حۋاڭ يدىڭ پارا الۋ دەلوسىنا ءبىرىنشى سوتتا ۇكىم جاريالاندى
2023.07.05 16:37 كەلۋ قاينارى : حالىق تورابى
سۋرەتتە: ۇكىم جاريالانعان ناق مايدان. سۋرەتتى چۇڭچيڭ قالالىق 1 ـ ورتا دارەجەلى حالىق سوت مەكەمەسى بەرگەن
يۇننان ولكەلىك ساياسي كەڭەستىڭ بۇرىنعى ورىنباسار ءتوراعاسى حۋاڭ يدىڭ پارا الۋ دەلوسىنا ءبىرىنشى سوتتا ۇكىم شىعارىلدى
2023 – جىلى 7 – ايدىڭ 4 – كۇنى، چۇڭچيڭ قالالىق 1 - ورتا دارەجەلى حالىق سوت مەكەمەسى ءبىرىنشى سوتتا يۇننان ولكەلىك ساياسي كەڭەس پارتيا باسشىلىق گرۋپپاسىنىڭ بۇرىنعى مۇشەسى، ورىنباسار ءتوراعاسى حۋاڭ يدىڭ پارا الۋ دەلوسىنا اشىق ۇكىم شىعارىپ، ايىپكەر حۋاڭ يدى پارا الۋ قىلمىسى بويىنشا 13 جىلدىق مەرزىمدى قاماۋ جازاسىنا ۇكىم ەتتى، وعان قوسا 3 ميلليون يۋان اقشالاي ايىپ سالدى؛ پارا الىپ تاپقان مال - مۇلكىن جانە ونىڭ ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىردى.
قاراۋ ارقىلى مىنانى انىقتادى: 2001 - جىلدان 2022 - جىلعا دەيىن، ايىپكەر حۋاڭ ي ىلگەرىندى - كەيىندى ج ك پ باۋشان قالالىق پارتكومنىڭ شۋجيى، يۇننان ولكەلىك حالىق ۇكىمەتىنىڭ باس حاتشىسى، ج ك پ يۇننان ولكەلىك كوميتەتىنىڭ تۇراقتى مۇشەسى، بىرلىكساپ ءبولىمىنىڭ باستىعى، ساياسي كەڭەس يۇننان ولكەلىك كوميتەتىنىڭ ورىنباسار ءتوراعاسى قاتارلى مىندەتتەردى وتەگەن كەزىندە، قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ قۇرىلىستى كوتەرمەگە الۋ، نىسانداردى تەكسەرىپ بەكىتۋ، كاسىپورىن تيجاراتى سياقتى ىستەرىندە كومەك كورسەتىپ، باسقالاردىڭ بەرگەن مال - مۇلكىن زاڭسىز قابىلداعان، جالپى سوماسى 34 ميلليون 950 مىڭ يۋاننان اسقان.
چۇڭچيڭ قالالىق 1 - ورتا دارەجەلى حالىق سوت مەكەمەسى ايىپكەر حۋاڭ يدىڭ ارەكەتى پارا الۋ قىلمىسىن قالىپتاستىرادى، سوماسى توتەنشە كوپ دەپ قارايدى. حۋاڭ ي دەلو تۇرعىزىلعاننان كەيىن ءوزىنىڭ قىلمىسىن قاز – قالپىندا مويىنداپ، باقىلاۋ – تەكسەرۋ ورگانىنىڭ ءالى يگەرمەگەن ءبىر ءبولىم پارا الۋ قىلمىس فاكتىلەرىن ىرىقتىلىقپەن تاپسىرعان؛ قىلمىسىن تانىپ، رايىنان قايتۋى، ارام ولجانى بەلسەنە تۇگەلدەي قايتارىپ بەرۋى زاڭدا بەلگىلەنگەن، جاعدايىنا قاراي جەڭىل جازالاناتىن جايتتەر بولىپ، زاڭ بويىنشا جەڭىل جازالاۋعا بولادى. سونىمەن سوت مەكەمەسى جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
