بۇگىن بايىنعولين وبلىسى، تۇرپان قالاسى، قۇمىل قالاسى سياقتى جەرلەردىڭ ءىشىنارا جەرلەرىندە تەمپەراتۋرا 40 سەلتسي گرادۋستان اسادى
2023.06.20 15:25 كەلۋ قاينارى : حالىق تورابى
6 - ايدىڭ 20 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، بۇگىن سولتۇستىك شينجياڭنىڭ باتىس بولىگى، تارباعاتاي ايماعىنىڭ سولتۇستىك بولىگى، التاي ايماعىنىڭ سولتۇستىك تاۋلى ءوڭىرى، تيانشان تاۋلى ءوڭىرى جانە سولتۇستىك بەتكەيى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، اقسۋ ايماعىنىڭ باتىس سولتۇستىك بولىگى، بايىنعولين موڭعۇل اۆتونوميالى وبلىسىنىڭ سولتۇستىك بولىگى، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىگىندەگى تاۋلى وڭىرلەر سياقتى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (تەڭىز دەڭگەيىنەن بيىك تاۋلى وڭىرلەردە قار جاۋادى)، تاۋلى وڭىرلەردىڭ ءىشىنارا جەرلەرىندە ورتاشا جانە قالىڭ جاڭبىر جاۋادى، ءىشىنارا جەرلەردە نوسەر جاۋادى، جوعارىدا ايتىلعان وڭىرلەردىڭ ءىشىنارا جەرلەرىندە قىسقا ۋاقىتتىق كۇشتى جاۋىن ـ شاشىن، بۇرشاق، ناجاعايلى بوران سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى. وڭتۇستىك شينجياڭ مەن شىعىس شينجياڭنىڭ باسىم كوپ وڭىرلەرىندە جانە تيانشاننىڭ سولتۇستىك بوكتەرىندەگى ءىشىنارا وڭىرلەردە 35 تە 37 سەلتسي گرادۋستىق جوعارى تەمپەراتۋرالى اۋا رايى بولادى، مۇنىڭ ىشىندە بايىنعولين وبلىسى، تۇرپان قالاسى، قۇمىل قالاسى سياقتى جەرلەردىڭ ءىشىنارا وڭىرلەرىندە 40 سەلتسي گرادۋستان اسادى.
ءۇرىمجى قالاسىندا كۇن بۇلتتى بولادى، ەڭ جوعارى تەمپەراتۋرا 33 سەلتسي گرادۋس، ەڭ تومەنگى تەمپەراتۋرا 23 سەلتسي گرادۋس بولادى، جەل كۇشى 3 بال. ساپارعا شىققاندا اۋا رايىنىڭ الدىن – الا بەرىلگەن ەڭ جاڭا ينفورماتسياسىنا نازار اۋدارۋ كەرەك.
الداعى 3 كۇندە سولتۇستىك شينجياڭنىڭ باتىس بولىگىندەگى، تيانشان تاۋلى ٴوڭىرى جانە ونىڭ ەكى جاعىنداعى، وڭتۇستىك شينجياڭنىڭ باتىس بولىگىندەگى ءىشىنارا جەرلەردە قىسقا ۋاقىتتىق قاتتى جاۋىن - شاشىن، بۇرشاق، ناجاعايلى بوران سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور، تاۋلى وڭىرلەردىڭ ءىشىنارا جەرلەرىندەگى قاردىڭ ەرۋىنەن جانە ارالاس تاسقىننان ساقتانۋ ءارى ءىشىنارا جەرلەردەگى تاۋ تاسقىنى جانە جەر كوشكىنى، لاي تاسقىنى سياقتى گەولوگيالىق اپاتتاردان ساقتانۋدى كۇشەيتۋ كەرەك. رايونىمىزدىڭ باسىم كوپ ساندى جەرىندە جوعارى تەمپەراتۋرالى اۋا رايى بولادى، ءورت قاتەرى اۋا رايى دارەجەسى جوعارى بولادى، ىستىقتان ساقتانۋ، تەمپەراتۋرانى تومەندەتۋ جانە وتتان حاۋىپسىز پايدالانۋعا كوڭىل ءبولۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
