قوعام حاۋىپسىزدىگى مينيسترلىگى ەسىرتكىگە قاتىستى ەڭ جاڭا حابارلاندىرۋ شىعاردى
2023.06.21 16:46 كەلۋ قاينارى : حالىق تورابى
6 - ايدىڭ 21 - كۇنى، قوعام حاۋىپسىزدىگى مينيسترلىگى اقپار جاريالاۋ ءماجىلىسىن اشىپ، پارتيا 18 - قۇرىلتايىنان بەرى بۇكىل ەلىمىزدەگى قوعام حاۋىپسىزدىگى تاراۋلارىنىڭ ەسىرتكىگە تيىم سالۋدىڭ حالىقتىق شايقاسىن كۇش سالا ىلگەرىلەتىپ، جاڭا داۋىردەگى ەسىرتكىگە تيىم سالۋ قىزمەتىندە قول جەتكىزگەن جاڭا ونىمدىلىكتەرى مەن تىڭ ناتيجەلەرى جونىندە حابارلاندىرۋ جاريالادى.
10 جىلدان بەرى، ەلىمىز بويىنشا قولعا تۇسىرگەن ەسىرتكى بۇيىمدارى 651.9 توننا، ەلىمىز بويىنشا قازىر بار ەسىرتكى تۇتىنۋشىلاردىڭ سانى ەڭ جوعارى شەكتەگى كەزدەگىمەن سالىستىرعاندا %56 تومەندەدى
مەملەكەتتىك ەسىرتكىگە تيىم سالۋ كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى، قوعام حاۋىپسىزدىگى مينيسترلىگى ەسىرتكىگە تيىم سالۋ مەكەمەسىنىڭ باستىعى ۋەي شياۋجۇننىڭ تانىستىرۋىنشا، 2013 - جىلدان 2022 - جىلعا دەيىنگى ارالىقتا، ەلىمىز بويىنشا ەسىرتكىگە قاتىستى قىلمىستىق دەلولاردان جيىنى ءبىر ميلليون 70 مىڭ دەلو انىقتالعان، ەسىرتكىگە قاتىستى قىلمىس كۇماندىلارىنان جيىنى ءبىر ميلليون 280 مىڭ ادامدى تۇتقىنداپ، 651.9 توننا ەسىرتكىنى قولعا تۇسىرگەن.
ءتىلشىنىڭ ۇعىسۋىنشا، 10 جىلدان بەرى، ەلىمىز بويىنشا قاتىستى تاراۋلار ەسىرتكى تۇتىنۋشىلاردان جيىنى 6 ميلليون 790 مىڭ ادامدى (رەت) انىقتاپ قولعا تۇسىرگەن، 2 ميلليون 433 مىڭ ادامدى (رەت) ءماجبۇرلى اۋاشالاۋ ارقىلى ەسىرتكىدەن تيۋدى ماقۇلداعان، 2 ميلليون 174 مىڭ ادامدى (رەت) الەۋمەتتىك اۋماقتارداعى ەسىرتكىدەن تيىلۋ ورىندارىندا ەسىرتكىدەن ايىعۋعا بۇيىرعان. 2022 - جىلدىڭ سوڭىنا دەيىن، ەلىمىز بويىنشا ەسىرتكىدەن تيىلعان ءۇش جىل ىشىندە قايتادان ەسىرتكى تۇتىنباعان ادامداردىڭ سانى 3 ميلليون 790 مىڭ ادام بولىپ، 2012 - جىلداعىنىڭ 5 ەسەسىندەي بولعان؛ ەلىمىز بويىنشا قازىر بار ەسىرتكى تۇتىناتىنداردىڭ سانى ءبىر ميلليون 124 مىڭ ادام بولىپ، ءبىرشاما جوعارى شەكتەگى مەزگىلدەگىمەن سالىستىرعاندا %56 تومەندەگەن.
10 جىلدان بەرى ەلىمىز بويىنشا ەسىرتكى جاساۋعا پايدالاناتىن زاتتاردان 32 مىڭ 700 توننا زات قولعا تۇسىرىلگەن
ەلىمىزدە ەسىرتكى وڭاي جاسالاتىن حيميالىق زاتتار قاتارىنا قوسىلعان زاتتاردىڭ سانى 38 زاتقا جەتىپ، بىرلەسكەن مەملەكەتتەر ۇيىمى بەلگىلەگەن تەجەلەتىن زاتتاردان 14 ءتۇرلى زات ارتىق بولعان. 10 جىلدان بەرى، ەلىمىز بويىنشا ەسىرتكى جاساۋعا پايدالاناتىن زاتتاردان 32 مىڭ 700 توننا زات قولعا تۇسىرىلگەن. ەسىرتكى جاساۋعا پايدالاناتىن زاتتاردىڭ جوعالۋى كورنەكتى ازايعان، 2022 - جىلى ەلىمىز بويىنشا ەسىرتكى جاساۋعا پايدالاناتىن زاتتاردان 660.2 توننا زات قولعا تۇسىرىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
