شي جينپيڭ ا ق ش - تىڭ مەملەكەت ىستەر حاتشىسى بلينكەنمەن كەزدەستى

2023.06.20 16:54 كەلۋ قاينارى : حالىق تورابى

6 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە ا ق ش - تىڭ مەملەكەت ىستەر حاتشىسى بلينكەنمەن كەزدەستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　شينحۋا اگەنتتىگى، 6 - ايدىڭ 19 - كۇنى، بەيجيڭ (ءتىلشى ليۋ حۋا). 6 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە ا ق ش - تىڭ مەملەكەت ىستەر حاتشىسى بلينكەنمەن كەزدەستى.

　　شي جينپيڭ بىلاي دەپ دارىپتەدى: دۇنيە ءجۇزى دامۋدا، ءداۋىر وزگەرۋدە. دۇنيە ءجۇزى جالپى تۇلعالىق جاقتان ورنىقتى جۇڭگو - ا ق ش قارىم - قاتىناسىنا مۇقتاج، جۇڭگو، ا ق ش ەكى ەلدىڭ دۇرىس قارىم - قاتىناس جاساي الۋ - الماۋى ادامزاتتىڭ بولاشاعى مەن تاعدىرىنا سايادى. كەڭ جەر شارى جۇڭگو مەن ا ق ش - تىڭ وزىندىك دامۋىنا، بىرگە گۇلدەنىپ - كوركەيۋىنە بۇكىلدەي جەتكىلىكتى. جۇڭگو حالقى دا ا ق ش حالقى سياقتى، ءوزىن قۇرمەتتەيتىن، وزىنە سەنەتىن، ءوزىن الۋەتتەندىرەتىن حالىق، ەكەۋىندە دە تاماشا تۇرمىسقا تالپىنۋ ۇقىعى بار، ەكى ەل اراسىندا ءومىر ءسۇرىپ وتىرعان ورتاق مۇددەگە ءمان بەرۋ كەرەك، ءارقايسىسى ءوز تابىستارىنا قول جەتكىزسە ءوزارا حاۋىپ توندىرمەيدى، قايتا وراي جاراتادى. قازىر حالىقارالىق قوعام جۇڭگو - ا ق ش قاتىناسىنىڭ قازىرگى جاعدايىنان جاپپاي الاڭداپ وتىر، ەكى ەلدىڭ قاقتىعىسۋىن، قارسىلاسۋىن كورگىسى كەلمەيدى، جۇڭگو مەن ا ق ش - تىڭ اراسىندا مايدان تاڭداعىسى كەلمەيدى، جۇڭگو مەن ا ق ش - تىڭ بەيبىت قاتار تۇرۋىن، دوستىق سەلبەستىگىن ءۇمىت ەتەدى. ەكى ەل تاريحقا، حالىققا، دۇنيە جۇزىنە جاۋاپتى بولۋ پوزيتسياسىندا بولا وتىرىپ، جۇڭگو مەن ا ق ش - تىڭ قارىم - قاتىناسىن ويداعىداي ءبىر جاقتى ەتىپ، دۇنيە ءجۇزىنىڭ بەيبىتشىلىگى مەن دامۋىنا ۇلەس قوسىپ، بىلىقپالىق ارالاسقان دۇنيە جۇزىنە ورنىقتىلىق، تۇراقتىلىق، سىندارلىلىق ۇستەۋى كەرەك.

　　شي جينپيڭ بىلاي دەپ اتاپ كورسەتتى: ءىرى ەل باسەكەسى ءداۋىر اعىمىنا ۇيلەسپەيدى، ا ق ش - تىڭ ءوز ماسەلەسى مەن دۇنيە ءجۇزى ءدوپ كەلگەن سىن - سايىستى ءتىپتى دە شەشە المايدى. جۇڭگو ا ق ش - تىڭ مۇددەسىنە قۇرمەت ەتەدى، ا ق ش - تىڭ ورنىن باسپايدى. سول سياقتى، ا ق ش تا جۇڭگوعا قۇرمەت ەتۋى، جۇڭگونىڭ ورىندى ۇقىق - مۇددەسىنە زيان جەتكىزبەۋى كەرەك. ءارقانداي ءبىر جاقتىڭ ءوز تىلەگى بويىنشا قارسى جاقتى سومداۋىنا بولمايدى، قارسى جاقتى ورىندى دامۋ ۇقىعىنان ماحرۇم ەتۋىنە ءتىپتى دە بولمايدى. جۇڭگو جاق باستان - اياق جۇڭگو - ا ق ش قارىم - قاتىناسىنىڭ اقاۋسىز، ورنىقتى بولۋىن ءۇمىت ەتەدى، ەكى ءىرى ەلدىڭ بارلىق قيىندىقتى جەڭىپ، ءوزارا قۇرمەت ەتەتىن، بەيبىت قاتار تۇراتىن، سەلبەسىپ تەڭ يگىلىككە كەنەلەتىن دۇرىس قارىم - قاتىناس جولىن تابا الاتىنىنا سەنەمىن. ا ق ش جاقتىڭ ۇستامدى، ناقتى پوزيتسيا قولدانىپ، جۇڭگومەن بىرگە العا باسىپ، بىرگە قۇلشىنىپ، بايدەن زۇڭتۇڭمەن بالي ارالىندا كەزدەسكەندە كەلىسكەن ورتاق تانىمىمىزدا تاباندى بولىپ، قاتىستى بەلسەندى پوزيتسيالاردى ارەكەتتە تياناقتاندىرىپ، جۇڭگو - ا ق ش قارىم - قاتىناسىنىڭ ورنىقتى بولۋىنا، جاقسارۋىنا مۇمكىندىك جاساۋىن ءۇمىت ەتەمىن.

　　بلينكەن زۇڭتۇڭ بايدەننىڭ ءتوراعا شي جينپيڭگە جولداعان سالەمىن جەتكىزىپ، مىنالاردى ءبىلدىردى: بايدەن زۇڭتۇڭ ا ق ش - جۇڭگو ەكى ەلدىڭ ەكى جاقتى قارىم - قاتىناستى ويداعىداي باسقارۋ جاۋاپكەرلىگى جانە بورىشى بار ەكەنىنە سەنەدى، بۇل ا ق ش - تىڭ، جۇڭگونىڭ، ءتىپتى، دۇنيە ءجۇزىنىڭ مۇددەسىنە ۇيلەسەدى. ا ق ش ەكى ەل مەملەكەت باسشىلارىنىڭ بالي ارالىنداعى كەڭەسىندە بەلگىلەنگەن كۇن تارتىپتەردى قايتا تياناقتاندىرۋعا كۇش سالادى. ا ق ش جاق بايدەن زۇڭتۇڭنىڭ بەرگەن ۋادەسىنە بويسۇنىپ، ”جاڭا قىرعي قاباقتىق سوعىسقا“ ۇرىنبايدى، جۇڭگونىڭ ءتۇزىمىن وزگەرتۋگە ۇرىنبايدى، وداقتاستىق قارىم - قاتىناستى كۇشەيتۋ ارقىلى جۇڭگوعا قارسى تۇرۋعا ۇرىنبايدى، ”تايۋان تاۋەلسىزدىگىن“ قولدامايدى، جۇڭگومەن قاقتىعىسۋدى ءۇمىت ەتپەيدى، جۇڭگو جاقپەن جوعارى جىكتەگىلەردىڭ بارىس - كەلىسىن ورىستەتىپ، ىركىلىسسىز قارىم - قاتىناستى جالعاستىرىپ، الاۋىزدىقتاردى جاۋاپكەرلىكپەن باسقارىپ - تىزگىندەپ، تىلدەسۋ، اۋىس – كۇيىس جاساۋ جانە سەلبەستىك ورناتۋدى ءۇمىت ەتەدى.شي جينپيڭ بلينكەنگە زۇڭتۇڭ بايدەنگە سالەمىن جەتكىزۋدى تاپسىردى.

　　ۋاڭ ي، چين گاڭ قاتارلىلار كەزدەسۋدە بىرگە بولدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved