ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسە مەڭگەرمەسى: ازامات جاسىنا تولماعاندارعا ساياتىن ينتەرنەتتەگى كورنەكتى ماسەلەلەردى 7 ءتۇرلى جاقتان ءتۇيىندى تۇردە جونگە سالادى
2023.06.28 15:05 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋاڭ سىبەي 6 - ايدىڭ 17 - كۇنى بەيجيڭنەن حابارلايدى. ءتىلشىنىڭ 6 - ايدىڭ 27 - كۇنى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ازامات جاسىنا تولماعانداردىڭ ينتەرنەتتەن پايدالانۋىن قورعاۋ، اقاۋسىز، حاۋىپسىز ينتەرنەت ورتاسىن جاراتۋ ءۇشىن، ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسە مەڭگەرمەسى جۋىردا ۇقتىرۋ باسىپ تاراتقان، 2 ايلىق مەرزىم بويىنشا ”پاكتەندىرۋ . 2023 - جىلعى جاز مەزگىلىندە ازامات جاسىنا تولماعانداردىڭ ينتەرنەت ورتاسىن جونگە سالۋ“ ارناۋلى ارەكەتىن ورىستەتىپ، ازامات جاسىنا تولماعاندارعا ساياتىن ينتەرنەتتەگى كورنەكتى ماسەلەلەردى 7 ءتۇرلى جاقتان ءتۇيىندى تۇردە جونگە سالادى.
بۇل 7 ءتۇرلى جاقتاعى ماسەلەلەر مىنالاردى قامتيدى: زياندى مازمۇنداردىڭ فورماسىن جاسىرىن تۇردە وزگەرتۋ ماسەلەسى، ينتەرنەت ارقىلى جابىرلەۋ ماسەلەسى، الىس ارالىقتان ۇياتسىز قىلىقتار ىستەۋ ماسەلەسى، ينتەرنەت ارقىلى الداۋ ماسەلەسى، ناشار مازمۇندار ماسەلەسى، ينتەرنەتكە قۇنىعۋ ماسەلەسى، جاڭا تەحنيكالارعا، جاڭا قولدانىلىمدارعا قاتىستى حاۋىپسىزدىك ماسەلەسى.
مۇندا، ينتەرنەت ارقىلى جابىرلەۋ ماسەلەسى جاعىندا، ينتەرنەتتە ناشار سوزدەردى قولدانۋ ارقىلى ازامات جاسىنا تولماعانداردى قورلاۋ، ياناتتاۋ؛ ازامات جاسىنا تولماعانداردىڭ جەكە باسىنىڭ بارلىق ينفورماتسياسىن ىزدەستىرىپ، ازامات جاسىنا تولماعانداردىڭ قۇپيالىعىن اشىققا شىعارۋ سىندى جابىرلەۋ مازمۇنىنداعى كەسكىندەردى قاساقانا تاراتۋ قاتارلىلاردى ءتۇيىندى تۇردە جونگە سالادى. جاڭا تەحنيكالارعا، جاڭا قولدانىلىمدارعا قاتىستى حاۋىپ - قاتەرگە باعىتتاي وتىرىپ، اتالمىش ”وقىپ بولعان سوڭ جويىلاتىن“ قۇپيا سويلەسۋ دەتالدارىنان پايدالانىپ، ازامات جاسىنا تولماعانداردى جەكەلىك ينفورماتسياسىن بەرۋگە شىرعالاۋ، زاڭعا قايشى ارەكەت ىستەۋگە ەلىكتىرۋ ارەكەتى، قالىپتاستىرۋ فورماسىنداعى زەردەلى تەحنيكادان پايدالانىپ، ازامات جاسىنا تولماعاندارعا قاتىستى زياندى ينفورماتسيالاردى جاساپ، جاريالاۋ قاتارلىلاردى ءتۇيىندى تۇردە جونگە سالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
