توقتاعۇل مامەتقابىل:
قىزۋ ىنتامەن جانە قۇرمەت سەزىممەن اۋداردىم
□ انار بۇلت \ شينجياڭ گازەتىنىڭ ءتىلشىسى ۋاڭ شينحۇڭ
2023.07.11 16:53 كەلۋ قاينارى : شينجياڭ گازەتى
”مەن بۇل تۋىندىنى قىزۋ ىنتامەن جانە قۇرمەت سەزىممەن اۋداردىم“، - دەدى 7 - ايدىڭ 6 - كۇنى توقتاعۇل مامەتقابىل.
توقتاعۇل «ءتىل جانە اۋدارما» جۋرنالى قىرعىز رەداكسيا ءبولىمىنىڭ جاۋاپتى رەداكتورى. بيىل 5 - ايدا ول اۋدارعان دەرەكتى ادەبي شىعارما «وتان شەكاراسىنداعى كۇنباعىس: ”حالىق ونەگەسى“ بۇرماحان مولدونىڭ حيكاياسى» 7 - كەزەكتى ”تيانشان ادەبيەت - كوركەمونەر سيلىعىنىڭ“ ادەبي اۋدارما سيلىعىن ەنشىلەدى.
بۇل تۋىندىدا، باستىسى، ”حالىق ونەگەسى“ مەملەكەتتىك داڭق اتاعىنىڭ يەگەرى بۇرماحان مولدونىڭ ۇزاق ۋاقىتتان بەرى شەكاراعا تامىر تارتىپ، 50 جىلدى ءبىر كۇنگىدەي وتكىزىپ شەكارانى شارلاعان، شەكارانى قورعاعان ىزگى ىستەرى اڭگىمەلەنگەن. ”مەن قىرعىزبىن، ءدال بۇرماحان شەشەي تۇرمىس كەشىرگەن جەردە ەرجەتتىم، تۋىندىدا سۋرەتتەلگەن داۋىرلىك ارتقى كورىنىس، تابيعات جانە تۇرمىس ورتاسىنا توتەنشە قانىقپىن“. توقتاعۇل بۇرماحان شەشەي تۋرالى بىلاي دەدى: شەشەيدىڭ ىزگى ىستەرى مەديادا حابارلانعاننان كەيىن، ونەگەلى تۇلعانىڭ قاسىندا جۇرگەنىمدى ماقتانىش ەتتىم!
بۇرماحان شەشەيدىڭ ىزگى ىستەرىن ىشكەرىلەي ۇعىسۋ ءۇشىن، توقتاعۇل ارنايى ونىڭ ءومىربايانى «وتان مەنىڭ جۇرەگىمدە · وتانشىلدىق ونەگەسى بۇرماحان مولدو ەستەلىگىن» مۇقيات وقىپ شىعادى. ول بىلاي دەدى: وسى كىتاپتى وقۋ ارقىلى شەشەيدىڭ ىزگى ىستەرىن اناعۇرلىم ءتۇسىنىپ، ”ءتىرى شەكارا بەلگىسىنە“ دەگەن قۇرمەت سەزىمىم ارتا ءتۇستى.
2020 - جىلى «وتان شەكاراسىنداعى كۇنباعىس: ”حالىق ونەگەسى“ بۇرماحان مولدونىڭ حيكاياسى» اۋدارىلاتىنىن بىلگەندە، توقتاعۇل ءوزى ءوتىنىش ەتىپتى: مەن قىزۋ ىنتامەن جانە قۇرمەت سەزىممەن، ۇعىنىقتى اۋدارما تىلىمەن وقىرماندارعا ونىڭ جۇرەگىندەگى ۇلكەن سۇيىسپەنشىلىكتى ايگىلەۋدى ءۇمىت ەتتىم، - دەيدى.
بۇرماحاننىڭ ءومىرىنىڭ كوپ ۋاقىتى وتاننىڭ ەڭ باتىس بولىگىندەگى شەكارا سىزىعىندا ءوتتى، 200 مىڭ كيلومەتردەن استام تاۋ جولىن باسىپ شەكارانى شارلاپ، پامير ۇستىرتىندەگى ۇلكەندى - كىشىلى تاسقا ءوز قولىمەن 100 مىڭنان استام ”جۇڭگو تاسى“ دەگەن ءارىپتى ويىپ جازدى. قاتتى تەبىرەنگەن توقتاعۇل ءوزى اۋدارعان تۋىندىدا ”جۇڭگو تاسىنىڭ“ اڭگىمەسىن تىلگە العاندا، بۇرماحان بەيجيڭگە بارىپ سيلىق العانداعى اسەرلى كورىنىستى اۋدارما شىعارمادا ارنايى جالعاستىرادى. اۋدارما شىعارمادا بىلاي دەپ جازىلعان: بۇرماحان شەشەي بەيجيڭدە قوناق ۇيدە جاتقاندا قىزمەتكەرلەر ونىڭ ويعان تاسىنا ۇقسايتىن ءبىر ”جۇڭگو تاسىن“ ونىڭ بولمەسىنە ارنايى قويىپ قويادى. ول بولمەگە كىرىپ وسى ”جۇڭگو تاسىن“ كورگەندە قوس قولىمەن ونى سيپاپ قاتتى اسەرلەنەدى.
”بۇرماحان شەشەيدىڭ وتانشىلدىق رۋحىن ءاربىر وقىرماننىڭ جۇرەگىنە ۇيالاتۋ − اۋدارماشى بولعان مەنىڭ بۇلتارتپاس جاۋاپكەرشىلىگىم. بۇدان كەيىن مەن ءوزىمنىڭ بولماشى كۇشىم ارقىلى ’حالىق ونەگەسى‘ بۇرماحان مولدونىڭ حيكاياسىن ءتىپتى دە الىستارعا تاراتىپ، ونىڭ وتانشىلدىق رۋحىن جالعاستىرا تۇسەمىن“، - دەدى توقتاعۇل.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
