ءتيىمسىز اۋا رايى شارت – جاعدايىنا عىلىمي، ءونىمدى توتەپ بەرۋ كەرەك
4 تاراۋ اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋى جونىندە ورنالاستىرۋ جاسادى
2023.07.05 16:47 كەلۋ قاينارى : حالىق تورابى
حالىق گازەتىنىڭ 7 – ايدىڭ 4 – كۇنى بەيجيڭنەن بەرگەن حابارى. قازىر بۇكىل ەلىمىز بويىنشا جاز ماۋسىمى ءارى تاسقىن مەزگىلى سانالادى، سونىمەن بىرگە كۇزگى استىق ءوندىرىسىنىڭ جانە اپاتتان ساقتانۋدىڭ، اپات زيانىن ازايتۋدىڭ شەشۋشى مەزگىلى. مەجەمەن تاسقىن مەزگىلىندەگى كليمات جاعدايى، جالپى العاندا، قالىپتى جاعدايدان بۇرىلىس بولۋعا قاراي داميدى، وڭىرلىك سيپاتتى، كەزەڭدىك سيپاتتى قۋاڭشىلىق، سۋ باسۋ اپاتى كورنەكتى بولىپ، ەرنينو سوڭعى مەزگىلىندە جەدەل دامىپ، ”از ىقتيمالدىق اۋىر ىقپال“ سىندى ناشار اۋا رايى قۇبىلىسى ءبىرشاما كوپ بولىپ، اۋىل شارۋاشىلىق ءوندىرىسى ءدوپ كەلگەن تۇراقسىزدىق ونان ارى ارتا تۇسەدى. ءتيىمسىز اۋا رايى شارت - جاعدايىنا عىلمي، ءونىمدى توتەپ بەرۋ ءۇشىن، تاياۋدا اۋىل شارۋاشىلىعى جانە اۋىل - قىستاق مينيسترلىگى سۋ يگىلىگى مينيسترلىگىمەن، شۇعىل جاعدايعا توتەپ بەرۋدى باسقارۋ مينيسترلىگىمەن، جۇڭگو اۋا رايى مەكەمەسىمەن بىرلەسىپ ۇقتىرۋ شىعارىپ، جەر - جەردەن ساياسي تۇرعىسىن جوعارىلاتىپ، اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋ جاۋاپكەرشىلىگىن ارقالاۋدى كۇشەيتىپ، ماسەلەنى باعدار ەتۋدەن جازباي، رايوندارعا، تۇرگە ءبولىپ جەتەكشىلىك ەتىپ، شارالاردى اشالاپ، ناقتىلاندىرىپ، كۇزگى استىق پەن تۇتاس جىلدىق استىقتان مول ءونىم الۋعا كۇش سالۋدى تالاپ ەتتى.
ۇقتىرۋدا مىنالار تالاپ ەتىلدى: اپات حاۋىپ – قاتەرىنەن الدىن الا مالىمەت بەرۋ جانە ونى باقىلاۋ، ورنالاستىرۋدى كۇشەيتۋ كەرەك. ءار دارەجەلى اۋىل شارۋاشىلىعى جانە اۋىل ـ قىستاق، سۋ يگىلىگى، شۇعىل جاعدايعا توتەپ بەرۋدى باسقارۋ، اۋا رايى سياقتى تاراۋلار شۇعىل جاعدايعا توتەپ بەرۋ كەزەكشىلىگىن كۇشەيتىپ، اپات سيپاتتى اۋا رايىن مەجەلەۋ، الدىن الا مالىمەت بەرۋ قىزمەتىن ۇزدىكسىز ورىستەتىپ، ساقتىق ينفورماتسياسىن وتباسىلارىنا دەيىن جەتكىزۋگە، ساقتانۋ شارالارىن اتىزعا دەيىن جەتكىزۋگە شىنايى كەپىلدىك ەتۋ كەرەك. اپات جاعدايىن ورنالاستىرۋدى جيىلەتىپ، اپتا سايىن ورنالاستىرۋ، اي سايىن كەڭەسۋ، اۋىر اپات جاعدايىن دەر كەزىندە مالىمدەۋ ءتۇزىمىن اتقارىپ، جاۋىن - شاشىن جاعدايىن، توپىراق ىلعالدىعىن، مايسا جاعدايىن جانە اپات جاعدايىن دۇرىس يگەرىپ، اپاتتىڭ ىقپالىن عىلىمي باعالاپ، شۇعىل جاعدايعا توتەپ بەرۋگە دەر كەزىندە ءۇن قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
