الدىڭعى جارتى جىلدا شينجياڭنىڭ قوس شەكارا وتكەلىنەن قاتىناعان كەزەكشى پويەزدەردىڭ سانى، زات وتكىزۋ مولشەرى بىردەي ارتتى
2023.07.11 16:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 7 - ايدىڭ 9 - كۇنى ۇرىمجىدەن حابارلايدى. ءتىلشىنىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، الدىڭعى جارتى جىلدا شينجياڭ تەمىر جولى الاتاۋ ساعاسىنان جانە قورعاس شەكارا وتكەلىنەن كىرگەن - شىققان جۇڭگو − ەۆروپا (ورتا ازيا) كەزەكشى پويەزى 7160 كەزەك بولىپ، سايكەس مەزگىلدەگىدەن ％7. 13 ارتقان؛ زات وتكىزۋ مولشەرى 12 ميلليون 301 مىڭ تونناعا جەتىپ، سايكەس مەزگىلدەگىدەن ％24 ارتقان.
تەمىر جول قوس شەكارا وتكەلىنەن قاتىناعان جۇڭگو − ەۆروپا (ورتا ازيا) كەزەكشى پويەزىنىڭ سانى مەن زات وتكىزۋ مولشەرىنىڭ بىردەي ارتۋىن شينجياڭنىڭ يمپورت - ەكسپورت ساۋدا قاجەتسىنۋىنىڭ زور مولشەردە ارتۋىنان بولە قاراۋعا بولمايدى.
بيىل جىل باسىنان بەرى شينجياڭ جىبەك جولى ەكونوميكالىق بەلدەۋى وزەكتى رايونى باسىمدىعىن تولىق ساۋلەلەندىرىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن كۇش سالا ىلگەرىلەتىپ، سىرتقى ساۋدانىڭ ورنىقتى ارتۋىن جەبەدى. الدىڭعى 5 ايدا شينجياڭنىڭ سىرتقى ساۋدا يمپورت - ەكسپورت جالپى قۇنى 125 ميلليارد 60 ميلليون يۋانعا جەتىپ، سايكەس مەزگىلدەگىدەن ％9. 85 ارتىپ، بۇكىل ەلدىڭ ارتۋ قارقىنىنان 2. 81 پايىز جوعارى بولىپ، الدىڭعى جىلداعىمەن سالىستىرعاندا 2 اي بۇرىن 100 ميلليارد يۋانعا جەتكەن.
الدىڭعى جارتى جىلدا الاتاۋ ساعاسى تەمىر جول شەكارا وتكەلىنەن كىرىپ - شىققان جۇڭگو − ەۆروپا (ورتا ازيا) كەزەكشى پويەزى 3296 كەزەك بولىپ، سايكەس مەزگىلدەگىدەن ％2. 10 ارتقان؛ زات وتكىزۋ مولشەرى 7 ميلليون 18 مىڭ تونناعا جەتىپ، سايكەس مەزگىلدەگىدەن ％5. 19 ارتقان. قورعاس تەمىر جول شەكارا وتكەلىنەن كىرىپ - شىققان جۇڭگو − ەۆروپا (ورتا ازيا) كەزەكشى پويەزى 3864 كەزەك بولىپ، سايكەس مەزگىلدەگىدەن ％8. 16 ارتقان؛ زات وتكىزۋ مولشەرى 5 ميلليون 283 مىڭ توننا بولىپ، سايكەس مەزگىلدەگىدەن ％4. 30 ارتقان.
قاۋىرت ارتقان تاسىمال قاجەتىنە قاراتا، الاتاۋ ساعاسى ۆوگزالى وندىرىسكە ۇيىمداستىرۋ ۇلگىسىن ۇزدىكسىز ساپالىلاندىرىپ، ورنالاستىرۋدى، ءبىر تۇتاس قولباسشىلىق ەتۋدى كۇشەيتىپ، قاتىنايتىن پويەزدىڭ، زات تاسىمالىنىڭ، تيەۋ - ءتۇسىرۋدىڭ، ارالىق بەكەتتىڭ ءبىر تۇلعالى جوعارى ءونىمدى ىقپالداستىق مەحانيزمىن قالىپتاستىردى. قورعاس ۆوگزالى كەزەكشى پويەز تاسىمالىن ۇيىمداستىرۋ ونىمدىلىگىن جوعارىلاتۋدى وزەك ەتىپ، كەزەكشى پويەزدەردىڭ قاتىناۋ جوباسىن جاساۋدى ساپالىلاندىرىپ، كەزەكشى پويەزدەردى ىركىلىسسىز قابىلداۋعا، جونەلتۋگە شىنايى كەپىلدىك ەتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
