شينجياڭ جاز مەزگىلىندەگى اماندىق قورعاۋ، سوققى بەرۋ، جونگە سالۋ ارەكەتىن ىلگەرىلەتۋ جونىندە ورنالاستىرۋ جاسادى
2023.07.03 15:01 كەلۋ قاينارى : حالىق تورابى
شينجياڭ ۇيعۇر اۆتونوميالى رايونى 6 - ايدىڭ 30 - كۇنى رايون بويىنشا قوعام حاۋىپسىزدىگى ورگاندارىنىڭ بەينە كەسكىندى ءماجىلىسىن اشىپ، قوعام حاۋىپسىزدىگى مينيسترلىگى ءماجىلىسىنىڭ رۋحىن جەتكىزدى، ۇيرەندى، دايەكتىلەندىردى، بۇكىل رايون بويىنشا جاز مەزگىلىندەگى اماندىق قورعاۋ، سوققى بەرۋ، جونگە سالۋ ارەكەتىن ىشكەرىلەي ورىستەتۋ جونىندە اتتانىسقا كەلتىرىپ، ورنالاستىرۋ جاسادى، بۇكىل رايونداعى ءار دارەجەلى قوعام حاۋىپسىزدىگى ورگاندارىنان الدىن الا جوسپارلاۋدى، ءبىرتۇتاس ىلگەرىلەتۋدى، بارلىق ساقشى كۇشىن اتتانىسقا كەلتىرۋدى، ”جاز مەزگىلىندەگى ارەكەتتىڭ“ ناقتى ونىمدىلىككە قول جەتكىزۋىنە كۇش سالا كەپىلدىك ەتۋدى تالاپ ەتتى.
ماجىلىستە مىنالار باسا دارىپتەلدى: زاڭعا كورنەكتى تۇردە قايشى كەلگەن قىلمىستارعا قاتاڭ سوققى بەرىپ، كوشەدە ۇرلىق ىستەۋ، بۇلاۋ - توناۋ، جاڭجال تۋدىرۋ، جينالىپ توپتىق توبەلەسۋ، موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ قاتارلى دەلولارعا ءدوپ كەلگەندە، دەرەۋ دەلو تۇرعىزىپ، دەرەۋ بارلاۋ جۇرگىزىپ، دەلونى دەرەۋ ءبىتىرىپ، دەرەۋ ءبىر جاقتى ەتۋگە تاباندى بولۋ؛ سۇرقيالىقتى الاستاۋدى ۇدايىلاندىرۋدى ىلگەرىلەتۋ؛ تەلەكوم - ينتەرنەت ارقىلى الدامكوستىك ىستەۋ قاتارلى جاڭا تيپتى قىلمىستارعا قاتاڭ سوققى بەرىپ، دەلولاردى تەزىرەك انىقتاپ، اقشانى قايتارىپ الىپ، زياننىڭ الدىن الۋ؛ ءالسىز توپتاردىڭ ۇقىق - مۇددەسىنە قاتىستى قىلمىستىق ارەكەتتەر جونىندە مۇلدە جول بەرمەۋ پوزيتسياسىن ساقتاپ، تەز، ءدال، قاتاڭ سوققى بەرۋ؛ ەسىرتكىگە قاتىستى قىلمىستارعا قاتاڭ سوققى بەرىپ، ەسىرتكىنىڭ شەكارا سىرتىنان شينجياڭعا ءسىڭىپ كىرۋىنەن قاتاڭ ساقتانۋ كەرەك. ءتۇيىندى وڭىرلەردى شارلاپ مەڭگەرۋدى كۇشەيتۋ، وتە - موتە، ادامدار شوعىرلاناتىن ورىنداردا، سونداي - اق، كوشەدەگى زاڭعا قايشى قىلمىستار كوپ تۋىلاتىن جەرلەردە نەمەسە مەزگىلدەردە حالىق ساقشىلارىنىڭ اۆشوركانى ەرتىپ شارلاۋ جۇرگىزۋ جيىلىگى مەن تەبىنىن ارتتىرىپ، ساقشىعا جولىعۋ مولشەرىن، قۋزاستىرۋ مولشەرىن، جۇمىس باسقارۋ مولشەرىن شىنايى جوعارىلاتۋ كەرەك. ”ميلليون ساقشىنىڭ ون ميلليون وتباسىنا دەيىن بارۋى“ قاتارلى قيمىلداردى ىشكەرىلەي ورىستەتىپ، قايشىلىقتار مەن داۋ - شارلاردى ءبىر - بىرلەپ تەكسەرىپ شەشىم ەتۋدى كۇشەيتۋ كەرەك. الەۋمەتتىك حاۋىپسىزدىكتى كۇش سالا قورعاپ، ءتۇيىندى سالالاردى، ءتۇيىندى ورىنداردى، ءتۇيىندى كاسىپ سالالارىن قاداعالاپ، حاۋىپسىزدىككە ساياتىن كومەسكى قاتەرلەردى ءبىر - بىرلەپ تەكسەرىپ، جاپپاي جونگە سالۋدى شوعىرلى ورىستەتۋ كەرەك. اماندىق قورعاۋدى، بىلىققان ورىنداردى جونگە سالۋدى كۇشەيتىپ، قالا مەن اۋىل شەكتەسكەن جەرلەر، جەكەلەر ءوزى سالعان ۇيلەر، زات جولداۋ جانە زات اينالىمى كاسىپ سالاسى قاتارلى ءتۇيىندى سالالاردى توڭىرەكتەي وتىرىپ، بىرلەسكەن اداقتاۋ - تەكسەرۋ ارەكەتىن ورىستەتىپ، كومەسكى قاتەرلەردى كۇش سالا ارىلتۋ كەرەك. تاس جولدارداعى قاتىناس حاۋىپسىزدىگىن باسقارۋدى كۇشەيتىپ، ساياحاتتىڭ شوعىرلى مەزگىلىنە باعىتتاي وتىرىپ، باعىتتامالى شارالاردى قولدانىپ، بۇكىل رايونداعى جولدارداعى قاتىناستىڭ حاۋىپسىزدىگى مەن ىركىلىسسىزدىگىنە كەپىلدىك ەتۋ كەرەك.
ماجىلىستە مىنالار تالاپ ەتىلدى: جەر - جەر، تاراۋلار قىزمەتتىك جاۋاپكەرشىلىگىن ىرىقتىلىقپەن اتقارىپ، تىعىز سايكەسىپ جانە سەلبەسىپ، بىرلەسە وتىرىپ تەكسەرۋدى، ءبىر جاقتى ەتۋدى، مەڭگەرۋدى، كۇش بىرىكتىرىپ قامال الۋدى كۇشەيتىپ، جالپى تۇلعالىق شايقاستى، بىرىككەن شايقاستى شىنايى، ويداعىداي ورىنداۋى كەرەك. ورتالىقتىڭ سەگىز ءتۇرلى بەلگىلەمەسى مەن قوعام حاۋىپسىزدىگى مينيسترلىگىنىڭ ”التى ءتۇرلى بەلگىلەمەسى“ قاتارلى بۇلجىماس تيىمداردى قاتاڭ اتقارىپ، ارناۋلى ارەكەت مەزگىلىندە تۋىلعان تارتىپكە، زاڭعا قايشى ماسەلەلەردى قاتاڭ انىقتاپ ءبىر جاقتى ەتىپ، باقىلاۋ - جەتەكشىلىك ەتۋ مەن تەكسەرۋدى ءبىر ۋاقىتتا ورىستەتىپ، قادامنىڭ بىردەي بولۋىنا، تياناقتاندىرۋدى ويداعىداي ىستەۋگە كەپىلدىك ەتۋى كەرەك. قاتاڭ، جۇيەلى، ءادىل، وركەنيەتتى زاڭ اتقارۋعا تاباندى بولىپ، زاڭ اتقارۋدى باقىلاۋ - باسقارۋدى، زاڭ اتقارۋ تاسىلىنە وزگەرىس ەنگىزۋدى، زاڭ اتقارۋ بارىسىنداعى ءسوز - ارەكەتتەردى جۇيەگە ءتۇسىرۋدى كۇشەيتىپ، زاڭ اتقارۋدا مۇددەنىڭ سوڭىنا ءتۇسۋ، تالعاپ زاڭ اتقارۋ، زاڭ اتقارۋدا قارا دۇرسىندىك، دورەكىلىك ىستەۋ قاتارلى ماسەلەلەردى قاتاڭ تيۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
