تەزىرەك تەكسەرىڭىز، ەسەپ نومىرىڭىزدە وزگەرىس بولدى! كەيبىرەۋلەردىڭ اقشاسى 10000 يۋاننان استام ارتقان
2023.07.03 15:40 كەلۋ قاينارى : حالىق تورابى
الەۋمەتتىك جيناق قور ەسەپ نومىرىڭىزگە اقشا قوسىلدى ما؟ ەگەر قوسىلعان بولسا، قۇتتىقتايمىز، الەۋمەتتىك جيناق قوردىڭ جىلدىق ءوسىمى ەسەپ نومىرىڭىزگە سالىندى!
وسى ءبىر - ەكى كۇننەن بەرى كوپتەگەن توراپتاستار وزدەرىنىڭ ەسەپ نومىرىنە اقشا قوسىلعانى جونىندەگى ەستەلىكتى دوستار شەڭبەرىنە شىعاردى.
توراپتاستاردىڭ كەيبىرەۋى 14000 يۋاننان استام ءوسىم سوماسىنا يە بولعانىن ايتتى.
«تۇرعىن ءۇي الەۋمەتتىك جيناق قورىن باسقارۋ ەرەجەسىندەگى» بەلگىلەمەگە ساي، تۇرعىن ءۇي جيناق قورى جۇمىسشى - قىزمەتكەرلەردىڭ تۇرعىن ءۇي جيناق قورى ەسەپ نومىرىنە سالىنعان كۇننەن باستاپ، وعان مەملەكەتتىڭ بەلگىلەگەن ءوسىم مولشەرى بويىنشا ءوسىم ەسەپتەلەدى.
مۇنان سىرت، حالىق بانكەسىنىڭ قاتىستى بەلگىلەمەلەرىنە ساي، جيناق قوردىڭ ءوسىمىن بەرۋ ۋاقىتى ءار جىلى 6 - ايدىڭ 30 - كۇنى بولادى، ءوسىم ەسەپتەۋ مەرزىمى وتكەن جىلعى 7 - ايدىڭ 1 - كۇنىنەن باستالىپ، سول جىلعى 6 - ايدىڭ 30 - كۇنىنە دەيىن بولادى. ءوسىم ەسەپتەلگەن سوڭ، جۇمىسشى - قىزمەتكەرلەردىڭ تۇرعىن ءۇي جيناق قورى ەسەپ نومىرىنە جوتكەلەدى.
ءوسىم سوماسى = جەكەلىك ەسەپ نومىرىندەگى قاراجات × ءىس جۇزىندە قاراجات ساقتاعان كۇن سانى × جىلدىق ءوسىم مولشەرى ÷ 360.
جۇمىسشى - قىزمەتكەرلەردىڭ تۇرعىن ءۇي جيناق قورى ەسەپ نومىرىندە ساقتالعان قاراجاتتىڭ ءوسىم مولشەرى ءبىر جىلدىق مەرزىم بويىنشا ساقتاعان اقشانىڭ ولشەمدى ءوسىم مولشەرى بويىنشا اتقارىلادى.
ءسىزدىڭ تۇرعىن ءۇي جيناق قاراجاتىڭىزدىڭ ءوسىمى ەسەپ نومىرىڭىزگە جوتكەلدى مە؟ قانشا يۋان جوتكەلدى؟
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
