زاڭسىز قوعامدىق ۇيىمدارعا قاتاڭ سوققى بەرۋ، قاتاڭ جازالاۋ جونىندە بۇكىل ەل كولەمىندە جارىم جىلدىق ارناۋلى ارەكەت ورىستەتىلەدى
2023.06.21 15:30 كەلۋ قاينارى : حالىق تورابى
كەشە، حالىق ىستەرى مينيسترلىگى قاتىستى تاراۋلارمەن بىرگە زاڭسىز قوعامدىق ۇيىمدارعا سوققى بەرۋ، جونگە سالۋ جونىندە تەلەۆيزور – تەلەفون ءماجىلىسىن اشىپ، جەر - جەردى، قاتىستى تاراۋلاردى جاپپاي اتتانىسقا كەلتىرىپ، اناعۇرلىم باعىتتامالى، اناعۇرلىم پارمەندى شارالار ارقىلى 2023 – جىلى 6 – ايدىڭ ورتا شەنىنەن 12 – ايدىڭ ورتا شەنىنە دەيىن، جارىم جىلعا جالعاسقان زاڭسىز قوعامدىق ۇيىمدارعا سوققى بەرۋ، جونگە سالۋ ارناۋلى قيمىلىن ورىستەتىپ، قوعامدىق ۇيىمدار سالاسىنداعى اۋىر حاۋىپ - قاتەردەن بار كۇشپەن ساقتانادى جانە ونى جويادى.
ءماجىلىس مىنالاردى اتاپ كورسەتتى: سوڭعى جىلدارى جەر ـ جەر، قاتىستى تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، كۇندەلىكتى باقىلاۋ ـ باسقارۋ مەن ارناۋلى رەتتەۋ ـ وڭاۋدى ۇشتاستىرۋعا تاباندى بولىپ، ۇدايىلانعان سوققى بەرۋ، جونگە سالۋ مەحانيزمىن اقاۋسىزداندىرىپ، سوققى بەرۋ، جونگە سالۋ ونىمدىلىگىن ۇزدىكسىز تەرەڭدەتىپ، زاڭسىز قوعامدىق ۇيىمداردىڭ ارەكەتىندەگى بىلىقپالىقتاردى بەلگىلى دارەجەدە تەجەدى. ”قىلت ەتكەنىن قيداي سىپىرۋ“ جاعدايى العاشقى ادىمدا قالىپتاستى. الايدا سونىمەن بىرگە، سوققى بەرۋ، جونگە سالۋ قىزمەتىنىڭ شارپيتىن كولەمى كەڭ، قوعامنىڭ نازار اۋدارۋ دەڭگەيى جوعارى بولىپ، ءالى دە كۇردەلى جاعدايعا ءدوپ كەلىپ وتىر، كەيبىر ۇزاق ۋاقىتتان بەرى ورىن تەۋىپ كەلە جاتقان كونە ماسەلەلەر مەن جاڭا جاعدايدا جارىققا شىققان جاڭا جاعدايلار ءوزارا قاباتتاسىپ، كەيبىر زاڭسىز قوعامدىق ۇيىمدار ءتاسىلىن وزگەرتىپ قيمىل ورىستەتىپ، قالىپتى قوعامدىق، ەكونوميكالىق ءتارتىپتى بىلىقتىرىپ، حالىق بۇقاراسىنىڭ ءتول مۇددەسىنە زيان جەتكىزدى، وسكەلەڭ ءمان بەرىپ، ءتۇرلى زاڭسىز قوعامدىق ۇيىمدارعا قاتاڭ سوققى بەرۋ، قاتاڭ جازالاۋ، ولاردىڭ قايتا باس كوتەرۋىنەن، وربۋىنەن باتىل ساقتانۋ كەرەك.
ءماجىلىس مىنالاردى ايقىندادى: زاڭسىز قوعامدىق ۇيىمدارعا سوققى بەرۋدە، جونگە سالۋدا، ءسوز جوق، جۇيەلى جونگە سالۋعا، كەشەندى شارا قولدانۋعا تاباندى بولۋ كەرەك. جەر ـ جەر، قاتىستى تاراۋلار ”ءبىرتۇتاس جۇيە“ يدەياسىن بەرىك ورناتىپ، ءار كىم ءوز مىندەتىن اتقارىپ، ءوزارا سەلبەسىپ، زاڭسىز قوعامدىق ۇيىمدارعا سوققى بەرۋدىڭ، جونگە سالۋدىڭ قۋاتتى بىرىككەن كۇشىن قالىپتاستىرۋ كەرەك. ءبىرىنشى، حابار توپتاۋ، زەرتتەپ تۇجىرىمداۋدى جاقسى ىستەپ، ءجىپ ۇشتارىنىڭ دالدىگىنە كەپىلدىك ەتىپ، ءوز رايونى، ءوز سالاسىنىڭ ٴىس جۇزىندىك احۋالىنا نەگىزدەلىپ، ءجىپ ۇشىن تەكسەرۋ جانە اقپار جيناۋدى كۇشەيتۋ كەرەك؛ ەكىنشى، بىرلەسىپ وڭاۋ شارالارىن كۇشەيتىپ، تاراۋلار زاڭسىز قوعامدىق ۇيىمداردى ءبىر جاقتى ەتۋ تەبىنىن كۇشەيتىپ، ولاردىڭ قيمىل ورتاسىن كىشىرەيتۋى، تەجەۋى، كۇشتى سوققى بەرۋدىڭ بىرىككەن كۇشىن قالىپتاستىرۋى كەرەك؛ ءۇشىنىشى، زاڭعا قايشى ارەكەتتەرگە قاتاڭ سوققى بەرىپ، زاڭعا قايشىلىق جاساۋدىڭ وزىندىك قۇنىن ونان ارى جوعارىلاتىپ، سەسكەندىرۋ اسەرىن بارىنشا جوعارىلاتۋ كەرەك: ءتورتىنشى، ءار جاقتىڭ جاۋاپكەرشىلىگىن قاتايتىپ، زاڭسىز قوعامدىق ۇيىمداردىڭ "قورەكتىك" قاينارىن ءۇزىپ، زاڭسىز قوعامدىق ۇيىمداردىڭ ءوسىپ - ونەتىن توپىراعىن ونان ارى الاستاۋ كەرەك؛ بەسىنشى، قىزمەت مەحانيزمىن اقاۋسىزداندىرىپ، نەگىزگى ساتىنىڭ نەگىزىن بەكەمدەپ، ينفورماتسيادان ورتاق يگىلىكتەنۋدى، زاڭ اتقارۋدىڭ ىقپالداستىعىن كۇشەيتىپ، سوققى بەرۋ، جونگە سالۋ قىزمەتىن پارمەندى ۇيىمدىق كەپىلمەن قامداۋ كەرەك.
ءماجىلىس مىنالاردى باسا دارىپتەدى: جەر ـ جەر، قاتىستى تاراۋلار دەن قويا ۇيىمداستىرىپ، ەگجەي ـ تەگجەيلى ورنالاستىرىپ، ۇيىمدىق باسشىلىقتى كۇشەيتۋ، زاڭمەن جونگە سالۋ وي جەلىسىنەن پايدالانۋ، زاڭ اتقارۋدى قامتاماسىز ەتۋدى كۇشەيتۋ، ۇگىت، قوعامدىق پىكىر جەتەكشىلىگىن ويداعىداي ىستەۋ سياقتى تاسىلدەر ارقىلى وسى رەتكى ارناۋلى ارەكەتتە تىڭعىلىقتى ناتيجەگە قول جەتكىزۋگە شىنايى كەپىلدىك ەتۋ، زاڭسىز قوعامدىق ۇيىمدارعا سوققى بەرۋ، جونگە سالۋ قىزمەتىن ۇزدىكسىز تەرەڭدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
