ەلىمىز زاڭ جاساۋ ارقىلى استىق حاۋىپسىزدىگىنە كەپىلدىك ەتەدى
2023.06.27 15:07 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ ليبين 6 - ايدىڭ 26 - كۇنى بەيجيڭنەن حابارلايدى. استىقپەن ءونىمدى قامداۋدى قامتاماسىزداندىرۋ، مەملەكەتتىڭ استىق حاۋىپسىزدىگىنە كەپىلدىك ەتۋ، استىق حاۋىپسىزدىگىنە ساياتىن حاۋىپ - قاتەرلەردەن ساقتانۋ جانە توتەپ بەرۋ قۋاتىن جوعارىلاتۋ، ەكونوميكا مەن قوعام ورنىقتىلىعىن قورعاۋ، مەملەكەتتىڭ حاۋىپسىزدىگىن قورعاۋ ءۇشىن، استىق حاۋىپسىزدىگىن قامتاماسىزداندىرۋ زاڭىنىڭ جوبا نۇسقاسى 6 - ايدىڭ 26 - كۇنى 14 - كەزەكتى مەملەكەتتىك حالىق قۇرىلتايى تۇراقتى كوميتەتى ءۇشىنشى ءماجىلىسىنىڭ قاراۋىنا ۇسىنىلدى. بۇل اتالعان زاڭ جوباسىنىڭ تۇڭعىش رەت حالىق قۇرىلتايى تۇراقتى كوميتەتىنىڭ قاراۋىنا ۇسىنىلۋى.
زاڭ جوباسى جيىنى 11 تاراۋ 69 تارماقتان قۇرالىپ، مىناداي مازمۇندار قامتىلادى: جالپى ەرەجە، ەگىستىك جەردى قورعاۋ، استىق ءوندىرىسى، زاپاس استىق ساقتاۋ، استىق اينالىمى، استىقتى مانەرلەۋ، استىققا ساياتىن شۇعىل جاعدايلارعا توتەپ بەرۋ، استىقتى ۇنەمدەۋ، باقىلاۋ - باسقارۋ، زاڭدىق جاۋاپكەرشىلىك جانە قوسىمشا ەرەجە.
ءتىلشىنىڭ وسى رەتكى حالىق قۇرىلتايى تۇراقتى كوميتەتى ماجىلىسىنەن ۇعىسۋىنشا، قازىر ەلىمىزدە استىق حاۋىپسىزدىگىنىڭ جاعدايى جالپى تۇلعالىق جاقتان ءبىرشاما جاقسى، استىقتان جىل سايىن مول ءونىم الىنۋدا، قامباداعى مولشەرى جەتكىلىكتى، بازاردى تولىق قامداۋدا. سونىمەن بىرگە، ەلىمىزدە استىققا بولعان قاجەتسىنۋ تۇراقتى ارتۋدا، استىق حاۋىپسىزدىگى جاعىندا ەگىستىك جەردىڭ جالپى مولشەرى از بولۋ، ساپاسى جالپى جاقتان جوعارى بولماۋ، استىق ءوندىرىسىن ورنىقتىرۋدىڭ، ءونىمدى ارتتىرۋدىڭ قيىندىق دارەجەسى ارتۋ، استىقتى ساقتاۋ ءتۇزىلىسى مەحانيزمىن كەمەلدەندىرۋگە تۋرا كەلۋ، اينالىم جۇيەسىن كەمەلدەندىرۋگە تۋرا كەلۋ، مانەرلەۋ قۋاتىن جوعارىلاتۋعا تۋرا كەلۋ، شۇعىل جاعدايدا قامتاماسىزداندىرۋ قۋاتىن كۇشەيتۋگە تۋرا كەلۋ، ۇنەمدەۋ مەن زياندى ازايتۋدى جۇيەگە تۇسىرۋگە تۋرا كەلۋ قاتارلى كوپتەگەن ماسەلەلەر مەن سىناقتارعا ءدوپ كەلۋدە. استىق حاۋىپسىزدىگىن قامتاماسىزداندىرۋ زاڭىن جاساۋ جوعارىداعى ماسەلەلەردى شەشىم ەتۋدى ىلگەرىلەتۋدە كەلەلى ماڭىزعا يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
