شۇي ميڭعا ءبىرىنشى سوتتا ۇكىم شىعاردى!
2023.06.21 15:43 كەلۋ قاينارى : حالىق تورابى
2023 – جىلى 6 – ايدىڭ 20 – كۇنى، فۋجيان ولكەسى شيامىن قالالىق ورتا دارەجەلى حالىق سوت مەكەمەسى بۇرىنعى مەملەكەتتىك استىق مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى شۇي ميڭنىڭ پارا الۋ، ىقپال كۇشىنەن پايدالانىپ پارا الۋ دەلوسىنا اشىق سوت اشىپ ۇكىم شىعاردى، ايىپكەر شۇي ميڭگە پارا الۋ قىلمىسى بويىنشا 14 جىلدىق مەرزىمدى قاماق جازاسى بەرىلدى، وعان قوسا 4 ميلليون يۋان اقشالاي ايىپ سالدى، ىقپال كۇشىنەن پايدالانىپ پارا الۋ قىلمىسى بويىنشا 2 جىلدىق مەرزىمدى قاماق جازاسى بەرىلدى، وعان قوسا 100 مىڭ يۋان اقشالاي ايىپ سالدى، سونىمەن 15 جىلدىق مەرزىمدى قاماق جازاسى، وعان قوسا 4 ميلليون 100 مىڭ يۋان اقشالاي ايىپ سالۋدى تۇراقتاندىردى؛ شۇي ميڭنىڭ تەكسەرىپ پەشەتتەلگەن، ۇستاپ قالىنعان، مۇزداتىلعان پارا الۋ مەن ىقپالىنان پايدالانىپ پارا الۋ دەلوسىنا ساياتىن بارلىق مال - مۇلكىن زاڭ بويىنشا قايتارىپ الىپ، مەملەكەت قازىناسىنا تاپسىرادى.
قاراۋ ارقىلى مىنالار انىقتالدى: 1995 – جىلدان 2021 – جىلعا دەيىن ايىپكەر شۇي ميڭ بۇرىنعى مەملەكەتتىك ەكونوميكا - ساۋدا كوميتەتى سىرتقى ەكونوميكا - ساۋدا مەڭگەرمەسى شەتەل ساۋداگەرلەرى قارجى قوسۋ باسقارماسىنىڭ باستىعى، سىرتقى ەكونوميكانى سايكەستىرۋ مەڭگەرمەسى شەتەل قارجىسىمەن قۇرىلعان كاسىپورىندار باسقارماسىنىڭ باستىعى، سىرتقى ەكونوميكانى سايكەستىرۋ مەڭگەرمەسىنىڭ ورىنباسار باستىعى، ساۋدا مينيسترلىگى بازار جۇيەسى قۇرىلىسى مەڭگەرمەسىنىڭ ورىنباسار باستىعى، باستىعى، ۋنيۆەرسال مەڭگەرمەسىنىڭ باستىعى، چۇڭچيڭ قالالىق پارتكومنىڭ ورىنباسار باس حاتشىسى، قالالىق پارتكومنىڭ تۇراقتى مۇشەسى، باس حاتشىسى، بۇرىنعى مەملەكەتتىك استىق مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى قاتارلى مىندەتتەردى وتەگەن كەزىندە قىزمەت قولايلىلىعىنان پايدالانىپ، سونداي - اق قىزمەت ۇقىعى مەن ورنى قالىپتاستىرعان قولايلى شارت – جاعدايلاردان پايدالانىپ ورىندار مەن جەكەلەردىڭ نىساندى كوتەرمەگە الۋى، تيجاراتىن تەكسەرىپ بەكىتۋى، دەلو ءبىر جاقتى ەتۋ جانە كادرلاردى رەتتەۋ سياقتى ىستەردە كومەك كورسەتىپ، زاڭسىز قابىلداعان مال - مۇلىك جيىنى 51 ميلليون 200 مىڭ يۋان بولىپ، مۇنىڭ ىشىندە 8 ميلليون 900 مىڭ يۋاندى دەلو تۋىلعانعا دەيىن ءىس جۇزىندە قولىنا الا الماعان؛ 2021 – جىلى، شۇي ميڭ مىندەتىنەن بوساعاننان كەيىن، كەزىندەگى چۇڭچيڭ قالالىق پارتكومنىڭ تۇراقتى مۇشەسى، باس حاتشى سياقتى قىزمەت ۇقىعىنان پايدالانىپ، ورنى قالىپتاستىرعان قولايلى شارت - جاعدايدان پايدالانىپ، باسقا دا مەملەكەت قىزمەتكەرلەرىنىڭ قىزمەت مىندەتى جاعىنداعى ارەكەتتەرى ارقىلى باسقالاردىڭ دەلو جونىندەگى ارىز - شاعىمىنا كومەك كورسەتىپ، ءبىر ميلليون 200 مىڭ يۋان اقشا العان. شيامىن قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر شۇي ميڭنىڭ ارەكەتى پارا الۋ قىلمىسى مەن ىقپال كۇشىنەن پايدالانىپ پارا الۋ قىلمىسىن قالىپتاستىرادى، پارا الۋ سوماسى ەرەكشە كوپ، ىقپال كۇشىنەن پايدالانىپ العان پارا سوماسى ەرەكشە كوپ. شۇي ميڭنىڭ ءىشىنارا پارا الۋ ارەكەتىنىڭ جۇزەگە اسپاۋىنا، ىقپالىنان پايدالانىپ پارا الۋ جونىندە ءوزىن مالىمدەگەندىكتەن، دەلو تۋىلعاننان كەيىن باقىلاۋ - تەكسەرۋ ورگانى ءالى يگەرمەگەن كوپ ساندى پارا الۋ فاكتىلەرىن ىرىقتىلىقپەن تاپسىرىپ، قىلمىسىن تانىپ، رايىنان قايتقاندىقتان، ارام ولجانى بەلسەنە قايتارعاندىقتان، قىلمىس ارقىلى تاپقان تابىسى مەن ءوسىمىن تۇگەلدەي قايتارعاندىقتان، ونىڭ پارا الۋ قىلمىسىن جەڭىل جازالاۋعا بولادى، مۇندا ونىڭ ىقپالىنان پايدالانىپ پارا الۋ قىلمىسىن جەڭىلدەتۋگە بولادى. سوندىقتان سوت جوعارىداعى ۇكىمدى شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
