ىلەلىك بويجەتكەن دينا مەملەكەت بويىنشا بيىككە سەكىرۋدە اعا جۇلدەگەر بولدى
2023.06.28 16:06 كەلۋ قاينارى : حالىق تورابى
سۋرەتتە: دينا نۇرلان قىزى ەل ىشىندەگى جارىستا. سۋرەتتى شينجياڭ ۇيعۇر اۆتونوميالى رايوندىق دەنە تاربيە مەكەمەسى دەنە تاربيە 1 ـ ۇلكەن اترەتى بەرگەن
6 – ايدىڭ 27 – كۇنى، 2023 - جىلعى مەملەكەتتىك جەڭىل اتلەتيكا اعا جۇلدەگەرلىك جارىسى جانە دۇنيە جۇزىلىك جۇلدەلى جارىس جانە ازيا سپورت جارىسىنا تاڭداۋ جارىسى شىنياڭ وليمپيادا سپورت ورتالىعىندا وتكىزىلدى، شينجياڭ جەڭىل اتلەتيكا كومانداسىنىڭ بيىككە سەكىرۋ سپورتشىسى دينا نۇرلان قىزى 1.84 مەترلىك ناتيجەمەن اعا جۇلدەگەر بولدى.
دينا بيىل 25 جاستا، بويىنىڭ بيىكتىگى 1.86 مەتر، قۇلجا اۋدانىنان كەلگەن.2021 – جىلى 6 – ايدا، دينا جىجياڭنىڭ شاۋشيڭ قالاسىندا وتكىزىلگەن 2021 - جىلعى مەملەكەتتىك جەڭىل اتلەتيكا اعا جۇلدەگەرلىك جارىسىندا جانە وليمپياداعا ىرىكتەۋ جارىسىندا 1.84 مەترلىك ناتيجەمەن جۇلدەگەر بولعان.
وسى رەتكى جارىسقا دينادان سىرت، شينجياڭ جەڭىل اتلەتيكا كومانداسىنىڭ ەرلەر دەسكى سپورتشىسى ابدۇعاني تۇرعىن، ەرلەر شويىن دوپ سپورتشىسى چىن جيان، ايەلدەر دەسكى سپورتشىسى شيە يۇيچىن قاتارلى كوپتەگەن سپورتشىلار قاتىناسادى، ولاردىڭ الداعى جارىستا تاعى دا تاماشا ناتيجە جاراتۋىن ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
