”وسى اراداعى ىستەرىم ءساتتى بولىپ، كوڭىلىم جاي تاپتى“
□ انار بۇلت \ شينجياڭ گازەتىنىڭ ءتىلشىسى ءرايدا
2023.07.11 16:52 كەلۋ قاينارى : شينجياڭ گازەتى
”شينجياڭنىڭ تاعامى، قاۋىن - قاربىزى، جەمىس - جيدەگى ەڭ ءدامدى، تەزىرەك كەلىپ قالاعانىڭىزشا ءدام تاتىپ قايتىڭىزدار“!
”كوپشىلىكتىڭ قاشقار بايىرعى قالاسىنا كەلىپ سايابىر تۇرمىستان ءلاززات الۋىن قارسى الامىز“.
”بالالار بايىرعى قالانى سۇيىسپەنشىلىككە بولەپ، ومىرشەڭدىككە يە ەتتى“.
...
ۋاڭ ۋيدىڭ ۋيشين دوستىق شەڭبەرىن اقتارساڭىز، ءاربىر جولدامالارى قاشقار بايىرعى قالاسىندا شارۋاشىلىق قۇرعان بارىسىنداعى اڭگىمەلەر ەكەندىگىن بايقايسىز.
2021 - جىلى ءتىلشى قاشقار بايىرعى قالاسىندا تىلشىلىك ىستەگەندە جىڭجوۋدان قاشقار بايىرعى قالاسىنا كەلىپ حالىقتىق تۇسەلحانا اشقان جاس بويجەتكەنمەن تانىسقان ەدى. اراعا 2 جىلدان استام ۋاقىت سالىپ قايتا كەزىككەندە ۋاڭ ۋيدىڭ ءتىپتى دە جايدارى ەكەندىگىن كوردى.
”قاشقار بايىرعى قالاسى مەنى رۋحاني قالجىراۋدان ايىقتىردى“، - دەدى 6 - ايدىڭ 30 - كۇنى حالىقتىق تۇسەلحانانى تازالاپ جاتقان ۋاڭ ۋي.
جىڭجوۋدان قاشقارعا دەيىن 4000 نەشە كيلومەتر، بۇل قاۋىشۋ 4 جىلدىڭ الدىنداعى ءبىر رەتكى ساپاردان باستاۋ العان بولاتىن.
”2019 - جىلى 9 - ايدا مەن التايدا ساياحاتتاپ جۇرگەن كەزىمدە باسقالاردىڭ قاشقاردى تانىستىرعانىن ەستىپ قاتتى قىزىققان ەدىم. 11 - اي دەمالىسىما تۋرا كەلىپ، ەشقانداي ساياحات جوسپارىن جاساماي - اق دوسىممەن بىرگە قاشقارعا كەلدىم“، - دەدى ۋاڭ ۋي.
قاشقاردا ساياحاتتاعان 4 كۇندە ۋاڭ ۋي قاشقار بايىرعى قالاسىن ارالاپ ءجۇردى، ”بۇل ارانىڭ قۇرىلىس ەرەكشەلىگىنەن، ۇلتتىق سالت - ساناسىنان، ادامداردىڭ تۇرمىسقا دەگەن بەلسەندى پوزيتسياسىنان ايرىقشا اسەر الدىم، قاتتى ۇناتتىم“.
اتتانار كۇنى تۇستەن بۇرىن ايىزى قانباعان ۋاڭ ۋي قاشقار بايىرعى قالاسىنا تاعى كەلگەندە كۇتپەگەن جەردەن دارەجەسى جوعارىلاتىلىپ، جاڭالانىپ جاتقان باعچا تار كوشەسىنە كەلىپ قالدى. ”كوشە بويىنداعى كوپتەگەن ۇيلەردىڭ جالعا بەرىلەتىندىگىن كورگەننەن كەيىن، بۇل ارا قاشقار بايىرعى قالاسىنىڭ ۇزدىكسىز تانىلۋىنا ىلەسە، ءسوز جوق، جاندانادى دەپ ويلادىم“، - دەدى ۋاڭ ۋي، سودان ەكى - اق ساعاتتىڭ ىشىندە ءبىر تۇرعىندار تۇراعىن جالعا الادى.
سول جىلى 12 - ايدا ۋاڭ ۋي قاشقار بايىرعى قالاسىنا جانە كەلىپ تاعى ءبىر تۇرعىندار تۇراعىن جالعا الدى. 2020 - جىلى 5 - ايدا ول قىزمەتىنەن رەسمي شەگىنىپ، قاشقارعا كەلىپ بايىرعى قالادا شارۋاشىلىق قۇرۋ جولىن باستادى.
”بوتەن جەر، بەيتانىس ەل، تۇسەلحانانى اشەكەيلەۋ بارىسىندا كوپ قيىنشىلىقتارعا جولىقتىم، الايدا وسى بارىستا مەيلى بايىرعى قالا كورىنىس ءوڭىرىن باسقارۋ كوميتەتى، قاشقار بايىرعى قالا حالىقتىق تۇسەلحانالارىن باسقارۋ شەكتى سەرىكتەستىگى بولسىن، الدە جەرگىلىكتى تۇرعىندار بولسىن، بارلىعى ماعان زور كومەك كورسەتتى“، - دەدى ۋاڭ ۋي.
كورشى اجەي حالىقتىق تۇسەلحانانى اشەكەيلەگەننەن باستاپ ەرەكشە كوڭىل بولە باستاعان. اشەكەيلەۋ بارىسىن ۋاق - ۋاق كەلىپ كورىپ، وعان كومەكتەسىپ تەرەزەلەردى جاۋىپ، اشەكەيلەۋ ماتەريالدارىن قاراستى. اجەي تاعى ىرىقتىلىقپەن وعان كومەكتەسىپ ۇستەل جاپقىش، ورىندىق توسەنىش جاساپ بەرىپ، ونىڭ گۇل تۇبەگىن ساتىپ العانىن كورگەندە گۇل تاشتەكتىڭ كىشى بولىپ قالعانىنان الاڭداپ، ۇيىنەن ۇلكەن گۇل تاشتەگىن الىپ شىعىپ گۇلىن، توپىراعىن كوشىرىپ بەرەدى.
حالىقتىق تۇسەلحانا اشقان، كوفەحانا اشقان بىرنەشە جىل ۋاقىتتا ۋاڭ ۋي قاشقار بايىرعى قالاسى باعچا تار كوشەسىنە تامىر تارتتى.
”مەن بۇرىن ءبىر ينتەرنەت سەرىكتەستىگىندە قىزمەت ىستەگەنمىن، قىزمەت ءريتىمى تەز، باسىم دا اۋىر بولاتىن. الايدا قاشقار بايىرعى قالاسىنا كەلگەننەن كەيىن، بارلىق ءىس تاماشا بولعانداي سەزىندىم، سايابىر تۇرمىس، كورشىلەرمەن، ساياحاتشىلارمەن شىن پەيىلمەن اڭگىمەلەسۋ بارىسىندا قالجىراۋدان ايىققانداي بولدىم“، - دەدى ۋاڭ ۋي.
ۋاڭ ۋي تىلشىگە بىلتىر شەتەلگە شىعىپ ءبىر مەزگىل ساياحاتتاپ، جىڭجوۋعا قايتىپ بارىپ اتا - اناسىمەن قىسقا ۋاقىت بىرگە تۇرعاننان كەيىن، اسىعىس قاشقارعا قايتقانىن ايتتى. ”كوپتەگەن ادام مەنى بۇل اراداعى كاسىبىن قيمايدى دەپ قارايدى، ءىس جۇزىندە، مەنىڭ قيمايتىنىم وسى اراداعى ادامدار“. ۋاڭ ۋي بىلاي دەدى: چەمودانىمدى سۇيرەپ باعچا تار كوشەسىنە كىرگەنىمدە كورشى اجەي مەنى كورە سالا قۇشاعىن جايىپ قارسى الدى. ”كەزىندەگى بەيتانىس ادام، قانداستىق قاتىناسى جوق ادام ماعان تۋىسقانداي مەيىر سيلادى“، - دەدى ۋاڭ ۋي.
”ۋاڭ اپەكە، امانسىز با“! ”ۋاڭ اپەكە، بۇگىن ماعان نە ۇيرەتەسىز“؟ ”ۋاڭ اپەكە، بۇگىن ءبىزدىڭ ۇيگە كەلىپ تاماقتانىڭىز“... سۇحبات بارىسىندا ەسىك الدىنا كەلىپ ۋاڭ ۋيدى شاقىرعان بالالاردىڭ اياعى ۇزىلمەدى.
”ولاردىڭ ءبارى مەنىڭ وسى اراداعى كىشكەنتاي سەرىكتەرىم، جايشىلىقتا ۇنەمى حالىقتىق تۇسەلحاناعا كەلىپ وينايدى، مەن دە ولاردىڭ تاپسىرماسىن پىسىقتاپ بەرەمىن“. ۋاڭ ۋي بىلاي دەدى: كەيبىر اتا - انالاردىڭ جۇمىسى قاربالاس بولعاندىقتان، مەن ولاردىڭ بالالارىنا قارايلاسۋعا كومەكتەسەمىن.
”قاشقار بايىرعى قالاسى بارعان سايىن تانىمالى بولىپ، بايىرعى قالاداعى كەيبىر تار كوشەلەر ۇزدىكسىز جاڭالانىپ، دەڭگەيى جوعارىلاپ، ءسوزسىز، باراتىن كورىنىس تۇيىندەرى كوبەيىپ، ورتاسى اناعۇرلىم جاقسارىپ، ادامدار دا كوبەيدى، مەنىڭ حالىقتىق تۇسەلحانامنىڭ دا اتاعى شىعا باستادى“. ۋاڭ ۋي بىلاي دەدى: بايىرعى قالاداعى تۇرمىس باياعىداي جايبىراقات، وسى اراداعى ىستەرىم ءساتتى بولىپ، كوڭىلىم جاي تاپتى، مۇنداي سەزىم مەندە بۇرىن - سوڭدى بولماعان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
