ساتىپ العان قول تەلەفون قاتارلى اسپاپتاردىڭ شىن – جالعانىن قالاي تەكسەرۋدى بىلەسىز بە؟ ەڭ جاڭا تەكسەرۋ ءادىسى مىناداي
2023.07.05 14:56 كەلۋ قاينارى : حالىق تورابى
ونەركاسىپ جانە ينفورماتسيالاندىرۋ مينيسترلىگى جۋىردا جاڭا تيپتى ينتەرنەتكە جالعاۋ رۇقساتناماسىنىڭ بەلگىسىن ىسكە قوسۋ جانە جالپىلاستىرۋ جونىندەگى ۇقتىرۋدى جاريالاپ، ”جاڭا تيپتى ينتەرنەتكە جالعاۋ رۇقساتناما بەلگىسىن“ رەسمي ىسكە قوسىپ، ينتەرنەتكە جالعاۋ رۇقساتناما بەلگىسىن باسقارۋ ونىمدىلىگىن ىشكەرىلەي جوعارىلاتىپ، ءوندىرۋشى كاسىپورىنداردىڭ وزىندىك قۇندى ۇنەمدەۋىنە كومەكتەسۋمەن بىرگە، بارشا قولدانۋشىلاردىڭ بەلگى ينفورماتسياسىن ءدال تەكسەرۋىنە قولايلىلىق جاراتتى. جاڭادان ساتىپ العان قول تەلەفون قاتارلى تەلەكوم اسپاپتارىڭىز تولىمدى ونىمدەر مە؟ جاڭا تيپتى ينتەرنەتكە جالعاۋ رۇقساتناما بەلگىسىن قالاي تەكسەرۋدى ءارى شىن - جالعانىن قالاي پارىقتاۋدى بىلەسىز بە؟ ەڭ جاڭا تەكسەرۋ ءادىسى مىناداي:
قولدانۋشىلار تەلەكوم اسپاپتارىنىڭ زات جونىندەگى تۇسىندىرمەسى، زاتتىڭ قورابىنداعى ماتەريالدار نەمەسە كاسىپورىننىڭ رەسمي تورابىنداعى زاتتىڭ تۇسىندىرمەسى جازىلعان پاراقشا قاتارلى ورىنداردان قاتىستى زاتتىڭ جاڭا تيپتى ينتەرنەتكە جالعاۋ رۇقساتناما بەلگىسى باسىلعان ورىن مەن ونى تەكسەرۋ ءادىسىن كورە الادى.
جاڭا تيپتى ينتەرنەتكە جالعاۋ رۇقساتناما بەلگىسىنىڭ شىن - جالعانىن پارىقتاۋدىڭ مىناداي جولدارى بار:
ينتەرنەت پاراقشاسى ارقىلى تەكسەرۋ
قولدانۋشىلار ونەركاسىپ جانە ينفورماتسيالاندىرۋ مينيسترلىگىنىڭ ۇكىمەتتىك قىزمەت وتەۋ تەكشەسىندەگى (https://jwxk.miit.gov.cn) ”شىن - جالعانىن تەكسەرۋ“ (真伪查询) دەگەن جالعانىمدى باسىپ، ”بەلگىنى تاڭداۋ“ (标志选择) دەگەن بەتكە كىرىپ، ”جاڭا تيپتى ينتەرنەتكە جالعاۋ بەلگىسى“ (新型进网许可标志) دەگەن ءسوزدى باسىپ، سيفرلى كود (数字编码)، اسپاپتىڭ بىردەن - ءبىر بەلگى كودىن (设备唯一标识码) ەنگىزسە، توراپ بەكەتى اسپاپتىڭ قاتىستى ينفورماتسيالارىن كورسەتىپ بەرەدى، سونىمەن بىرگە، قاتىستى ينتەرنەتكە جالعاۋ رۇقساتناماسى مەن بەلگى ينفورماتسيالارىنىڭ بىردەيلىگى جونىندە ەسكەرتۋ بەرەدى. رۇقساتناما، بەلگى ينفورماتسياسى بىردەي بولسا، زاتتىڭ تولىمدى ەكەنىن كورسەتەدى.
قولفوندا ۋيچات تەكشەسى ارقىلى تەكسەرۋ
قولدانۋشىلار تومەندەگى ەكى ولشەمدى كودتى جايمالاۋ نەمەسە ۇزاقتاۋ باسىپ تۇرۋ ارقىلى ونەركاسىپ جانە ينفورماتسيالاندىرۋ مينيسترلىگىنىڭ ۋيچات تەكشەسىنە ”工信微报“ قوسىلىپ، تەكشەدەگى ”اكىمشىلىك قىزمەت وتەۋ“ (政务服务) ايدارشاسىنان ”تەلەكوم اسپابىن ينتەرنەتكە جالعاۋ رۇقساتناماسى“ (电信设备进网许可) دەگەن جالعانىمدى تاڭداپ، ”شىن - جالعانىن تەكسەرۋ“ (真伪查询) جالعانىم ارقىلى ”جاڭا تيپتى ينتەرنەتكە جالعاۋ رۇقساتناما بەلگىسىن راستاۋ“ (新型进网许可标志验证) دەگەن پاراقشاعا كىرىپ، بەلگىدەگى سيفرلى كود (数字编码)، اسپاپتىڭ بىردەن - ءبىر بەلگى كودى (设备唯一标识码) قاتارلىلاردى كىرگىزۋىنە بولادى. راستاۋ ءتارتىبىن ورىنداعان سوڭ، اتالعان اسپاپتىڭ قاتىستى ينفورماتسيالارى، سونداي - اق، ينتەرنەتكە جالعاۋ رۇقساتناماسى مەن بەلگى ينفورماتسياسىنىڭ بىردەيلىگىنە قاتىستى ەسكەرتۋ كورىنەدى. رۇقساتناما مەن بەلگى ينفورماتسيالارىنىڭ بىردەي ەكەنىن ەسكەرتسە، وندا ءونىمنىڭ تولىمدى ءونىم ەكەنىن كورسەتەدى.
ءۇشىنشى، تەلەفون سوعۋ ارقىلى تەكسەرۋ
قولدانۋشىلار اۆتوماتتى تەكسەرۋ تەلەفونىنا (تەلەفون ءنومىرى: 82058767 - 010) تەلەفون سوعىپ، ەسكەرتۋ بويىنشا رۇقساتناما بەلگىسىنىڭ سيفرلى كودىن، اسپاپتىڭ بىردەن - ءبىر بەلگى كودىن ايتسا، اسپاپتىڭ قاتىستى ينفورماتسيالارىن، سونداي - اق، ينتەرنەتكە جالعاۋ رۇقساتناماسى مەن بەلگى ينفورماتسياسىنىڭ بىردەيلىگى جونىندەگى قاتىستى ەسكەرتۋدى ايتىپ بەرەدى. رۇقساتناما مەن بەلگى ينفورماتسياسى بىردەي ەكەنىن ەسكەرتسە، زاتتىڭ تولىمدى ەكەنىن كورسەتەدى.
جاڭادان قول تەلەفون قاتارلى تەلەكوم اسپاپتارىن ساتىپ العان دوستار، جوعارىداعىداي تەكسەرۋ تاسىلدەرىن مەڭگەرىپ الدىڭىز با؟ وسىنىڭ بىرەۋىن تاڭداپ تەزىرەك تەكسەرىپ كورىڭىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
