التاي قالاسى ”2023 ىستىقتان ساقتانۋ ساياحاتىنىڭ تاڭداۋلى جەرى“ قاتارىنان ورىن الدى
2023.07.06 14:08 كەلۋ قاينارى : حالىق تورابى
تاياۋدا جۇڭگو ساياحات زەرتتەۋ اكادەمياسى، جۇڭگو اۋا رايى مەكەمەسى الەۋمەتتىك اۋا رايى قىزمەت وتەۋ ورتالىعى سياقتى ورىندار بىرلەسىپ ۇيىمداستىرعان جۇڭگو ىستىقتان ساقتانۋ ساياحاتىنىڭ دامۋ بايانداماسى جونىندەگى اقپار جاريالاۋ ماجىلىسىندە ”2023 ىستىقتان ساقتانۋ ساياحاتىنىڭ تاڭداۋلى جەرى“ تىزىمدىگىن جاريالادى، بۇكىل ەل بويىنشا 20 ايماق دارەجەلى قالا، 20 اۋدان دارەجەلى قالاعا ”2023 ىستىقتان ساقتانۋ ساياحاتىنىڭ تاڭداۋلى جەرى“ اتاعى بەرىلدى، التاي قالاسى شينجياڭداعى بىردەن - ءبىر وسى تىزىمدىككە كىرگەن قالا بولدى.
6 - ايدىڭ 6 – كۇنى، التاي قالاسى قىزىلتاس قالاشىعى بولىگىندەگى قىران وزەنى اڭعارىنا (ۇشقىشسىز ۇشاقپەن تۇسىرىلگەن) كوز تاستار بولساڭىز، ەكى جاعالاۋ جاسىل جەلەك جامىلىپ، كوركەم ەكولوگيالىق سۋرەت قالىپتاستىرعان. ارداق بەيىسقان فوتوسى
6 - ايدا التايدىڭ كوكسۋ سازدىعى مەملەكەت دارەجەلى جاراتىلىستىق قورىعى جاسىل جەلەك جامىلىپ، اسەم كورىنىس قالىپتاستىردى (6 - ايدىڭ 16 – كۇنى ۇشقىشسىز ۇشاقپەن تۇسىرىلگەن). ارداق بەيىسقان فوتوسى
”2023 ىستىقتان ساقتانۋ ساياحاتىنىڭ تاڭداۋلى جەرىن “ باعالاۋ ولشەمى كليمات شارت ـ جاعدايى، كورىنىس ءوڭىرىنىڭ مولدىعى، ساياحاتىنىڭ دامۋ مولشەرى، ىستىقتان ساقتانۋ مولشەرى، تەڭىز دەڭگەيىنەن بيىكتىگى جانە ساياحاتقا قىزمەت وتەۋ ساپاسى سياقتى جاقتاردى توڭىرەكتەي جۇرگىزىلىپ، التاي قالاسىنىڭ ءتۇرلى كورسەتكىشتەرى تۇگەلدەي الدىڭعى قاتاردان ورىن الدى.
ءۇرتىس جالعاسقان ىستىقتىڭ ىقپالىنان، تاياۋدا ”ىستىقتان ساقتانىپ، سالقىنداۋ“ ساياحاتشىلاردىڭ ساياحاتقا شىعۋىنداعى ءتۇيىندى سوزىنە اينالدى.
تۋنيۋ ساياحات تورابىندا كورسەتىلۋىنشە، ەل ىشىندەگى ۇزاق لەنيادا ساياحاتتايتىن ساياحاتشىلاردىڭ كوبى ىستىقتان ساقتانىپ، سالقىنداۋدى نەگىز ەتەدى ەكەن، مىسالى، يۇننان، شينجياڭ، چيڭحاي، گانسۋ، ىشكى موڭعۇل سياقتى جەرلەردى نىسانا ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
