جۇڭگو ماماندارى بىلاي دەدى: شينجياڭنىڭ ءتىل ـ جازۋىنىڭ الۋان تۇرلىلىگى تولىق قورعالدى
2023.07.05 16:57 كەلۋ قاينارى : حالىق تورابى
شينحۋا اگەنتتىگىنىڭ 7 ـ ايدىڭ 4 ـ كۇنى جەنەۆادان بەرگەن حابارى (ءتىلشى نيە شياۋياڭ). شينجياڭ داشۋەسى جۇڭگو ءتىل ـ ادەبيەت شۋەيۋانى جۇڭگو ءتىلى فاكۋلتەتىنىڭ ورىنباسار مەڭگەرۋشىسى جاڭ دىڭكى 7 ـ ايدىڭ 3 ـ كۇنى بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 53 ـ كەزەكتى ءماجىلىسىنىڭ ءبىر قوسىمشا ماجىلىسىندە مىنانى ءبىلدىردى: جۇڭگونىڭ شينجياڭى كوپ ۇلت شوعىرلى قونىستانعان ءوڭىر، تۇرمىستا ءار ۇلت ءتىلىن قاتار قولدانۋ شينجياڭ مادەنيەتىنىڭ ءداستۇرلى ەرەكشەلىگى. ءتىل زەرتتەۋشى جانە جەرگىلىكتى تۇرعىن رەتىندە، ول شينجياڭنىڭ جەرگىلىكتى ءتىل ـ جازۋىنىڭ الۋان تۇرلىلىگىنىڭ تولىق قورعالعانىن ٴار كەز سەزىنە الادى.
بىرلەسكەن مەملەكەتتەر ۇيىمى ادامدىق ۇقىق القالار كەڭەسىنىڭ 53 ـ كەزەكتى ءماجىلىسى اشىلۋ قارساڭىندا، جۇڭگو ادامدىق ۇقىق زەرتتەۋ قوعامى 7 – ايدىڭ 3 - كۇنى جەنەۆاداعى مەملەكەتتەر سارايىندا ”جۇڭگونىڭ ادامدىق ۇقىق ۇستانىمى جانە امالياتى“ تاقىرىبىندا قوسىمشا ءماجىلىس اشتى، جاڭ دىڭكى ماجىلىستە ءسوز سويلەپ بىلاي دەدى: جۇڭگو ۇكىمەتى مەملەكەتتە ءبىرتۇتاس قولدانىلاتىن ءتىل ـ جازۋدى زور كۇشپەن جالپىلاستىردى جانە ارناعا ءتۇسىردى، سونىمەن بىرگە ۇلتتاردىڭ ءوز ۇلتىنىڭ ءتىل - جازۋىن قولدانۋ جانە دامىتۋ ەركىندىگىن زاڭ بويىنشا قامتاماسىزداندىردى. قازىر شينجياڭداعى ۇلتتار نەگىزىنەن 10 نەشە ءتۇرلى ءتىل - جازۋدى قولدانىپ وتىر، ءار ۇلت ءتىل – جازۋى ءادىليا، اكىمشىلىك، وقۋ - اعارتۋ، اقپارات – باسپا ءسوز، راديو - تەلەۆيزيا، ينتەرنەت، قوعامدىق الەۋمەتتىك ىستەر سياقتى سالالاردا كەڭىنەن قولدانىلۋدا.
ول بىلاي دەدى: جۇڭگو ءتۇرلى ءتىل - جازۋدىڭ تەڭ دامۋىنا باستان - اياق تاباندى بولادى جانە كەپىلدىك ەتەدى. جۇڭگو ۇكىمەتى 2015 - جىلدان باستاپ جۇڭگو ءتىل بايلىعىن قورعاۋ ينجەنەرياسىن ۇيىمداستىرىپ اتقارىپ، حانزۋ ءتىلى ديالەكتتەرىنىڭ، از ۇلت تىلدەرىنىڭ جانە اۋىزشا ءتىل مادەنيەتىنىڭ ناقتى ءتىل ماتەريالدارىن جينادى جانە ەستەلىككە الدى. سونىمەن بىرگە، ينفورماتسيالانۋ ءداۋىرىنىڭ دامۋىنا ساي، جۇڭگو ۇكىمەتى موڭعۇلشا، زاڭزۋشا، ۇيعۇرشا، قازاقشا، قىرعىزشا سياقتى جازۋلاردىڭ كادتىق تاڭبالار جيناعىنىڭ، پەرنە تاقتاسىنىڭ، ءارىپ مودەلىنىڭ مەملەكەتتىك ولشەمىن بەلگىلەپ، كوپ ءتۇرلى از ۇلت ءتىل – جازۋىنداعى ءتىزۋ جۇيەسىن، زەردەلى دىبىستىق اۋدارۋ جۇيەسىن زەرتتەپ جاسادى. از ۇلت ءتىل – جازۋىنداعى توراپتار مەن جاڭادان گۇلدەنگەن تاراتۋ دانەكەرلەرىنىڭ تارتىپپەن دامۋىنا قولداۋ كورسەتىلدى.
ول بىلاي دەدى: ”مەن شينجياڭدا تۋىپ، شينجياڭدا ەرجەتتىم، شينجياڭدا قىزمەت ىستەپ، شينجياڭدا تۇرمىس كەشىردىم. كۇندەلىكتى تۇرمىستا، مەيلى زات ساتىپ الۋ، الدە اڭگىمەلەسۋ بولسىن، از ۇلتتارعا جولىققاندا ۇنەمى از ۇلت ءتىلىن قولدانامىن. سونىمەن بىرگە، مەنىڭ كوپتەگەن از ۇلت دوستارىم بار، ادەتتە كوپ ءتۇرلى تىلدە سويلەسەمىز. ۇقساماعان ءتىل اراداعى قارىم ـ قاتىناسقا كەدەرگى بولمايدى، بۇل شينجياڭدا ۇنەمى كەزىگەتىن جاعداي سانالادى.“
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
