مەملەكەتتىك تەمەكىنى ارناۋلى ساتۋ مەكەمەسى پارتگرۋپپاسىنىڭ بۇرىنعى مۇشەسى، بۇرىنعى ورىنباسار مەكەمە باستىعى حى زىحۋا تارتىپكە، زاڭعا اۋىر قايشىلىق جاساعاندىقتان پارتيادان ايدالدى
2023.07.10 09:26 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى مەملەكەتتىك تەمەكىنى ارناۋلى ساتۋ مەكەمەسى پارتگرۋپپاسىنىڭ بۇرىنعى مۇشەسى، بۇرىنعى ورىنباسار مەكەمە باستىعى حى زىحۋانىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.
تەكسەرۋ ارقىلى مىنانى انىقتادى: حى زىحۋا مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، شىنايى بولماي، ۇيىمنىڭ تەكسەرۋىنە قارسى شىققان؛ ورتالىقتىڭ سەگىز تارماقتى بەلگىلەمەسىنىڭ رۋحىن ەلەپ - ەسكەرمەي، بەلگىلەمەگە قايشىلىق جاساپ ۇكىمەت اقشاسىمەن بەرىلگەن قوناعاسىعا قاتىناسقان، تەمەكى جۇيەسىندەگى جەكە كاسىپورىن يەلەرى ورنالاستىرعان قوناعاسىعا قاتىناسقان؛ ۇيىمدىق تۇزىمگە قايشىلىق جاساپ، كادرلاردى تاڭداپ ءوسىرۋ، مىندەتكە تاعايىنداۋ قىزمەتىندە باسقالاردىڭ مۇدەسىن كوزدەگەن ءارى تارتۋ – تارالعىسىن قابىلداعان؛ ناپسىسىنە ەرىك بەرىپ، پاراعا قۇنىققان، ۇزاقتان بەرى بەلگىلەمەگە قايشى فورمامەن ساۋدا جاساپ، كاسىپورىن قۇرىپ، اسا زور ەكونوميكالىق مۇددەگە يە بولعان، زەينەتكە شىققاننان كەيىن جانە دە بۇرىنعى مىندەتىنىڭ ىقپالىنان پايدالانىپ تۋىس - تۋعاندارىنا پايدا جەتكىزگەن؛ قولىنداعى الەۋمەتتىك ۇقىق پەن تەمەكى بايلىعىن باس پايداسىن كوزدەيتىن قۇرالعا اينالدىرىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالاردىڭ قىزمەت دارەجەسىن جوعارىلاتۋ، جۇمىسشى - قىزمەتكەرلەردى قابىلداۋ، تەمەكى كاسىبىن كوتەرمەگە الۋ سياقتى جاقتاردا پايدانى كوزدەگەن، سونداي – اق قىرۋار زاڭسىز مال – مۇلىك العان.
حى زىحۋا پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت جاعىنان زاڭعا اۋىر قايشىلىق جاساعان ءارى پارا الۋ، ىقپال كۇشىنەن پايدالانىپ پارا الۋ قىلمىسىن وتكىزگەن، ونىڭ ۇستىنە پارتيا 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى حى زىحۋاعا پارتيادان ايداۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىردى؛ تارتىپكە، زاڭعا قايشىلىق جاساپ تاپقان تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال - مۇلىكتى بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
