قانداي ارەكەتتەر تىڭشىلىق ارەكەتكە جاتادى؟ تىڭشىلىق ارەكەت بايقالسا قالاي ىستەۋ كەرەك؟ وسى ماقالا ارقىلى ءتۇسىنىپ الاسىز
2023.07.05 14:48 كەلۋ قاينارى : حالىق تورابى
مەملەكەت حاۋىپسىزدىگى — مەملەكەتتىڭ تىنىشتىعى مەن ورنىقتىلىعىنىڭ ماڭىزدى ىرگە تاسى. جۋىرداعى جىلداردان بەرى، ەلىمىز ءدوپ كەلىپ وتىرعان حاۋىپسىزدىككە ساياتىن ماسەلەلەر كۇن سايىن كوپ ۇيەكتەنىپ، تىڭشىلىققا قارسى كۇرەس جاعدايى دا اناعۇرلىم قاتاڭداسۋدا، كۇردەلىلەسۋدە. وسى ايدان باستاپ، جاڭادان وزگەرىس ەنگىزىلگەن ”تىڭشىلىققا قارسى تۇرۋ زاڭى“ اتقارىلا باستادى. جاڭا زاڭدا تىڭشىلىق ارەكەتى تۋرالى ىشكەرىلەي تولىق ءارى ەگجەي – تەگجەيلى تۇسىنىك بەرىلگەن. ەندەشە، جاڭا زاڭ بويىنشا، قانداي ارەكەتتەر تىڭشىلىق ارەكەتى دەپ قارالادى؟ جاي بۇقارا جونىنەن ايتقاندا، الدا - جالدا تىڭشىلىق ارەكەتىن بايقاپ قالسا، قالاي ءبىر جاقتى ەتۋ كەرەك؟
شەتەلدەگى تىڭشىلىق قۇرىلىمدارعا اقپار بەرۋ ارەكەتى تىڭشىلىق ارەكەتى سانالادى
كەزىندە بەلگىلى مينيسترلىكتە (كوميتەتتە) شەتەل تىلىنە اۋدارۋ قىزمەتىمەن شۇعىلداناتىن جاڭ X شەتەلدە تۇرعان كەزىندە ءوزىن سول ەلدىڭ سىرتقى ىستەر مينيسترلىگىنىڭ قىزمەتكەرىمىز دەپ تانىستىرعان A قاتارلىلارمەن تانىسادى. A قاتارلىلاردىڭ شىن سالاۋاتى سول ەلدىڭ تىڭشىلىق قۇرىلىمىنىڭ قىزمەتكەرى بولاتىن، ولار جاڭ X پەن ىشكەرىلەي تانىس بولعان سوڭ، مول اقى بەرۋ ارقىلى شىرعالاپ، ءسوز تارتۋ جانە سۇراۋ قاتارلى تاسىلدەردەن پايدالانىپ، جاڭ X تەن اقپار بەرۋدى تالاپ ەتكەن. جاڭ X قارسى جاقتىڭ ماقساتىن انىق بىلە تۇرا، زاڭ - تارتىپپەن ساناسپاي، بىرنەشە جىل قارسى جاققا ەلىمىزدىڭ ىشكى ساياساتى مەن ديپلوماتيالىق ساياساتىنا ساياتىن قۇپيا قۇجاتتاردان، ماتەريالداردان نەشە ون ماتەريالدى بەرگەن، سونىمەن بىرگە، كوپ مولشەردەگى مۇلدە قۇپيا دارەجەدەگى، ماڭىزدى قۇپيالىق دارەجەسىندەگى قۇجاتتاردى شەتەلگە زاڭسىز الىپ شىققان. جاڭ X تىڭ مۇنداي ارەكەتى تيپتىك تىڭشىلىق ارەكەتكە جاتادى. 7 - ايدىڭ 1 - كۇنىنەن باستاپ اتقارىلاتىن «تىڭشىلىققا قارسى تۇرۋ زاڭى» جيىنى التى تاراۋ 71 تارماقتان قۇرالعان، مۇندا تىڭشىلىق ارەكەت التى تيپكە بولىنگەن، ءتۇرلى تيپتەگى تىڭشىلىق ارەكەتتىڭ سۋبيەكتيۆتىك تۇلعاسى، ارەكەتى جانە وبيەكتىسى ايقىن بەلگىلەنگەن.
جۇڭگو حالىق داشۋەسى زاڭ عىلىمى شۋەيۋانىنىڭ ورىنباسار باستىعى ۋاڭ شۇي: ءبىرىنشى تۇردەگىلەر تىڭشىلىق ۇيىمدار نەمەسە تىڭشىلىق ۇيىمداردىڭ ۋاكىلدەرى بولىپ، ولار تىكەلەي شابۋىل جاسايدى نەمەسە ەلىمىزدىڭ مەملەكەت حاۋىپسىزدىگىنە ساياتىن اقپاراتتاردى ۇرلاپ الادى، ياكي، ەلىمىزدىڭ حاۋىپسىزدىك ءتارتىبىن بۇلدىرەدى. ەكىنشى تۇردەگىلەر ەلىمىزدىڭ شەكاراسى ىشىندەگى ازاماتتاردى، ءتىپتى ۇكىمەت قىزمەتكەرلەرىن ازعىرۋ، ولاردى اقشامەن ارباۋ سىندى كەيبىر تاسىلدەردى قولدانىپ، ەلىمىز ازاماتتارىن نەمەسە قاتىستى ۇكىمەت قىزمەتكەرلەرىن وزدەرىنە سۇيەنۋگە تارتادى، — دەدى.
تىڭشىلىق ارەكەتتىڭ انىقتاماسى كەمەلدەندىرىلىپ، ىرىقتىلىقپەن سۇيەنىش ەتۋ ارەكەتى زاڭ تارماعىنا ەنگىزىلدى
سونىمەن بىرگە، «تىڭشىلىققا قارسى تۇرۋ زاڭىندا» بەلگىلەنگەن ەكىنشى تۇردەگى تىڭشىلىق ارەكەتتەر ىشىندە، بۇرىنعى زاڭداعى ”تىڭشىلىق ۇيىمدارعا قاتىناسقان نەمەسە تىڭشىلىق ۇيىمدار مەن ولاردىڭ ۋاكىلدەرى تاپسىرعان مىندەتتى قابىلداعان“ دەگەن مازمۇندى نەگىز ەتە وتىرىپ، ”تىڭشىلىق ۇيىمدارىن جانە ولاردىڭ ۋاكىلدەرىن سۇيەنىش ەتكەن“ دەگەن مازمۇندى جاڭادان قوسقان، مەملەكەتتىڭ حاۋىپسىزدىگىنە ىرىقتىلىقپەن زيان جەتكىزۋ ارەكەتى دەگەندى زاڭ تارماعىنا جازعان.
جۇڭگو حالىق داشۋەسى زاڭ عىلىمى شۋەيۋانىنىڭ ورىنباسار باستىعى ۋاڭ شۇي: تىڭشىلىققا بەيىمدەلۋدىڭ قوعامعا سالاتىن زالالى، سۋبيەكتيۆتىك جاقتاعى قاتەرى اناعۇرلىم كۇشتى دەپ قاراۋعا بولادى. تىڭشىلىققا بەيىمدەلۋ دەگەنىمىز، شىنىن ايتقاندا، يەلىك ۇقىقتى ەلگە بولعان ادالدىقتان جۇرداي بولۋ دەگەندى بىلدىرەدى، — دەيدى.
تىڭشىلىق ارەكەتتى بايقاعاندا دەر كەزىندە مالىمدەسە سيلىق بەرىلەدى
تىڭشىلىق ارەكەت سىرلى سياقتى سەزىلگەنىمەن، ءىس جۇزىندە، تەك ابايلاپ نازار سالساڭىز، تىڭشىلىق ارەكەتتىڭ دەرەگىن بايقاۋعا بولادى. جاي بۇقارا جونىنەن ايتقاندا، الدا - جالدا تىڭشىلىق ارەكەتتى بايقاي قالسا قالاي ىستەۋ كەرەك؟ جۋىرداعى جىلداردان بەرى، جياڭسۋ، جىجياڭ، گۋاڭشي، حاينان قاتارلى جەرلەردەگى بالىقشىلار شەتەلدىڭ تەحنيكالىق باقىلاۋ قۇرىلعىلارىن ءسۇزىپ العان.
ليانيۇنگاڭدىق بالىقشى جاڭ شياۋزى: اۋدى جيناعان كەزدە شار فورمالى زاتتى بايقادىق، نە ەكەنىن بىلمەگەندىكتەن، ءسۇزىپ الىپ بايقاپ كورسەك، بەتىندە شەتەلشە جازۋ بار ەكەن. لەكسيا تىڭداعان كەزدە ”شەتەلدىڭ كۇماندى اسپاپتارىن تاۋىپ الساڭدار جوعارىعا تاپسىرساڭدار بولادى“ دەگەن بولاتىن، ءبىزدىڭ كەمەمىزدە جاساندى سەرىك تەلەفونى بار بولاتىن، تەلەفون سوعىپ حابارلاسىپ ەدىك، ۇكىمەت تاراۋلارى بىزگە سيلىق بەردى، — دەدى.
ساقتىق تانىمىن جوعارىلاتىپ، تىڭشىلىق ارەكەت بايقالسا 12339 تەلەفونىنا تەلەفون سوقساڭىز بولادى
جاڭادان وزگەرىس ەنگىزىلگەن «تىڭشىلىققا قارسى تۇرۋ زاڭىندا» مىنالار ايقىن بەلگىلەنگەن: ”تىڭشىلىق ارەكەتتى مالىمدەۋ نەمەسە تىڭشىلىققا قارسى تۇرۋ قىزمەتى بارىسىندا كەلەلى ەڭبەك سىڭىرگەن جەكەلەردى جانە ۇيىمداردى مەملەكەتتىڭ قاتىستى بەلگىلەمەلەرىنە ساي ماراپاتتاۋ جانە سيلاۋ كەرەك“. ازاماتتار مەن ۇيىمدار ەگەر مەملەكەت حاۋىپسىزدىگىنە زيان جەتكىزەتىن كۇماندى جاعدايلاردى بايقاسا، مەملەكەتتىڭ حاۋىپسىزدىك ورگاندارى قابىلدايتىن 12339 تەلەفون نومىرىنە دەر كەزىندە تەلەفون سوعىپ مالىمدەگەنى ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
