سىرتقى ىستەر مينيسترلىگىنىڭ مالىمدەمەشىسى: فرانسيادا دۇربەلەڭنىڭ ىقپالىنا ۇشىراعان جۇڭگو ساياحات ۇيىرمەسىندەگى ساياحاتشىلار امان - ەسەن ەلگە ورالدى
2023.07.04 14:36 كەلۋ قاينارى : حالىق تورابى
سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 7 – ايدىڭ 3 – كۇنى بىلاي دەدى: فرانسيادا دۇربەلەڭنىڭ ىقپالىنا ۇشىراعان جۇڭگو ساياحات ۇيىرمەسىندەگى ساياحاتشىلار فرانسياداعى ساپارىن كۇنى بۇرىن اياقتاتىپ، ەلگە امان ـ ەسەن ورالدى.
سول كۇنى وتكىزىلگەن كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: حابارعا قاراعاندا، 6 – ايدىڭ 30 – كۇنى، فرانسيانىڭ مارسەل قالاسىندا جۇڭگو ساياحات ۇيىرمەسىنىڭ اۆتوبۋزىن شاعۋ ۋاقيعاسى تۋىلعان. مالىمدەمەشى ۋاقيعانىڭ ەڭ جاڭا ءبىر جاقتى ەتىلۋ جاعدايىن تانىستىرا الا ما، جوق پا؟ فرانسياداعى جۇڭگو ازاماتتارىنا بەرەتىن قانداي ۇسىنىسىڭىز بار؟
ۋاڭ ۋىنبين بىلاي دەدى: تاياۋدا سىرتقى ىستەر مينيسترلىگى مەن فرانسيادا تۇراتىن ەلشىحانا، كونسۋلحانا فرانسياداعى جۇڭگو ازاماتتارىنا قاداعالاي نازار اۋدارىپ، دەر كەزىندە ەسكەرتۋ جاريالاپ، شارا قولدانىپ، جۇڭگو ازاماتتارىنىڭ حاۋىپسىزدىگى مەن زاڭدى ۇقىق - مۇددەسىن زاڭ بويىنشا قامتاماسىزداندىردى. جۇڭگونىڭ ءبىر ساياحات ۇيىرمەسى فرانسيانىڭ مارسەل قالاسىندا ساياحاتتاپ جۇرگەندە دۇربەلەڭنىڭ ىقپالىنا ۇشىراپ، ساياحاتشىلار وتىرعان اۆتوبۋزدىڭ تەرەزەسى شاعىلعان، بىرنەشە ادام جەڭىل جارالانعان. جۇڭگونىڭ مارسەل قالاسىندا تۇراتىن باس كونسۋلحاناسى كونسۋلدىق قورعاۋدىڭ شۇعىل توتەپ بەرۋ مەحانيزمىن دەرەۋ ىسكە قوسىپ، ساياحات ۇيىرمەسىنىڭ ساقشىعا مالىمدەۋىنە كومەكتەستى ءارى شۇعىل ءبىر جاقتى ەتتى. اتالعان ساياحات ۇيىرمەسىنىڭ ساياحاتشىلارى فرانسياداعى ساپارىن الدىن الا اياقتاتىپ، ەلگە امان - ەسەن ورالدى. ۋاڭ ۋىنبين بىلاي دەدى: ”ءبىز فرانسياداعى جۇڭگو ازاماتتارىنا سول جەردىڭ قوعام اماندىعى جاعدايىنا قاداعالاي نازار اۋدارىپ، سىرتقا شىققاندا ساق بولىپ، ەرەۋىل جاساۋ، قىر كورسەتۋ جانە زورلىقتى كۇش قاقتىعىسىنان اۋلاق بولىپ، حاۋىپسىزدىك ساقتىعىن كۇشەيتۋدى قايتالاي ەسكەرتەمىز. ەگەر توسىن جاعدايعا تاپ بولساڭىزدار دەر كەزىندە ساقشىعا مالىمدەڭىزدەر ءارى جۇڭگونىڭ فرانسيادا تۇراتىن ەلشىحاناسىمەن، كونسۋلحاناسىمەن بايلانىس جاساپ كومەك سۇراڭىزدار دەگەندى ايتامىز.“
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
