قاتىناس ساقشىسى قاربىز ساتۋشىعا اقشالاي ايىپ سالعان سوڭ، ونىڭ 2000 نەشە جىڭ قاربىزىن ساتۋعا كومەكتەستى
2023.07.11 15:37 كەلۋ قاينارى : حالىق تورابى
جۋىردا حىنان ولكەسى جىڭجوۋ قالاسىندا قاربىز ساتۋشى قاتىناس قاعيداسىنا قايشى كەلگەندىكتەن، قاتىناس ساقشىسى وعان اقشالاي ايىپ سالادى، سوڭىنان قاربىز ساتۋشى قاتىناس ساقشىسىنا راقىمەت ايتتى. بۇل قالاي بولعان ءىس؟
جىڭجوۋ قالالىق قاتىناس ساقشىسى 2 - بولىمشە اترەتى جولداعى كامەرالار ارقىلى باقىلاۋ بارىسىندا شاعىن جۇك اۆتوموبيلىنىڭ زاڭعا قايشى تۇردە ادام تاسىمالداعانىن بايقاعان.
قاتىناس ساقشىسى الدىمەن ىسكە قاتىستى اۆتوموبيل شوفەرىمەن حابارلاسقان، اۆتوموبيل شوفەرى زاڭعا قايشى تۇردە اۆتوموبيلگە ادام وتىرعىزعانى سىندى شىندىقتى مويىنداپ، جازانى قابىلدايتىنىن بىلدىرگەن. ەكىنشى كۇنى شوفەر مەن ونىڭ كىشى اكەسى جاڭ كاريا جىڭجوۋ قاتىناس ساقشىسى 2 - بولىمشە اترەتىنە كەلىپ، جازانى قابىلدايدى، زاڭعا قايشى كەلگەن ءىستى ءبىر جاقتى ەتۋ بارىسىندا، قاتىناس ساقشىسى دۋ بو قاربىز ساتۋشى جاڭ كاريانىڭ كايفىڭ قالاسى جۋشيان قالاشىعىنىڭ ديقانى ەكەنىن، ونىڭ ۇستىنە ەڭ تومەنگى تۇرمىس دەڭگەيى قامتاماسىزداندىرىلاتىن وتباسى ەكەنىن، تۇرمىستاعى قيىنشىلىعىنىڭ توتەنشە اۋىر ەكەنىن بىلەدى.
بىرنەشە كۇننەن بەرى، اعاسىنىڭ ۇلى وعان كومەكتەسىپ اۆتوموبيل جۇرگىزىپ، جىڭجوۋ قالاسىنا كەلىپ قاربىز ساتادى. الايدا ساتىلىمى وتە باياۋ بولادى، ولاردىڭ ۇيىندە تاعى بىرنەشە مىڭ جىڭ قاربىز پىسىپ تۇرعان بولاتىن، ەگەر تەز ارادا ساتىلماسا، كوپ وتپەي بۇزىلىپ كەتۋى مۇمكىن. دۋ بو مۇنى ەستىگەن سوڭ ءوز قالتاسىنان اقشا شىعارىپ ونىڭ 300 جىڭ قاربىزىن ساتىپ الادى، الايدا، بۇل قاربىز ساتۋشىنىڭ قيىنشىلىعىن تۇگەلدەي شەشىم ەتە الماسى انىق. ءتۇس مەزگىلىنە تاياعان ساتتە، دۋ بو قاربىز ساتۋشى ەكەۋىنىڭ تۇسكى تاماعىن ورنالاستىرۋمەن بىرگە، قاراماعىنداعى وڭىردەگى ەرەنبازارمەن حابارلاسىپ، قاربىز ساتۋشىنىڭ قاربىزىن تەز ارادا ساتۋىنا كومەكتەسەدى.
سايكەستىرۋ ارقىلى ەكى ەرەنبازار جاڭ كاريانىڭ قاربىزىن ساتىپ الۋعا ماقۇل بولادى، جاڭ كاريا دا ىرىقتىلىقپەن باعاسىن تومەندەتىپ، ەڭ سوڭىندا 2000 جىڭنان استام قاربىز بۇكىلدەي ساتىلادى.
تۇستەن كەيىن ساعات 5 مولشەرىندە جاڭ كاريا قاتىناس ساقشىسىنا تەلەفون سوعىپ، قاربىزدى تۇگەلدەي اۆتوموبيلدەن ءتۇسىرىپ بولعانىن ءارى ناق اقشا العانىن ايتىپ، قاتىناس ساقشىسىنا راقىمەت ايتادى، قاتىناس ساقشىسى جاڭ كارياعا بۇدان بىلاي قاتىناس حاۋىپسىزدىگىنە نازار اۋدارۋدى، جۇك اۆتوموبيلىنىڭ جۇك شارباعىنا وتىرماۋدى ەسكەرتەدى.
جازالاۋعا ءتيىستى كەزدە جازالاپ، كومەكتەسۋگە ءتيىستى كەزدە كومەكتەسكەن قاتىناس ساقشىسىنىڭ مەيىربان ارەكەتى ماقتاۋعا تاتيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
