اتا - انالار نازار سالىڭىزدار! بالانىڭ اياعى ەلەكترلى ۆەلوسيپەتكە قىسىلىپ قالاتىن جاعداي وڭاي تۋىلادى، مىناداي ىستەرگە كوڭىل بولگەن ءجون
2023.07.07 15:45 كەلۋ قاينارى : حالىق تورابى
جازدىق دەمالىستا بالالاردىڭ حاۋىپسىزدىگىنە نازار سالۋ
كوپتەگەن بالالار ەلەكترلى ۆەلوسيپەتتىڭ نەمەسە ۆەلوسيپەتتىڭ ارتقى ورىندىعىنا وتىرعان كەزدە، اياعىن ارلى - بەرلى قوزعاپ وتىرعاندى جاقسى كورەدى، الدا - جالدا بايقاماي قالسا اياعىن ارتقى دوڭگەلەك وراپ كەتىپ، زاقىمداۋى مۇمكىن. جەر - جەردەگى ورتتەن ساقتانۋ تاراۋلارى جۋىردا بالانىڭ اياعى ەلەكترلى ۆەلوسيپەتكە قىسىلىپ قالىپ كومەك سۇراعان جاعدايدى كوپ رەت كەزدەستىرگەن.
جۋىردا، گۋاڭدۇڭ ولكەسى ياڭجياڭ قالاسىندا بىرەۋ ەلەكترلى ۆەلوسيپەتپەن بالاسىن ۇيىنە الىپ قايتقان جولدا، ارتقى ورىندىقتا وتىرعان قىز بالانىڭ اياعى ابايسىزدا ەلەكترلى ۆەلوسيپەتتىڭ ارتقى دوڭگەلەگى مەن ۆەلوسيپەتتىڭ كوتەرگىسى اراسىنداعى قۋىسقا قىستىرىلىپ قالعان. ءورت ءوشىرۋشى قىزمەتكەر ارناۋلى قۇرال ارقىلى ۆەلوسيپەتتىڭ كوتەرگىسىن قيۋعا ءماجبۇر بولعان.
ءورت ءوشىرۋشى قىزمەتكەر بالانىڭ اياعى قىستىرىلعان ورىندى انىقتاپ كورگەن سوڭ، بالانىڭ اياعى قىستىرىلىپ قالعان ورىندى بولشەكتەپ، تەز ارادا بالانى حاۋىپسىز قۇتقارعان، باقىتقا جاراي اۋىر ماسەلە تۋىلماعان.
وسى تەكتەس ۋاقيعا جياڭشيدا دا تۋىلدى، بىرنەشە كۇننىڭ الدىندا جياڭشي ولكەسىنىڭ جي - ان قالاسىندا بىرەۋ 3 جاستاعى قىزىن اۋەستىك ونەر كلاسىنا اپارا جاتقان جولىندا بالانىڭ اياعى ەلەكترلى ۆەلوسيپەت دوڭگەلەگى مەن ۆەلوسيپەت تەمىرىنىڭ اراسىنا قىستىرىلىپ قالىپ، اياعىن شىعارۋعا شاراسىز قالعان. بالانى ەكىنشى رەت زاقىمداپ الۋدان ساقتانۋ ءۇشىن، ءورت ءوشىرۋشى قىزمەتكەر ارناۋلى جابدىق ارقىلى ەلەكترلى ۆەلوسيپەتتىڭ ارتقى دوڭگەلەگى مەن ۆەلوسيپەت كوتەرگىسى اراسىنداعى قۋىستى كەڭەيتكەن، ءورت ءوشىرۋشى قىزمەتكەر ون نەشە مينۋت دەگەندە ءبۇلدىرشىندى حاۋىپتەن اراشالاعان، باقىتقا جاراي بالانىڭ اياعىنىڭ تەرىسى عانا جارالانعان، ۇلكەن ماسەلە تۋىلماعان.
بىرنەشە كۇننىڭ الدىندا شاندۇڭ ولكەسى ۋەيحاي قالاسىندا ءبىر ۇل بالانىڭ اياعى ەلەكترلى ۆەلوسيپەتكە قىسىلىپ قالعان، ءورت ءوشىرۋشى قىزمەتكەر ءىس تۋىلعان جەرگە جەتكەندە، بالانىڭ اياعىنىڭ قىستىرىلعانىنا ۇزاق ۋاقىت بولعاندىقتان، اياعى قانتالاپ كەتكەن. ءورت ءوشىرۋشى قىزمەتكەر سۇيىقتىق قىسىمى ارقىلى كەڭەيتەتىن شىمشۋىر جانە كەسۋ ماشيناسى ارقىلى قۇتقارۋ جۇرگىزگەن. ون نەشە مينۋتتان سوڭ بالا حاۋىپتەن اراشالانعان.
ءورت ءوشىرۋشى قىزمەتكەر مىنانى ەسكەرتەدى: ەلەكترلى ۆەلوسيپەتتىڭ ارتقى دوڭگەلەگىنىڭ ەكى جاعىنا قالتقى ورناتىپ قويعان ءجون
حاۋجوۋ قالالىق ءورت ءوشىرۋ - قۇتقارۋ بولىمشە اترەتىندەگى چاڭ ياجۇن: ەلەكترلى ۆەلوسيپەت نەمەسە ۆەلوسيپەتتىڭ ارتقى دوڭگەلەگىنىڭ ەكى جاعىنا، ەڭ جاقسىسى، بىردەن قالتقى جانە اياق قويعىش جاساپ قويعان ءجون، سوندا بالانىڭ اياعى دوڭگەلەككە ورالىپ كەتپەيدى، جاعداي جار بەرسە، ەلەكترلى ۆەلوسيپەتتىڭ، ۆەلوسيپەتتىڭ ارتقى جاعىنا بالالارعا ارنالعان ورىندىق جاساتىپ قويعان ءجون، سايىپ كەلگەندە، بالانىڭ ۇشىراۋى ىقتيمال بولعان كومەسكى قاتەرلەردى تۇگەل الاستاعان وڭ، — دەيدى.
مۇنان سىرت، بالاقايلار اۆتوموبيلگە وتىرعان كەزدە دە اتا - انالاردىڭ كوڭىل بولگەنى ءجون، بالانىڭ باسىن، قولىن، اياعىن تەرەزە سىرتىنا شىعارۋىنا جول قويماۋ كەرەك، اتا - انالار اۆتوموبيل ەسىگىن اشقاندا، اۆتوموبيل تەرەزسىن كوتەرگەندە نەمەسە تۇسىرگەندە دە بايقاۋعا كوڭىل ءبولۋى، بالانى قىسىپ قالۋىنان ساقتانۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
