زاقىمدالىپ قالۋدان اۋلاق بولۋ ءۇشىن، بالاعا جولدان جۇگىرىپ وتپەۋدى ۇيرەتىڭىز
2023.06.25 16:19 كەلۋ قاينارى : حالىق تورابى
اڭعالدىق، قاعىلەزدىك، تىنىمسىزدىق — بالانىڭ تۋما قاسيەتى. الايدا، بالانىڭ ۇلكەن ميى، دەنەسى ءالى تولىق جەتىلىپ بولمايتىندىقتان، ولاردىڭ حاۋىپ - قاتەردى پارىقتاۋ، الدىن الا تۇجىرىمداۋ قابىلەتىن، شۇعىل جاعدايعا جولىققاندا ءوزىن قورعاۋ قابىلەتىن ەرەسەكتەرمەن سالىستىرۋعا كەلمەيدى. سوندىقتان، تاس جولداعى قاتىناس بارىسىندا ۇقساس جاعدايعا جولىققاندا، بالا ويلاماعان جاعدايعا وڭاي ۇشىرايدى نەمەسە زاقىمدالىپ قالادى.
جازدىق دەمالىس مەزگىلى تاياپ قالدى، بالالاردىڭ سىرتتا وينايتىن ۋاقىتى كوبەيەدى. اتا - انالارعا بالا سىرتتا ويناعان كەزدە، ءسوزسىز، جولدان الباتى جۇگىرىپ وتپەۋدى قاداعالاي ايتۋعا نازار اۋدارۋدى ەسكەرتەمىز.
بىرىنشىدەن، اتا - انا بالانى كوزىنەن تاسا ەتپەگەنى ءجون
اتا - انالار قىزمەت ىستەۋ، ۋاقىتتىق جۇمىسى شىعۋ، باسقالارمەن اڭگىمەلەسۋ قاتارلى سەبەپتەرمەن كەيدە بالاعا قاراۋدى ۇمىت قالدىرسا، بالانىڭ جولعا شىعىپ ويناۋ، دۇكەن الدىندا كيمەلەپ جۇگىرۋ، اياق استىنان جولعا جۇگىرىپ شىعۋ جاعدايى وڭاي تۋىلادى، وسىنداي ساتتە كۇتپەگەن جاعداي تۋىلۋى ىقتيمال. سوندىقتان، سىرتقا شىققان كەزدە، اتا - انالار بالانى كوزىنەن تاسا ەتپەگەنى ءجون، بالانىڭ جالعىز ءوزىنىڭ سىرتتا جۇرۋىنە ءتىپتى بولمايدى.
ەكىنشىدەن، جولدا اسىر سالىپ ويناعاننان اۋلاق بولۋ
اتا - انالار بالاعا جولدا ويناماۋدى ەسكەرتكەنى ءجون. بالا سىرتتا ويناعان كەزدە، جۇرگىنشىلەر جولىندا ءبىرىن - ءبىرى قۋالاپ ويناماعانى ءجون، ويتپەگەندە، ءوزىن توقتاتا الماي تاس جولعا شىعىپ كەتىپ، اۆتوموبيلگە سوعىلىپ قالۋى ىقتيمال. جولدان وتكەن كەزدە دە جاعدايدى الدىن الا باقىلاعانى، جولدان جۇگىرىپ وتپەگەنى ابزال.
ۇشىنشىدەن، اۆتوموبيل توقتاتۋ ورنىنان الىس جۇرگەنى ءجون
اتا - انالار بالالارعا توقتاپ تۇرعان اۆتوموبيلدەن الىس ءجۇرۋدى ەسكەرتكەنى ءجون. شوفەر اۆتوموبيلدىڭ جۇرگىزۋ ورنىندا وتىرعان كەزدە، كورۋ اياسى توسالعىعا ۇشىرايتىندىقتان، كورۋ اياسىندا قالتارىس اۋماق قالىپتاسادى.
بالانىڭ بويى الاسا كەلەدى، ونىڭ ۇستىنە جول بويىندا ويناعان كەزدە جۇرەلەپ وتىرۋى، جەر باۋىرلاپ جاتۋى مۇمكىن، ەگەر قالتارىس اۋماقتا بولسا، شوفەردىڭ كورمەي قالۋى ىقتيمال، وسىنىڭ سالدارىنان قاسىرەتتى جاعداي تۋىلۋى مۇمكىن.
ءتورتىنشى، اۆتوبۋسقا شىعىپ - تۇسكەندە الباتى جۇگىرمەگەن ءجون
اۆتوبۋس بەكەتى قالتارىس اۋماققا ساياتىن شىرعالاڭ ەڭ وڭاي تۋىلاتىن جەرلەردىڭ ءبىرى، بەكەتتىڭ الدى - ارتىندا اۆتوموبيل مەن ادام كوپ بولادى، بەكەت تاقتاسى شوفەردىڭ كورۋ اياسىن توسىپ قالۋى مۇمكىن، وسىنداي ساتتە بەكەتتەگى ادام توساتتان جۇگىرىپ شىقسا وتە حاۋىپتى.
سوندىقتان، اتا - انالار بالالارعا اۆتوبۋسقا شىعىپ - تۇسكەندە الدىمەن بەكەتتىڭ الدى - ارتىنداعى جاعدايدى باقىلاپ كورىپ، ودان سوڭ جۇرگەنى ابزال ەكەنى؛ اۆتوبۋس بەكەتىندە اۆتوبۋس كۇتىپ تۇرعان كەزدە، ءبىرىن - ءبىرى قۋالاپ، اسىر سالۋعا بولمايتىنى جونىندە تاربيە بەرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
