شينجياڭنىڭ 5A دارەجەلى كورىنىس وڭىرلەرىنىڭ قىزۋى باسەيمەدى، ساياحاتشى قابىلداۋ مولشەرى ورنىقتى بولدى

2023.07.10 17:00 كەلۋ قاينارى : شينجياڭ گازەتى

　　انار بۇلت \ شينجياڭ گازەتىنىڭ ءتىلشىسى رىن جياڭ 7 - ايدىڭ 8 - كۇنى ۇرىمجىدەن حابارلايدى. ”تاياۋداعى ءبىر مەزگىلدە قاراجون كورىنىس ءوڭىرىنىڭ ساياحاتشى قابىلداۋ جاعدايى ءبىرشاما ورنىقتى بولىپ، بىلتىرعى سول تۇستاعىمەن قارايلاس بولدى“، - دەدى 7 - ايدىڭ 8 - كۇنى قاراجون قارجى قوسۋ جارنا شەكتى سەرىكتەستىگىنىڭ ورىنباسار باس ديرەكتورى ۋ فىڭلي تىلشىگە.

　　7 - ايدان بەرى بۇكىل شينجياڭنىڭ مەملەكەتتىك 5A دارەجەلى ساياحات كورىنىس وڭىرلەرىنىڭ كۇنىنە قابىلداعان ساياحاتشى مولشەرى قۇربات ايت دەمالىس كەزىندە كۇنىنە قابىلداعان مولشەرمەن، نەگىزىنەن، قارايلاس بولدى. ايتالىق، 7 - ايدىڭ 7 - كۇنى بۇكىل شينجياڭنىڭ مەملەكەتتىك 5A دارەجەلى ساياحات كورىنىس وڭىرلەرى جيىنى 166 مىڭ 192 ادام (رەت) ساياحاتشى قابىلدادى، قۇربان ايت دەمالىسىنىڭ تۇڭعىش كۇنىندە 170 مىڭ 356 ادام (رەت) ساياحاتشى قابىلدادى.

　　شينجياڭعا كىرگەن ادام سانى ۇزدىكسىز ارتتى. 7 - ايدىڭ 4 - كۇنىنەن 6 - كۇنىنە دەيىن تەمىر جول، تاس جول، حالىقتىق اۆياتسيا ارقىلى شينجياڭعا كۇنىنە ورتا ەسەپپەن كىرگەن ادام (رەت) بيىلعى دۋان - ۋ، قۇربان ايت دەمالىسى كەزىندەگىدەن ەداۋىر ارتتى، مۇنىڭ ىشىندە ساياحاتشىلار ەداۋىر سالىستىرمانى يەلەدى.

　　مايتاۋ - كۇشار تاس جولىنان قاتىناعان اۆتوكولىك ساندى مالىمەتىنەن قاراعاندا، 7 - ايدىڭ 4 - كۇنى مايتاۋ - كۇشار تاس جولىنا كىرگەن اۆتوكولىك 15 مىڭ 703 (رەت)؛ 7 - ايدىڭ 5 - كۇنى 17 مىڭ 252 (رەت)؛ 7 - ايدىڭ 6 - كۇنى 17 مىڭ 46 (رەت)؛ 7 - ايدىڭ 7 - كۇنى 17 مىڭ 557 (رەت) بولىپ، ورنىقتى دەڭگەيدى ساقتادى.

　　3 - جاق ساناق ساندى مالىمەتىنە نەگىزدەلگەندە، 7 - ايدىڭ 1 - كۇنىنەن 6 - كۇنىنە دەيىن بۇكىل شينجياڭ قابىلداعان ساياحاتشى 7 ميلليون 880 مىڭ ادام (رەت) بولىپ، 6 - ايدىڭ 19 - كۇنىنەن 24 - كۇنىنە دەيىنگىدەن (دۋان - ۋ مەرەكەسىن قامتيدى) ％22. 13 ارتتى، مۇنىڭ ىشىندە شينجياڭ سىرتىنان كەلگەن ساياحاتشى 810 مىڭ ادام (رەت) بولىپ، ％22. 14 ارتتى؛ بۇكىل رايوننىڭ A دارەجەلى كورىنىس وڭىرلەرى قابىلداعان ساياحاتشى 6 ميلليون 314 مىڭ 800 ادام (رەت) بولىپ، ％21. 5 ارتتى؛ قاشقار ايماعى قابىلداعان ساياحاتشى ءبىر ميلليون 249 مىڭ 200 ادام (رەت) بولىپ، ％66. 30 ارتتى؛ ىلە قازاق اۆتونوميالى وبلىسى قابىلداعان ساياحاتشى 2 ميلليون 502 مىڭ 900 ادام (رەت) بولىپ، ％55. 9 ارتتى.

　　ۋ فىڭلي بىلاي دەدى: 7 - اي كىرگەلى قاراجون كورىنىس وڭىرىنە كەلگەن ساياحاتشىلاردىڭ اراسىندا ءوز كولىگىمەن ساياحاتتاعان ساياحاتشىلاردىڭ، ەركىن ساياحاتشىلاردىڭ سالىستىرماسى ارتتى، ساياحات ۇيىرمەسىمەن ساياحاتتاعان ساياحاتشىلاردىڭ سالىستىرماسى ەداۋىر ازايعان. مۇنداي وزگەرىس كورىنىس وڭىرلەرىنەن اناعۇرلىم جوعارى دەڭگەيدەگى، اناعۇرلىم دارالانعان قىزمەت وتەۋدى تالاپ ەتەدى.

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved