7 جاستاعى بالانىڭ ساۋساعى ەسىككە قىسىلىپ ءۇزىلىپ قالعان
ۇيدە قالعان ساۋساقتى قاتىناس ساقشىلارى ەرەكشە تەزدىكپەن ەمحاناعا جەتكىزىپ بەردى
2023.07.10 13:33 كەلۋ قاينارى : حالىق تورابى
بىرنەشە كۇننىڭ الدىندا حاڭجوۋ قالاسى لينپيڭ رايونىنداعى بىرنەشە قاتىناس ساقشىسى ۇزىلگەن ساۋساقتى ەرەكشە تەزدىكپەن ەمحاناعا جەتكىزىپ بەرۋ سىندى مىندەتتى ورىندادى. 7 جاستاعى بالانىڭ ساۋساعى تەمىر ەسىككە قىسىلىپ ءۇزىلىپ قالىپ، ساۋساقتى جالعاۋ وپەراتسياسىن شۇعىل جاساۋ قاجەت بولادى. الايدا، ۇزىلگەن ساۋساق ۇيدە قالىپ قويعان ەدى، وسىنداي شەشۋشى ساتتە، قاتىناس ساقشىلارى لينپيڭ رايونى چۇڭشيان مالىسىنەن بينجياڭ رايونىنداعى جىجياڭ داشۋەسى مەديتسينا شۋەيۋانىنىڭ قاراماعىنداعى بالالار ەمحاناسىنا جەتكىزۋ ءۇشىن 28 كيلومەترلىك جولعا تەك 25 سەكۋند قانا جۇمسادى.
7 - ايدىڭ 3 - كۇنى ساعات 21 دەن 30 مينۋت وتكەندە، لينپيڭ رايوندىق قوعام حاۋىپسىزدىگى مەكەمەسى قاتىناس ساقشىسى ۇلكەن اترەتى چۇڭشيان ورتا اترەتى مىناداي بۇيرىق تاپسىرىپ الادى: وسى اراداعى بۇقارا ءنان مىرزانىڭ وتباسىنداعى 7 جاستاعى بالاسىنىڭ ساۋساعىنىڭ بۋىنى تەمىر ەسىككە قسىلىپ ءۇزىلىپ قالىپ، قان كوپ اققاندىقتان، ولكەلىك بالالار ەمحاناسىنا شۇعىل جەتكىزىلگەن. شيپاگەر بالانىڭ ۇزىلگەن ساۋساعىن جالعاپ سىناپ كورۋ جونىندە ۇسىنىس بەرگەن، الايدا، بالانىڭ ۇزىلگەن ساۋساعى چۇڭشيانداعى ۇيدە قالىپ قويىپتى، ۇزىلگەن ساۋساقتى ەمحاناعا دەرۋ جەتكىزىپ بەرۋ كەرەك بولعان.
بۇيرىقتى تاپسىرىپ العان جاۋ حۋانۋەي مەن جوۋ ي ساقشى اۆتوموبيلىمەن ءنان مىرزانىڭ ۇيىنە قاراي جەدەل جولعا شىقتى. تۇرعىندار اۋماعىنىڭ وڭتۇستىك قاقپاسىندا جاۋ حۋانۋەي بالانىڭ اجەسىن كوردى، ول جول شەتىندە تىقىرشي كۇتىپ تۇرعان بولاتىن. قارت: ”ساقشى، مىنانى بينجياڭعا جەتكىزىپ بەرۋگە كومەكتەسسەڭىز“، — دەپ، ۇزىلگەن ساۋساق پەن قيىرشىق مۇز سالىنعان جىلۋلىق ساقتاۋ قالتاسىن بەردى.
ساعات 21 دەن 49 مينۋت وتكەندە، ۇزىلگەن ساۋساقتى ءساتتى العان جاۋ حۋانۋەي مەن جوۋ ي دەرەۋ ەمحاناعا قاراي جولعا شىقتى، سونىمەن بىرگە، توعىسپالى كەزەكشىلىك قىزمەت وتەۋ كەڭسەسىمەن حابارلاسىپ، جول بويى قاتىناس شىراعىن جاسىل تۇسكە وزگەرتىپ، ولاردىڭ قاتىناۋىنا قولايلىلىق جاساۋدى تاپسىردى، ساقشى اۆتوموبيلى جول بويى ۋاقىتپەن جارىسا زىمىرادى.
ساعات 22 دەن 13 مينۋت وتكەندە، اۆتوموبيل ەمحاناعا ءساتتى جەتەدى. جاۋ حۋانۋەي ەمحانانىڭ الدىندا كۇتىپ تۇرعان ءنان مىرزاعا قالتانى تابىس ەتەدى.
ۋاقىتپەن جارىسۋ بارىسىندا ولار تەك 25 مينۋتتا ۇزىلگەن ساۋساقتى بالانىڭ اكەسىنە تاپسىرىپ، بالانىڭ ساۋساعىن جالعاۋ وپەراتسياسىن جاساۋدىڭ قىمباتتى ۋاقىتىن ۇتتى.
”بالا وپەراتسيا بولمەسىنە كىردى، قازىرگى جاعدايى جاقسى“ دەگەندى ەستىگەندە، ءنان مىرزانىڭ جۇرەگى ورنىنا ءتۇسىپ: ”ولارعا شىنايى راقىمەت ايتامىن، جاڭا عانا تەلەفون سوققان سياقتى ەدىم، قاتىناس ساقشىلارى بىردەمدە جەتكىزىپ بەردى، وتە تەز ەكەن!“ — دەدى.
ءنان مىرزا ءاسىلى قاتىناس ساقشىلارىن سۋرەتكە تارتىپ الايىن، ءيا بولماسا ساقشى ءنومىرىن ەسكە ساقتاپ الايىن دەپ ويلاعان، الايدا، ساسقالاقتاعاندا تەك اسىعىس - ۇسىگىس قول بەرۋگە عانا ۇلگىردى. ەكىنشى كۇنى ءنان مىرزا اقپارات قۇرالدارى ارقىلى وزىنە كومەكتەسكەن لينپيڭدىق ەكى ساقشىنى ىزدەپ، ولارعا جاقسىلاپ راقىمەت ايتۋدى ويلادى. ءبىر كۇننىڭ الدىنداعى ءىستى ويلاعان سايىن، ءنان مىرزا قاتتى ۇرەيلەنەدى.
ءاسىلى، سول كۇنى كەشتە ءنان مىرزا بينجياڭدا جۇمىس ءبىتىرىپ جۇرگەن، بالاسىنىڭ ساۋساعىنىڭ ۇزىلگەنىن ەستىگەندە قاتتى ابىرجيدى. وتباسىنداعى كاريا اۆتوموبيل جۇرگىزۋدى بىلمەيتىن، اقكوڭىل كورشىسى وعان كومەكتەسىپ بالانى چۇڭشياننان بينجياڭداعى ولكەلىك بالالار ەمحاناسىنا جەتكىزگەن.
وسى بارىستا ءنان مىرزا ولاردىڭ جول ۇستىندە ويلاماعان جاعدايعا جولىعىپ قالۋىنان الاڭداپ، شۇعىل جاعدايدا ساقشىدان كومەك سۇرايتىن 122 تەلەفونىنا تەلەفون سوعادى. قاتىناس ساقشىلارى دەرەۋ ساقشى كۇشىن ورنالاستىرىپ، شۇعىل جاعدايدا پايدالاناتىن جولدىڭ ىركىلىسسىز بولۋىنا كەپىلدىك ەتتى، ۇزىلگەن ساۋساقتىڭ ۇيدە قالىپ قالعانىن بىلگەن سوڭ، ەڭ جاقىن جەردەگى قاتىناس ساقشى ۇلكەن اترەتىنىڭ چۇڭشيان ورتا اترەتىندەگى ساقشىلارمەن حابارلاسادى. جول بويى قاتىناس ساقشىلارى كەزەكپەن قورعاپ، ءنان مىرزانىڭ بالاسىنا ءساتتى تۇردە وپەراتسيا جاساۋعا كەپىلدىك ەتتى.
ءنان مىرزا: ”كورشىمنىڭ بالامدى ەمحاناعا جەتكىزۋگە كومەكتەسكەنىنە راقىمەت ايتامىن، قاتىناس ساقشىلارىنىڭ جول بويى قورعاعانىنا، ۇزىلگەن ساۋساقتى جەدەل جەتكىزىپ بەرگەنىنە راقىمەت ايتامىن، ولار بولماسا نە ىستەرىمدى شىنىمەن دە بىلمەس ەدىم“، — دەدى.
قاتىناس ساقشىسى جاۋ حۋانۋەي: ”مەن قاتىناس ساقشىسىمىن ءارى مەنىڭ دە بالام بار، ونىڭ كوڭىل - كۇيىن تۇسىنەمىن، بالانىڭ ساۋساعى ءۇزىلىپتى دەگەندى ەستىگەندە، ۋاقىتتى وتكىزىپ الماۋدى عانا ويلادىم، ءبىر ءتاۋىرى وپەراتسيا ءساتتى بولدى“، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
