس جاساپ، العاشقى قۇپيا سيفرعا اينالدىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
